Breaking: ଚାଉଳ ବୋଝେଇ ଟ୍ରକକୁ ଧକ୍କା ଦେଲା କୋଇଲା ବୋଝେଇ ଟ୍ରକ, ଡ୍ରାଇଭର ଜୀବନ୍ତ ଦଗ୍ଧ

ଭୁବନେଶ୍ବର: ଭବାନୀପାଟଣାରେ ଭୟଙ୍କର ସଡକ ଦୁର୍ଘଟଣା । ଟ୍ରକ ସହିତ ଜଳିଗଲେ ଡ୍ରାଇଭର । ମୁହାଁମୁହିଁ ଧକ୍କାରେ 2ଟି ଟ୍ରକରେ ନିଆଁ ଲାଗିଯାଇଥିବା ସୂଚନା ରହିଛି । 2ଟିଯାକ ଟ୍ରକରେ ନିଆଁଲାଗିଯାଇଥିବା ବେଳେ ଗୋଟିଏ ଟ୍ରକ ସହିତ ଡ୍ରାଇଭର ଜୀବନ୍ତ ଜଳିଯାଇଥିବା ସୂଚନା ରହିଛି । ଅନ୍ୟଏକ ଟ୍ରକରେ ମଧ୍ୟ ନିଆଁ ଲାଗିଯାଇଥିବା ବେଳ ଡ୍ରାଇଭରଙ୍କର ପତ୍ତା ମିଳୁନାହିଁ । କଳାହାଣ୍ଡି ଜିଲ୍ଲା ସଦର ଥାନା ପାସ୍ତିକୁଡା ନିକଟରେ ମର୍ମନ୍ତୁଦ ଦୁର୍ଘଟଣା ହୋଇଛି । ଚାଉଳ ବୋଝେଇ ଟ୍ରକକୁ ପଛରୁ ଅନ୍ୟ ଏକ ଟ୍ରକ ଧକ୍କା ଦେଇଥିଲା ।

ସୂଚନା ଅନୁସାରେ, ଆଜି ସକାଳ 4ଟାରେ ଏହି ଦୁର୍ଘଟଣା ହୋଇଛି । ଚାଉଳ ବୋଝେଇ ଟ୍ରକଟି ଛିଡା ହୋଇଥିବା ବେଳେ ତାକୁ ଏକ କୋଇଲା ବୋଝେଇ ଟ୍ରକ ଧକ୍କା ଦେଇଥିଲା । ତେବେ କୋଇଲା ବୋଝେଇ ଟ୍ରକ ଚାଳକ ସହିତ ଟ୍ରକଟି ସମ୍ପୁର୍ଣ୍ଣ ଜଳିଯାଇଥିଲା । ଖବରପାଇ ଅଗ୍ନିଶମ ବାହୀନି ନିଆଁକୁ ଆୟତ୍ତ କରିଥିଲେ ହେଁ ଜୀବନ ବଞ୍ଚାଇବାରେ ସମ୍ଭବପର ହୋଇପାରିନଥିଲେ । ତେବେ କେଉଁ ପରିସ୍ଥିତିରେ ଦୁର୍ଘଟଣା ଘଟିଲା ତାହା ବର୍ତ୍ତମାନ ସୁଦ୍ଧା ଜଣାପଡିନଥିବା ବେଳେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।