ଉଲଗ୍ନ ହୋଇ ଋଷ ଆକ୍ରମଣର ପ୍ରତିବାଦ କଲେ ମହିଳା: କାନ୍ସ ଫିଲ୍ମ ଫେଷ୍ଟିଭାଲରେ ଲୋମଟାଙ୍କୁରା ଦୃଶ୍ୟ
ନୂଆଦିଲ୍ଲୀ: ବର୍ତ୍ତମାନ ସାରା ଦୁନିଆର ନଜର କାନ୍ସରେ ଆୟୋଜିତ ଫିଲ୍ମ ଭେଷ୍ଟିଭାଲ ଉପରେ ରହିଛି । ଏହାରି ମଧ୍ୟରେ କାନ୍ସ ଫିଲ୍ମ ଫେଷ୍ଟିଭାଲରେ ଏକ ଲୋମଟାଙ୍କୁରା ଘଟଣା ଘଟିଯାଇଛି । ଫେଷ୍ଟିଭାଲରେ ଯେଉଁଠାରେ ବଲିଉଡ ହଲିଉଡ ଜଗତର ଅନେକ ନାମୀଦାମୀ କଳାକାର ରେଡ୍ କାର୍ପେଟରେ ନିଜର ଗ୍ଲାମର ଦେଖାଉଛନ୍ତି । ସେହିଠାରେ ଭିଡ଼ରେ ଜଣେ ମହିଳା ଉଲଗ୍ନ ହୋଇ ୟୁକ୍ରେନ ଉପରେ ଋଷର ଆକ୍ରମଣର ପ୍ରତିବାଦ କରିଥିଲେ ।
ୟୁକ୍ରେନର ଜଣେ ମହିଳା କାନ୍ସ ଫିଲ୍ମ ଫେଷ୍ଟିଭାଲରେ କ୍ୟାମେରା ସାମ୍ନାରେ ଟପ୍ ଖୋଲି ଋଷ ଆକ୍ରମଣର ବିରୋଧ କରିଛନ୍ତି । ମହିଳା ନିଜ ଶରୀରରେ ଋଷ ସୈନିକ ଅତ୍ୟାଚାର ବିରୋଧରେ ନିଜ ଶରୀରରେ ୟୁକ୍ରେନ ପତାକାର ରଙ୍ଗରେ “ଆମକୁ ରେପ୍ କରିବା ବନ୍ଦ କର’ ବାର୍ତ୍ତା ଲେଖି ପ୍ରତିବାଦ କରିବା ନଜର ଆସିଥିଲେ । ତେବେ ତାଙ୍କୁ ସଙ୍ଗେ ସଙ୍ଗେ ସେଠାରେ ଥିବା ସୁରକ୍ଷାକର୍ମୀ ମହିଳାଙ୍କୁ ଘୋଡ଼ାଇ ଦେଇଥିଲେ ଏବଂ ସେଠାରେ ବାହାରକୁ ଆଣିଥିଲେ । ତେବେ ସେତେବେଳକୁ କ୍ୟାମେରାରେ ଏହି ଦୃଶ୍ୟ କଏଦ ହେଶଇସାରିଥିଲା । ମହିଳା ନିଜର ଦୁଃଖ ଜଣାଇବା ସହ ପିଠିରେ ଋଷ ରାଷ୍ଟ୍ରପତି ଭ୍ଲାଦିମୀର ପୁଟିନଙ୍କ ବିରୋଧରେ ଅପଶବ୍ଦ ମଧ୍ୟ ଲେଖିଥିଲେ ।
ୟୁକ୍ରେନ ରାଷ୍ଟ୍ରପତି ଭୋଲଡେମୀର ଜେଲେନସ୍କୀ ଅଭିଯୋଗ କରିଥିଲେ ଯେ ଋଷ ସୈନିକ କବ୍ଚା କରିଥିବା ସହରରେ ଯୁବତୀ, ମହିଳାଙ୍କ ସହ ବଳାତ୍କାର କରୁଛନ୍ତି । ଜେଲେନସ୍କୀ ମଙ୍ଗଳବାର କାନ୍ସ ଫିଲ୍ମ ଫେଷ୍ଟିଭାଲର ଉଦଘାଟନ ସମାରୋହରେ ୟୁକ୍ରେନର ସହାୟତା କରିବା ପାଇଁ ଅପିଲ କରିଥିଲେ ।
ଉଲ୍ଲେଖଯୋଗ୍ୟ, ୟୁକ୍ରେନରେ ପ୍ରାୟ ୩ ମାସରୁ ଅଧିକ ସମୟ ଧରି ଯୁଦ୍ଧ ଜାରି ରହିଛି । ଋଷ ଦାବି କରିଛି ଯେ ମାରିୟୁପୋଲକୁ ସଂପୂର୍ଣ୍ଣ କବ୍ଚା କରିସାରିଛି । ଏହି ସହର ଯୁଦ୍ଧରେ ସଂପୂର୍ଣ୍ଣ ଧ୍ୱଂସ ହୋଇସାରିଛି । ମାରିୟୁପୋଲରେ ଏପର୍ଯ୍ୟନ୍ତ ୨୦ ହଜାରର ଅଧିକ ଲୋକଙ୍କ ମୃତ୍ୟୁ ହୋଇଥିବା ନେଇ ଆଶଙ୍କା କରାଯାଉଛି ।
On the Cannes red carpet for George Miller’s new movie, the woman in front of me stripped off all her clothes (covered in body paint) and fell to her knees screaming in front of photographers. Cannes authorities rushed over, covered her in a coat, & blocked my camera from filming pic.twitter.com/JFdWlwVMEw
— Kyle Buchanan (@kylebuchanan) May 20, 2022
