‘ଓଡ଼ିଶାରେ ଜନଜାତିଙ୍କ ବିକାଶ ଜରୁରୀ’, ଏସସି/ଏସଟି ଜାତୀୟ ସମ୍ମିଳନୀରେ ମୁଖ୍ୟମନ୍ତ୍ରୀଙ୍କ ପ୍ରତିକ୍ରିୟା

ଭୁବନେଶ୍ୱର: ଏସସି/ଏସଟି ଜାତୀୟ ସମ୍ମିଳନୀରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଜନଜାତିଙ୍କୁ ନେଇ ନିଜ ପ୍ରତିକ୍ରିୟା ଜାରି କରିଛନ୍ତି। ସେ କହିଛନ୍ତି ଯେ, ଜନଜାତିଙ୍କ ବିକାଶ ନିହାତି ଆବଶ୍ୟକ।

ସେ କହିଛନ୍ତି ଯେ, ନିର୍ବାଚନ ପୂର୍ବରୁ ଆଦିବାସୀଙ୍କ ଘରକୁ ଯିବା ଗୋଟେ ଫ୍ୟାସନ। ମୁଁ ଆଦିବାସୀ ପରିବାରରୁ ଜନ୍ମ, ମୋତେ କିଛି ଶିଖିବାର ନାହିଁ। ମୁଁ ସେଇ ବର୍ଗରୁ ଆସିଥିବାରୁ ସବୁ ସମସ୍ୟା ବିଷୟରେ ଅବଗତ ହୋଇଛି।

ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆହୁରି କହିଛନ୍ତି ଯେ, ଆମ ସରକାର ଆଦିବାସୀ ଜନଜାତି ପାଇଁ କାମ କରୁଛନ୍ତି। ଓଡ଼ିଶାରେ ୨୪% ଜନଜାତି ଅଛନ୍ତି। ସେମାନଙ୍କର ବିକାଶ ନିହାତି ଜରୁରୀ। ସମସ୍ତ ଜନଜାତି ଭାଷାରେ ଶିକ୍ଷାଦନ ପାଇଁ ନିଷ୍ପତ୍ତି ହୋଇଛି।