ମର୍ମନ୍ତୁଦ ସଡ଼କ ଦୁର୍ଘଟଣା, ଗଛକୁ ପିଟିଲା ବାଇକ୍, ୨ ମୃତ
ବଲାଙ୍ଗିର: ଦିନକୁ ଦିନ ରାଜ୍ୟରେ ସଡ଼କ ଦୁର୍ଘଟଣା ମାମଲା ବୃଦ୍ଧି ପାଉଥିବା ବେଳେ ବଲାଙ୍ଗିର ଏନଏଚ୍ ୨୬ ଦେଓଗାଁ ରାସ୍ତା ଖରଲିକାନି ଛକ ନିକଟରେ ଏକ ମର୍ମନ୍ତୁତ ସଡ଼କ ଦୁର୍ଘଟଣା ଦେଖିବାକୁ ମିଳିଛି । ଭାରସାମ୍ୟ ହରାଇ ଏକ ବାଇକ୍ ଗଛରେ ପିଟି ହେବା ଫଳରେ ଦୁଇ ସାଙ୍ଗଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି ।
ସୂଚନାରୁ ପ୍ରକାଶ ବଲାଙ୍ଗିର ସଦର ଥାନା ଖରଲିକାନି ଛକ ନିକଟରେ ଦୁଇ ସାଙ୍ଗ ଏକ କେଟିଏମ୍ ବାଇକରେ ଆସୁଥିବା ବେଳେ ଭାରସାମ୍ୟ ହରାଇ ଏକ ଗଛରେ ପିଟି ହୋଇଯାଇଥିଲେ । ଘଟଣାସ୍ଥଳରେ ଦୁହିଁଙ୍କ ମୃତ୍ୟୁ ହୋଇଥିବା ବେଳେ ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ମୃତ ଦୁଇ ଜଣଙ୍କୁ ଭୀମଭୋଇ ହସ୍ପିଟାଲକୁ ପଠାଇଥିଲେ । ଦୁର୍ଘଟଣା ପାଇଁ ରାସ୍ତାରେ ଗାଡ଼ି ଚଳାଚଳ ବାଧାପ୍ରାପ୍ତ ହୋଇଥିଲା । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି । ମୃତକ ଦୁଇ ଜଣ ରତାଗଣ୍ଡି ଗାଁର ବୋଲି ଜଣାପଡ଼ିଛି ।
