ତୃଣମୂଳ ସ୍ତରରେ କୋଭିଡ ପରିଚାଳନା ଦଳ ଗଠନ କରିବାକୁ ପରାମର୍ଶ ଦେଲେ କେନ୍ଦ୍ରମନ୍ତ୍ରୀ

ଭୁବନେଶ୍ୱର, ୧୨/୫: ଆଗାମୀ ୧୫ ଦିନ କୋଭିଡ ମାମଲାରେ ବୃଦ୍ଧି ଏବଂ ନିୟନ୍ତ୍ରଣ ପାଇଁ ବିଶେଷ କରି ଓଡିଶାରେ କୋଭିଡ ମାମଲାରେ ବୃଦ୍ଧି ଏବଂ ନିୟନ୍ତ୍ରଣ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ଫୋନ ମାଧ୍ୟମରେ କଥାବାର୍ତ୍ତା କରି ବୁଧବାର ଧର୍ମେନ୍ଦ୍ର ପ୍ରଧାନ ଗାଁ ତଥା ମ୍ୟୁନିସିପାଲିଟି ୱାର୍ଡ ସ୍ତରରେ ସମସ୍ତ ରାଜନୈତିକ ଦଳର ସଦସ୍ୟଙ୍କୁ ନେଇ କୋଭିଡ ପରିଚାଳନା କମିଟି ଗଠନ କରିବାକୁ ପରାମର୍ଶ ଦେଇଛନ୍ତି।

ସାଂପ୍ରତିକ କୋଭିଡ ପରିସ୍ଥିତି ବିଷୟରେ ନବୀନଙ୍କୁ ସୂଚନା ଦେଇ କେନ୍ଦ୍ର ମନ୍ତ୍ରୀ କହିଛନ୍ତି ଯେ କେନ୍ଦ୍ର ଦ୍ୱାରା ନିଆଯାଉଥିବା ପ୍ରୟାସ ଓ ମହାମାରୀ କାରଣରୁ ସୃଷ୍ଟି ହେଉଥିବା ଚ୍ୟାଲେଞ୍ଜ ତଥା ଓଡିଶାର  ପଦକ୍ଷେପ  କୋଭିଡ ବିରୋଧୀ ଲଢେଇକୁ ଆହୁରି  ଦୃଢ କରିବ ।

ଏହି ସଙ୍କଟକୁ ନିୟନ୍ତ୍ରଣକୁ ଆଣିବା ପାଇଁ କେନ୍ଦ୍ର ମନ୍ତ୍ରୀ ନବୀନଙ୍କୁ ନାଗରିକ ସମାଜର ସଦସ୍ୟମାନଙ୍କୁ ସ୍ୱେଚ୍ଛାସେବୀ ଭାବରେ ନିୟୋଜିତ କରିବା, ତୃଣମୂଳ ସ୍ତରରେ ରିଲିଫ୍ ପଦକ୍ଷେପ ତଥା କୋଭିଡ ନିୟନ୍ତ୍ରଣ ଉଦ୍ୟମକୁ ମଜବୁତ କରିବାକୁ ପରାମର୍ଶ ଦେଇଛନ୍ତି।

ସେପଟେ ରାଜ୍ୟରେ ଟୀକା ଉପଲବ୍ଧତା ବୃଦ୍ଧି କରିବାର ଆବଶ୍ୟକତା ସମ୍ପର୍କରେ ନବୀନ ତାଙ୍କୁ ସୂଚନା ଦେଇଛନ୍ତି ବୋଲି କେନ୍ଦ୍ର ମନ୍ତ୍ରୀ କହିଛନ୍ତି।

ଏହି ଭୂତାଣୁ ବିରୋଧରେ ଲଢେଇରେ ଓଡ଼ିଶାର ସେ ସମସ୍ତ ପ୍ରକାର ସହଯୋଗ କରିବା ନେଇ କହିଛନ୍ତି କେନ୍ଦ୍ର ମନ୍ତ୍ରୀ, କୋଭିଡ୍ -୧୯ ଟୀକା ଔଷଧ, ଆଣ୍ଟିଜେନ ଟେଷ୍ଟିଂ କିଟ୍, ରେମଡେସିଭର୍ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଔଷଧର ସୁଗମ ଯୋଗାଣକୁ ସୁଗମ କରିବା ପାଇଁ ସେ ଆଶ୍ୱସନା ଦେଇଛନ୍ତି ।