ପୁଣି ଆସୁଛି ଯୋଡ଼ା ଲଘୁଚାପ, ଆସନ୍ତା 31ରୁ ସେପ୍ଟେମ୍ବର 3 ଯାଏଁ ପ୍ରବଳ କାଚିବ

ଭୁବନେଶ୍ବର: ଆସୁଛି ଆଉ ଦୁଇଟି ଲଘୁଚାପ । ସେପ୍ଟେମ୍ବର ପହିଲାରୁ ପୁଣି ବଢିବ ବର୍ଷା । ସେପ୍ଟେମ୍ବର 3 ରେ ଉତ୍ତର ବଙ୍ଗୋପସାଗରରେ ସୃଷ୍ଟି ହୋଇପାରେ ଲଘୁଚାପ କ୍ଷେତ୍ର । ଏହା ଅଧିକ ଘନୀଭୂତ ହୋଇ 5ରେ ଅବପାତ ରୂପ ନେବା ସମ୍ଭାବନା ରହିଛି ।

ଦ୍ବିତୀୟ ସପ୍ତାହରେ ଆଉ ଗୋଟିଏ ଲଘୁଚାପ ସମ୍ଭାବନା ରହିଛି । ଏନେଇ ଆସନ୍ତା 31କୁ ସେପ୍ଟେମ୍ବର 3 ଭିତରେ ପ୍ରବଳ ବର୍ଷା ହେବ ବୋଲି ଆଞ୍ଚଳିକ ପାଣିପାଗ ବିଭାଗ ସୂଚନା ଦେଇଛି ।

ପଛକୁ ପଛ ଦୁଇଟି ଲଘୁଚାପ ଆସୁଥିବା ବେଳେ ଗୋଟିଏ ସେପ୍ଟେମ୍ବର ପ୍ରଥମ ସପ୍ତାହରେ ଓ ଆଉ ଗୋଟିଏ ଦ୍ଵିତୀୟ ସପ୍ତାହରେ ରହିଛି । ସେହିଭଳି ପାଣିପାଗ ବିଭାଗ ପକ୍ଷରୁ ଆଗମୀ ଦୁଇ ସପ୍ତାହ ପାଇଁ  ବିସ୍ତାରିତ ପାଣିପାଗର ପୂର୍ବାନୁମାନ ଜାରି ହୋଇଛି।

ବନ୍ୟା ଯୋଗୁ ଲୋକଙ୍କ ସ୍ଥିତି ସଙ୍ଗିନ  ହୋଇପଡିଛି  । ତେବେ ବନ୍ୟା ଯୋଗୁ ଲୋକେ ଅସୁବିଧା ଭୋଗୁଥିବା ବେଳେ ପୁଣି ଏକ ଲଘୁଚାପ ଚିନ୍ତା ବଢାଇଛି ।