ଦିନକ ପାଇଁ ମୁଖ୍ୟମନ୍ତ୍ରୀ ହେବେ ଏହି ବାଳିକା, ଜାଣନ୍ତୁ କିଏ ଓ କାହିଁକି
ହରିଦ୍ୱାର, ୨୨ା୧: ବଲିଉଡ ଅଭିନେତା ଅନିଲ କପୁରଙ୍କର ଅଭିନୀତ ‘ନାୟକ’ ମୁଭି କିଏ ବା ନ ଦେଖିଛି । ଏହି ଫିଲ୍ମରେ ଅଭିନେତା ଅନିଲ କପୁର ଗୋଟିଏ ଦିନ ପାଇଁ ରାଜ୍ୟର ମୁଖ୍ୟମନ୍ତ୍ରୀ ହୋଇଥିଲେ । ତେବେ ବାସ୍ତବ ଜୀବନରେ ଗୋଟିଏ ଦିନ ପାଇଁ ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି ଜଣେ ବାଳିକା ।
ହରିଦ୍ୱାର ଅନ୍ତର୍ଗତ ଦୌଲତପୁରର ବାସିନ୍ଦା ସୃଷ୍ଟି ଗୋସ୍ୱାମୀ ଗୋଟିଏ ଦିନ ପାଇଁ ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ପଦରେ ଅଧିଷ୍ଠିତ ହେବାକୁ ଯାଉଛନ୍ତି । ଆସନ୍ତା ୨୪ ତାରିଖ ବାଳିକା ଦିବସ ଅବସରରେ ସେ ମୁଖ୍ୟମନ୍ତ୍ରୀ ପଦ ସମ୍ଭାଳିବେ । ଏହି ଦିବସରେ ସୃଷ୍ଟି ରାଜ୍ୟର ବିଭାଗୀୟ କାର୍ଯ୍ୟର ସମୀକ୍ଷା କରିବେ । ଏହି ଅବସରରେ ବାଲ୍ ବିଧାନସଭା ମଧ୍ୟାହ୍ନ ୧୨ଟାରୁ ୩ଟା ପର୍ଯ୍ୟନ୍ତ ଅନୁଷ୍ଠିତ ହେବ । ସୃଷ୍ଟି ବିଏସସି ଏଗ୍ରିକଲଚରରେ ୭ମ ସେମିଷ୍ଟରର ଛାତ୍ରୀ । ଏନେଇ ସୃଷ୍ଟି ଏକ ଭିଡିଓକୁ ସୋସିଆଲ ମିଡ଼ିଆରେ ସେୟାର କରିବା ସହ ନିଜର ଶୁଭଚିନ୍ତକଙ୍କୁ ଧନ୍ୟବାଦ ଅର୍ପଣ କରିଛନ୍ତି ।
