ଉଜ୍ଜ୍ୱଳା ଯୋଜନାରେ କେଉଁ ପରିବାରକୁ ମାଗଣା ଏଲପିଜି କନେକ୍ସନ ମିଳୁଛି, କ’ଣ ରହିଛି ନିୟମ ଏବଂ ସର୍ତ୍ତାବଳୀ: ଜାଣନ୍ତୁ କିପରି ଆବେଦନ କରିବେ ?
ନୂଆଦିଲ୍ଲୀ: ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନା ଗରିବ ପରିବାରକୁ ସ୍ୱଚ୍ଛ ଇନ୍ଧନ ଯୋଗାଇବା ପାଇଁ ମୋଦି ସରକାରଙ୍କ ଏକ ଗୁରୁତ୍ୱପୂର୍ଣ୍ଣ ଯୋଜନା । ଏହି ଯୋଜନା ବିଶେଷକରି ଗ୍ରାମାଞ୍ଚଳର ମହିଳାମାନଙ୍କୁ ପାରମ୍ପରିକ ଚୁଲିରୁ ମୁକ୍ତ କରିବା ଉପରେ ଧ୍ୟାନ ଦିଏ । ବିଶେଷ କଥା ହେଉଛି ଏହି ଯୋଜନା ଅଧୀନରେ ଗରିବ ପରିବାରକୁ ମାଗଣା ଏଲପିଜି କନେକ୍ସନ ଯୋଗାଇ ଦିଆଯାଏ । ଏହା ସହିତ କନେକ୍ସନ ନେବା ଉପରେ ୧୬୦୦ ଟଙ୍କାର ଆର୍ôଥକ ସହାୟତା ମଧ୍ୟ ଦିଆଯାଇଛି ଯାହା ଦ୍ୱାରା ସେମାନେ ଗ୍ୟାସ କନେକ୍ସନ ସହିତ ଜଡିତ ଅନ୍ୟାନ୍ୟ ଆବଶ୍ୟକୀୟ ଜିନିଷ କିଣିପାରିବେ ।
ଆସନ୍ତୁ ଆମେ ଆପଣଙ୍କୁ କହିବା ଯେ ଉଜ୍ଜ୍ୱଳା ଯୋଜନାର ଲାଭ କିପରି ପାଇପାରିବେ ଏବଂ ଏଥିପାଇଁ ଆବେଦନ କରିବାର ପ୍ରକ୍ରିୟା କ’ଣ?
ଉଜ୍ଜ୍ୱଳା ଯୋଜନାର ଲାଭ କାହାକୁ ମିଳେ?
ମୋଦୀ ସରକାରଙ୍କ ଉଜ୍ଜ୍ୱଳା ଯୋଜନାରେ କେବଳ ମହିଳାମାନେ ମାଗଣା ଗ୍ୟାସ ସିଲିଣ୍ଡରର ଲାଭ ପାଇପାରିବେ ଏବଂ ତାହା ମଧ୍ୟ ଦାରିଦ୍ର୍ୟ ସୀମାରେଖା ତଳେ ରହୁଥିବା ମହିଳାମାନେ ପାଇବେ । ପେଟ୍ରୋଲିୟମ ମନ୍ତ୍ରଣାଳୟର ୱେବସାଇଟରେ ଉପଲବ୍ଧ ସୂଚନା ଅନୁଯାୟୀ, ଉଜ୍ଜ୍ୱଳା ୨.୦ ଅଧୀନରେ ସଂଯୋଗ ପାଇବା ପାଇଁ ଯୋଗ୍ୟତା ସର୍ତ୍ତାବଳୀ ହେଉଛି…
-ମହିଳା ଆବେଦନକାରୀଙ୍କ ବୟସ ୧୮ ବର୍ଷ ହୋଇଥିବା ଆବଶ୍ୟକ ।
-ଗୋଟିଏ ଘରେ ଅନ୍ୟ କୌଣସି ଏଲପିଜି କନେକ୍ସନ ରହିବା ଉଚିତ୍ ନୁହେଁ ।
-ଅନୁସୂଚିତ ଜାତି, ଜନଜାତି ଏବଂ ଯେକୌଣସି ଗରିବ ପରିବାରର ଲୋକଙ୍କୁ ଏଥିରେ ଅନ୍ତର୍ଭୁକ୍ତ କରାଯାଇଛି ।
ଉଜ୍ଜ୍ୱଳା ଯୋଜନା ଇକେୱାଇସି ପାଇଁ କେଉଁ ଡକ୍ୟୁମେଣ୍ଟ ଆବଶ୍ୟକ?
– ପରିଚୟ ପ୍ରମାଣ ଭାବରେ ଆବେଦନକାରୀଙ୍କ ଆଧାର କାର୍ଡ ଏବଂ ଠିକଣା ପ୍ରମାଣପତ୍ର ।
– ଯେଉଁ ରାଜ୍ୟରୁ ଆବେଦନ କରାଯାଉଛି ସେହି ରାଜ୍ୟ ଦ୍ୱାରା ଜାରି କରାଯାଇଥିବା ରାସନ କାର୍ଡ / ପରିବାରର ଗଠନ ପ୍ରମାଣିତ କରୁଥିବା ଅନ୍ୟାନ୍ୟ ରାଜ୍ୟ ସରକାରୀ ଡକ୍ୟୁମେଣ୍ଟ ।
-ଡକ୍ୟୁମେଣ୍ଟରେ ଦେଖାଯାଉଥିବା ହିତାଧିକାରୀ ଏବଂ ବୟସ୍କ ପରିବାର ସଦସ୍ୟଙ୍କ ଆଧାର ।
-ବ୍ୟାଙ୍କ ଆକାଉଣ୍ଟ ନମ୍ବର ଏବଂ ଆଇଏଫଏସସି ।
ଏହି ଆବଶ୍ୟକୀୟ ଡକ୍ୟୁମେଣ୍ଟଗୁଡ଼ିକ ସହିତ, ମହିଳା ଆବେଦନକାରୀମାନେ ସେମାନଙ୍କ ପସନ୍ଦର ଯେକୌଣସି ବିତରକଙ୍କ ନିକଟରେ କିମ୍ବା ଅନଲାଇନ୍ ପୋର୍ଟାଲ୍ ମାଧ୍ୟମରେ ଆବେଦନ ଦାଖଲ କରି ଆବେଦନ କରିପାରିବେ ।