(Video) ବାବାରେ…ବାବା… କୁମ୍ଭମେଳାରେ ବାଆଜୀଙ୍କ ହାତାହାତି, ଅଟକାଇଲେନି କେହି, ଦେଖିଲେ ତାମସା
ଭଜନ କୀର୍ତ୍ତନ ବଦଳରେ ଚୁଟି ଘେଣାଘେଣି ହେଲେ ଦୁଇ ସାଧୁ । ଶ୍ରଦ୍ଧାଳୁ ସାଜିଲେ ଦର୍ଶକ ।
ପ୍ରୟାଗରାଜ: ଆରମ୍ଭ ହୋଇଯାଇଛି କୁମ୍ଭମେଳା । ଲକ୍ଷ ଲକ୍ଷ ଭକ୍ତ ଏବଂ ସାଧୁଙ୍କ ମହାସଙ୍ଗମ ଘଟିଛି ଉତ୍ତର ପ୍ରଦେଶର ପବିତ୍ର ସ୍ଥାନ ପ୍ରୟାଗରାଜରେ । ହଠଯୋଗୀ ଏହି ମେଳାରୁ ବାଦ୍ ପଡ଼ି ନ ଥିବାବେଳେ ଦେଶର କୋଣ ଅନୁକୋଣରୁ ବହୁ ବାବା ଏଥିରେ ସାମିଲ ହୋଇଛନ୍ତି ।
ଏଭିତରେ ଏକ୍ସରେ ଏକ ଭିଡିଓ ଜୋରସୋରରେ ଭାଇରାଲ ହେବାରେ ଲାଗିଛି । ଏ ଭିଡିଓକୁ ଯେ ଦେଖୁଛି ସେ ଆଶ୍ଚର୍ଯ୍ୟ ହେଉଛି । କାରଣ ପୁଣ୍ୟ ଅର୍ଜନ କରିବା ପାଇଁ ଆସିଥିବା ବାବା ପାବନ କ୍ଷେତ୍ରରେ କରୁଛନ୍ତି ପାପ ।
ଦୁଇଜଣ ସନ୍ୟାସୀ ମାଡ଼ଗୋଳ ଲାଗୁଥିବାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଦୁଇଜଣଯାକ ପରସ୍ପରର ଜଟା ଧରି ଘୋଷଡ଼ା ଘୋଷଡ଼ି ହେଉଥିବାବେଳେ ସେଠାରେ ଉପସ୍ଥିତ ଲୋକେ ସେମାନଙ୍କୁ ଅଟକାଇବା ବଦଳରେ ତାଙ୍କ ଭିଡିଓ ଓ ଫଟୋ ଉତ୍ତୋଳନ କରୁଛନ୍ତି ।
ତେବେ ଏହି ଦୁଇ ସାଧୁ କେଉଁ କାରଣରୁ ଝଗଡ଼ା ଲାଗୁଛନ୍ତି ତାହା ଜଣାପଡ଼ି ନ ଥିବାବେଳେ କିନ୍ତୁ ସେମାନଙ୍କ ମାଡ଼ଗୋଳକୁ ଉପୋଭୋଗ କରୁଛନ୍ତି ପ୍ରତ୍ୟେକ୍ଷଦର୍ଶୀ ।
ଏହାର ଭିଡିଓ ଏବେ ଏକ୍ସରେ ଜୋର ଭାଇରାଲ ହେବାରେ ଲାଗିଛି । ଭିଡିଓ ଦେଖି ସାଧୁଙ୍କ ଏ ପ୍ରକାର କାର୍ଯ୍ୟକୁ ଲୋକେ ନିନ୍ଦା କରୁଥିବାବେଳେ କିଛି ସେମାନଙ୍କ ଥଟା ଉଡ଼ାଉଥିବା ଦେଖିବାକୁ ମିଳିଛି ।
कुंभ में ऐसे युद्ध भी हो सकते हैं क्या? pic.twitter.com/fzcGKaQHQM
— सुदामा (@sudamagareeb6) January 11, 2025