ମିକୋଲେଭକୁ ପୁନର୍ବାର ଅଧିକାର କଲା ୟୁକ୍ରେନ୍: ଋଷୀୟ ଅସ୍ତ୍ରଶସ୍ତ୍ର ଜବତ,ଏମ ଆଇ-୨୪ ଖସାଇଦେଲା ୟୁକ୍ରେନ[Video]
ନୂଆଦିଲ୍ଲୀ: ଋଷିଆ ଓ ୟୁକ୍ରେନ ମଧ୍ୟରେ ଲଢେଇ ୧୧ ତମ ଦିନରେ ପହଞ୍ଚିଥିବା ବେଳେ ୟୁକ୍ରେନକୁ ମିଳିଛି ଆଉ ଏକ ସଫଳତା । ଋଷୀୟ ସୈନିକ ମାନଙ୍କୁ ବିତାଡିତ କରିବା ସହିତ ମିକୋଲେଭକୁ ପୁନର୍ବାର ଅକ୍ତିଆର କରିଛି ୟୁକ୍ରେନ୍ । ଏହା ସହିତ ଉକ୍ତ ଅଞ୍ଚଳରେ ଋଷୀୟ ସୈନ୍ୟଙ୍କ ବ୍ୟବହୃତ ସମସ୍ତ ଅସ୍ତ୍ର ଶସ୍ତ୍ର ଜବତ କରି ନେଇଛନ୍ତି ୟୁକ୍ରେନୀୟ ଯବାନ । ମିକୋଲିଭର ଗଭର୍ଣ୍ଣର ଭିଟାଲି କିମ୍ ୟୁକ୍ରେନର ବିଜୟ ସମ୍ପର୍କରେ ସୂଚନା ଦେଇଛନ୍ତି । ଏହା ସହିତ ଏହି ଆକ୍ରମଣରେ ଅନେକ ସାଧାରଣ ଲୋକଙ୍କ ପ୍ରାଣହାନି ଘଟିଥିବା ଭିଟାଲି କହିଛନ୍ତି । ଏହି ସଂଖ୍ୟା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇ ନାହିଁ ବୋଲି ଗଭର୍ଣ୍ଣର କହିଛନ୍ତି ।
ଏହା ସହିତ ଋଷିଆର ଏକ ଅତ୍ୟାଧୁନିକ ଏମଆଇ-୨୪ ହେଲିକପ୍ଟରକୁ ଖସାଇ ଦିଆଯାଇଛି । ମିଶାଇଲ ଜରିଆରେ ଏହି ଏମ୍ ଆଇ-୨୪ ହେଲିକପ୍ଟରକୁ ଖସାଇ ଦେଇଛନ୍ତି ୟୁକ୍ରେନୀୟ ଯବାନ । ଏହା ସହିତ ଏହାର ଏକ ଭିଡିଓ ୟୁକ୍ରେନୀୟ ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ଶେୟାର କରାଯାଇଛି । ଦେଖନ୍ତୁ ଭିଡିଓ…
UPD❗
Щойно на околицях Чернігова фахівці ППО збили ще один ворожий штурмовик! pic.twitter.com/D3yiff8uyr— Defence of Ukraine (@DefenceU) March 5, 2022
