(Video) ଖାକି ବାବୁଙ୍କ ଏ କି ଦାୟିତ୍ୱହୀନତା? ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ପଡ଼ିଛନ୍ତି ଜଣେ ବ୍ୟକ୍ତି, କଳହରେ ମାତିଛନ୍ତି ଦୁଇ ପୋଲିସ କର୍ମଚାରୀ
ନୂଆଦିଲ୍ଲୀ: ଅନେକ ସମୟରେ କିଛି ବ୍ୟକ୍ତି ଡ୍ୟୁଟି ସମୟରେ ନିଜର ଦାୟିତ୍ୱହୀନତାର ପ୍ରମାଣ ଦେଇଥାନ୍ତି । ନିଜର କାର୍ଯ୍ୟ ସ୍ଥଳରେ ଏପରି ବେପରୁଆ କାର୍ଯ୍ୟ ପାଇଁ ଅନେକ ସମୟରେ ଅନ୍ୟମାନେ ପ୍ରଭାବିତ ହୋଇଥାନ୍ତି । ଏପରିକି ଦାୟିତ୍ୱରେ ବିଳମ୍ବ କାରଣରୁ ଅନେକ ସମୟରେ କାହାର ଜୀବନ ବି ଚାଲିଯାଇଥାଏ । ରାସ୍ତାଘାଟରେ ଘଟୁଥିବା ଦୁର୍ଘଟଣାର ଆହତଙ୍କୁ ଠିକ୍ ସମୟରେ ହସ୍ପିଟାଲରେ ନ ପହଞ୍ଚାଇଲେ ବା ଚିକିତ୍ସାରେ ବିଳମ୍ବ ହେଲେ ଜୀବନ ବି ଚାଲିଯାଇଥାଏ ।
ତେବେ ଏହା ମଧ୍ୟରେ ଦୁର୍ଘଟଣା ସହ ଜଡ଼ିତ ଏକ ଦାୟିତ୍ୱହୀନତାର ପ୍ରମାଣ ସାମ୍ନାକୁ ଆସିଛି । ବେଙ୍ଗାଲୁରୁ ପୋଲିସରେ କାର୍ଯ୍ୟରତ ଦୁଇ ଜଣ କର୍ମଚାରୀଙ୍କ ଦାୟିତ୍ୱହୀନତାକୁ ନେଇ ଏବେ ଚାରିଆଡ଼େ ଘୋର ନିନ୍ଦା କରାଯାଉଛି । ସଡ଼କ ଉପରେ ଜଣେ ବ୍ୟକ୍ତି ବେହୋସ୍ ଅବସ୍ଥାରେ ପଡ଼ିରହିଥିବା ବେଳେ ତାଙ୍କ ଦେହରୁ ରକ୍ତ ଝରିପଡ଼ୁଥିଲା । ମାତ୍ର ଏହି ସମୟରେ ଉକ୍ତ ବ୍ୟକ୍ତିଙ୍କୁ ହସ୍ପିଟାଲ ନେବା ପରିବର୍ତ୍ତେ ଦୁଇଜଣ ପୋଲିସ ବାବୁ ଯୁକ୍ତିତର୍କରେ ମାତିଥିଲେ ।
ଏହି ଘଟଣାର ଏକ ଭିଡିଓ ଏବେ ସାମ୍ନାକୁ ଆସିବା ପରେ ପୋଲିସ କମିଶନର ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆରମ୍ଭ କରିଛନ୍ତି । ଆହତ ବ୍ୟକ୍ତିଙ୍କୁ ପୋଲିସ ଗାଡ଼ିରେ ନେବା ନନେବା ନେଇ ଯୁକ୍ତିତର୍କ ଆରମ୍ଭ ହୋଇଥିଲା । ଜୁଲାଇ ୧୫ରେ ବେଙ୍ଗାଲୁରୁର ତ୍ରିବେଣୀ ରୋଡ଼ରେ ଜଣେ ବ୍ୟକ୍ତି ଆହତ ହୋଇ ରାସ୍ତାରେ ପଡ଼ି ରହିଥିଲେ । ମାତ୍ର ପୋଲିସ କର୍ମଚାରୀମାନେ ସେଠାରେ ପହଞ୍ଚି ଆହତଙ୍କୁ ଯଥାସମ୍ଭବ ହସ୍ପିଟାଲ ନେବା ପରିବର୍ତ୍ତେ ନିଜ ନିଜ ମଧ୍ୟରେ ଯୁକ୍ତିତର୍କ କରିବା ଆରମ୍ଭ କରିଦେଇଥିଲେ । ଏବେ ଆହତ ବ୍ୟକ୍ତିଙ୍କ ଚିକିତ୍ସା ଚାଲିଥିବା ଜଣାପଡ଼ିଛି ।
Two officials of the Bengaluru Police were seen arguing, unable to come to a decision on whose vehicle should be used to ferry the badly injured person lying in front of them.
This happened on July 15, midnight. While one of the officers is from the Bangalore Traffic Police, and… pic.twitter.com/y2c8cL7Sdr
— Vani Mehrotra (@vani_mehrotra) July 18, 2024