୧୭ ହଜାର ଲୋକଙ୍କୁ ଛଟେଇ କରିବାକୁ ଯାଉଛି ଏକ ବଡ଼ କମ୍ପାନୀ! ଏହି ଲୋକଙ୍କ ଉପରେ ଝୁଲୁଛି ଖଣ୍ଡା
ନୂଆଦିଲ୍ଲୀ: ୨୦୨୨ ବର୍ଷର ଶେଷ କିଛି ମାସରେ ବଡ କମ୍ପାନୀଗୁଡିକର କିଛି କଠୋର ନିଷ୍ପତ୍ତି ବିଷୟରେ ଶୁଣିବାକୁ ମିଳିଥିଲା । ବର୍ତ୍ତମାନ ଏକ ଖବର ଆସିଛି କି, ଆମାଜନ ଡଟ୍ କମ୍ (ଆମାଜନ ଡଟ୍ ଇନ୍) ୧୭,୦୦୦ ରୁ ଅଧିକ ଲୋକଙ୍କୁ ଛଟେଇ କରିପାରେ । ଗତ ସମୟର ଆନୁମାନିକ ଆକଳନଠାରୁ ଏହି ସଂଖ୍ୟା ଅଧିକ ରହିଛି । ୱାଲ୍ ଷ୍ଟ୍ରିଟ୍ ଜେନେରାଲଙ୍କ ରିପୋର୍ଟରେ ଏହା ପ୍ରକାଶ ପାଇଛି । ତେବେ ଭାରତୀୟ ବଜାରରେ ମଧ୍ୟ ଆମାଜନର ଅନେକ ପ୍ରାଧାନ୍ୟ ରହିଛି ।
ଏହି ରିପୋର୍ଟରେ କୁହାଯାଇଛି ଯେ, କମ୍ପାନୀ କର୍ପୋରେଟ୍ ରାଙ୍କରେ ଲୋକଙ୍କୁ ଛଟେଇ କରିବ । କମ୍ପାନୀର ଏହି ନିଷ୍ପତ୍ତିରେ ସେୟାର ମାର୍କେଟ ସକରାତ୍ମକ ପ୍ରତିକ୍ରିୟା ଦେଇଛି । ରିପୋର୍ଟ ଆସିବା ପରେ ଆମାଜନର ସେୟାର ୨ ପ୍ରତିଶତରୁ ଅଧିକ ବୃଦ୍ଧି ପାଇଛି । ଆମାଜନ ଗତ ବର୍ଷ ନିଜେ କର୍ମଚାରୀଙ୍କୁ ଛଟେଇ କରିବା ଆରମ୍ଭ କରିଥିଲା ।
ଛଟେଇ କାହିଁକି ହେଉଛିି?
କମ୍ପାନୀ ସହିତ ଜଡିତ ଜଣେ ବ୍ୟକ୍ତିଙ୍କ ଉଦେ୍ଧଶ୍ୟରେ ୱାଲ୍ ଷ୍ଟ୍ରିଟ୍ ଜେନେରାଲ୍ ଏହାର ରିପୋର୍ଟରେ କହିଛନ୍ତି ଯେ, କୋଭିଡ -୧୯ ସମୟରେ ଆମାଜନ ବହୁ ସଂଖ୍ୟକ ଲୋକଙ୍କୁ ନିଯୁକ୍ତି ଦେଇଥିଲା । କିନ୍ତୁ ବର୍ତ୍ତମାନ ଏହି ନିଷ୍ପତ୍ତି ଏହି ଇ-କମର୍ସ କମ୍ପାନୀ ପାଇଁ ଏକ ବୋଝ ବୋଲି ପ୍ରମାଣିତ ହେଉଛି । ଏହି କାରଣରୁ, ଆମାଜନ ଏତେ ସଂଖ୍ୟକ କର୍ମଚାରୀଙ୍କୁ ଛଟେଇ କରିବାକୁ ପ୍ରସ୍ତୁତ ହେଉଛି । ତେବେ ଆମାଜନ ବ୍ୟତୀତ ସେଲ୍ସଫୋର୍ସ ଇନ୍ ବୁଧବାର ଦିନ ୧୦ ପ୍ରତିଶତ କାର୍ଯ୍ୟ ଶକ୍ତି ହ୍ରାସ କରିବାକୁ ଘୋଷଣା କରିଛି ।
