(Video) ଏ କଣ ଚାଲିଛି? କେଇଟା ଭ୍ୟୁ ପାଇଁ କାହିଁକି ରିଲ୍ସ ମାନିଆ ହେଉଛନ୍ତି ଯୁବପିଢି?
ଓଡିଶା ଭାସ୍କର- ଆଜିକାଲି କି ବୁଢା, କି ଟୋକା, ସମସ୍ତଙ୍କୁ ଘାରିଛି ରିଲ୍ସର ନିଶା । କିଏ ନାଚିବାର ରିଲ୍ସ କରୁଛି ତ ପୁଣି କିଏ ଷ୍ଟଣ୍ଟ ପ୍ରଦର୍ଶନ କରି । ଏହି ଷ୍ଟଣ୍ଟ ଦେଖିଲେ ଆଖି ତରଟି ଦେଉଛନ୍ତି ଦେଖଣା ହାରି । ଅନେକ ସମୟରେ ରିଲ୍ସ ପାଇଁ ଅକାଳରେ ଚାଲିଯାଉଛି ଜୀବନ । ହେଲେ ଲୋକଙ୍କର ରିଲସ ନିଶା ଛାଡୁନି । ଭିଉ ଚକଚରରେ ବିଭିନ୍ନ ଭୟଙ୍କର ଆଇଡିଆକୁ ନେଇ କରୁଛନ୍ତି ରିଲ୍ସ । ସେମିତି ଏକ ବିପଦପୂର୍ଣ୍ଣ ରିଲ୍ସ ଏବେ ଭାଇରାଲ ହେଉଛି ।
ସୋସିଆଲ ମିଡିଆରେ ଭାଇରାଲ ହେଉଥିବା ରିଲ୍ସରେ ଦେଖିବାକୁ ମିଳୁଛି ଏକ ପଡିଆରେ କିଛି ଛୋଟ ଛୋଟ ପିଲାଙ୍କ ସହ ବଡପିଲା ଠିଆ ହୋଇଛନ୍ତି । ଫିଲ୍ଡଟି କ୍ରିକେଟ ପଡିଆ ପରି । ପିଚର ଗୋଟିଏ ପଟେ ୧୦ଟି ପରି ପନିକି ସିଧା ଥୁଆ ହୋଇଛି । ପିଚର ଆର ପାଖରୁ ଜଣେ ଯୁବକ ଦୌଡି ଦୌଡି ଆସି ସେହି ପନିକି ଉପରକୁ ଜମ୍ପ କରୁଛନ୍ତି । ଜମ୍ପ କରିବା ପରେ ଯୁବକ ପନିକି ଉପରେ ପଡୁଛନ୍ତି ।
ତେବେ ଭାଗ୍ୟ ଭଲ ଏଥିରେ ତାଙ୍କ ପଛ କଚି ହୋଇଛି ଠିକ ଲଙ୍ଗ ଜମ୍ପରେ ପଡିବା ପରି, ହେଲେ ଅଧିକ କିଛି ହୋଇନି । ସେ ପଡିଥିବା ପନିକିରୁ ଭାଙ୍ଗି ଯାଇଛି ତ କିଛିର ଲୁହା ପାତ ବଙ୍କା ହୋଇଛି । ହୁଏତ ସେହି ସବୁ ପନିକି ଅତି ପୁରୁଣା ଥିଲା । ତଥାପି ଯଦି ପନିକିରେ କିଛି କିଛି ଅଘଟଣ ଘଟିଥାନ୍ତା… ହେଲେ ଏହି ଭିଡିଓ କେଉଁ ସ୍ଥାନର ତାହା ଜଣାପଡି ନାହିଁ
ଏପରି ବିପଦପୂର୍ଣ୍ଣ ରିଲ୍ସ ନ କରିବାକୁ ସରକାର ତରଫରୁ କଠୋର ଆଇନ ବ୍ୟବସ୍ଥା ହେବାର ସମୟ ଆସିଛି । ନ ହେଲେ ଏମାନଙ୍କୁ ଦେଖି ଛୋଟ ଛୋଟ ପିଲା ଯେ ନିଜ ଜୀବନକୁ ବିପଦରେ ଯେ ନ ପକାଇବେ, ଏହାକୁ ଏଡାଇ ଦିଆଯାଇ ନ ପାରେ ।
नोक घुमावदार न होती तो आज ही रील का भूत उतर जाता।pic.twitter.com/xMp3nbyEJD
— Shivam Yadav (@ShivamYadavjii) November 30, 2024