ପୁଟିନ୍ଙ୍କ ସହ ଲଢିବାକୁ ଟ୍ରମ୍ପ ନେଲେ ନିଷ୍ପତ୍ତି; ରୁଷ ବାସ୍କେଟ୍ବଲ୍ ଖେଳାଳିଙ୍କୁ ଫ୍ରାନ୍ସରେ କରାଇଲେ ଗିରଫ
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବେ ରୁଷ ରାଷ୍ଟ୍ରପତି ପୁଟିନଙ୍କ ସହ ନେଲେ ପଙ୍ଗା
ନୂଆଦିଲ୍ଲୀ: ବର୍ତ୍ତମାନ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭ୍ଲାଦିମିର ପୁଟିନଙ୍କ ସହ ଏକ ବଡ଼ ପଙ୍ଗା ନେଇଛନ୍ତି। ଟ୍ରମ୍ପ ଫ୍ରାନ୍ସରେ ଜଣେ ରୁଷୀୟ ବାସ୍କେଟବଲ୍ ଖେଳାଳିଙ୍କୁ ଗିରଫ କରିଛନ୍ତି।
ଏହା ଦୁଇ ଦେଶ ମଧ୍ୟରେ ଉତ୍ତେଜନା ବୃଦ୍ଧି କରିପାରେ। ରୁଷୀୟ ଏଜେନ୍ସି RT.com ଅନୁଯାୟୀ, ଆମେରିକାର ଅନୁରୋଧରେ ଫ୍ରାନ୍ସ ରୁଷୀୟ ବାସ୍କେଟବଲ୍ ଖେଳାଳିଙ୍କୁ ଅଟକ ରଖିଛି।
ଖେଳାଳିଙ୍କ ବିରୋଧରେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାଗଲା: ଆମେରିକାର ଅନୁରୋଧରେ ଫ୍ରାନ୍ସ ଏହି ଖେଳାଳିଙ୍କୁ ଗିରଫ କରିଥିଲା ଏବଂ ପରେ ତାଙ୍କୁ ଅଟକ ରଖିଛି, ତାଙ୍କ ନାମ ଡାନିଲ କାସାଟକିନ୍। ତାଙ୍କ ଉପରେ ଏକ ରାନସମୱେର୍ ଗ୍ୟାଙ୍ଗର ସଦସ୍ୟ ଥିବା ଅଭିଯୋଗ ହୋଇଛି।
ଫ୍ରାନ୍ସ କହିଛି ଯେ, ଆମେରିକାର ଅନୁରୋଧରେ ରୁଷୀୟ ବାସ୍କେଟବଲ୍ ଖେଳାଳି ଡାନିଲ କାସାଟକିନଙ୍କୁ ଅଟକ ରଖାଯାଇଛି। ରୁଷୀୟ ଜାତୀୟ ଦଳ ପାଇଁ ପଏଣ୍ଟ ଗାର୍ଡ ଖେଳୁଥିବା କାସାଟକିନ୍ 21 ଜୁନରେ ଚାର୍ଲ୍ସ ଡି ଗଲ୍ ବିମାନବନ୍ଦରରେ ତାଙ୍କ ମଙ୍ଗେତରଙ୍କ ସହିତ ଫ୍ରାନ୍ସ ପହଞ୍ଚିବା ପରେ ତାଙ୍କୁ ଗିରଫ କରାଯାଇଥିଲା। ବୁଧବାର ଦିନ ଏକ ଶୁଣାଣିରେ ଜଣେ ବିଚାରପତି ରାୟ ଦେଇଥିଲେ ଯେ, ତାଙ୍କୁ ପ୍ରତ୍ୟର୍ପଣ ପ୍ରକ୍ରିୟା ପର୍ଯ୍ୟନ୍ତ ହେପାଜତରେ ରଖାଯିବ।
କ’ଣ ରହିଛି ଆମେରିକାର ଅଭିଯୋଗ: ଆମେରିକୀୟ ଅଧିକାରୀଙ୍କ ଅଭିଯୋଗ ରହିଛି ଯେ, କାସାଟକିନ୍ ଆମେରିକାରେ ପଢିଥିଲେ। ସେହି ସମୟରେ ସେ ଏକ ହ୍ୟାକର ଗ୍ୟାଙ୍ଗ ପକ୍ଷରୁ ରାନସମ ଆମାଉଣ୍ଟ ଧାର୍ଯ୍ୟ କରିବାରେ ଭୂମିକା ନିଭାଇଥିଲେ। ଏହି ଗ୍ୟାଙ୍ଗ ୨୦୨୦ରୁ ୨୦୨୨ ମଧ୍ୟରେ ହାରାହାରି ୯୦୦ କମ୍ପାନୀ ଏବଂ ଦୁଇ ସଂଘୀୟ ସଂସ୍ଥାଗୁଡ଼ିକ ଉପରେ ଟାର୍ଗେଟ୍ କରିଥିଲେ।
କାସାଟକିନ୍ ଏଥିରେ କୌଣସି ସଂପୃକ୍ତି ନାହିଁ ବୋଲି କହିଛନ୍ତି। ତାଙ୍କ ଓକିଲ ଗଣମାଧ୍ୟମକୁ କହିଥିଲେ ଯେ, କାସାଟକିନଙ୍କର କମ୍ପ୍ୟୁଟର ଜ୍ଞାନ ବହୁତ କମ୍। ଏଥିସହ ସେ ଯେଉଁ ପୂରୁଣା କମ୍ପ୍ୟୁଟର କିଣିଥିଲେ, ତାହା ପୂର୍ବରୁ ହ୍ୟାକ୍ କରାଯାଇଥିଲା କିମ୍ବା କୌଣସି ହ୍ୟାକର ତାଙ୍କୁ ଅନ୍ୟ କାହା ନାଁରେ ବିକ୍ରି କରିଦେଇଥିଲା।