(Video): ମା’ ହେଲା ପରେ ପ୍ରଥମ ଥର ପାଇଁ ଦିଲଜିତଙ୍କ କନସର୍ଟରେ ନଜର ଆସିଲେ ଦୀପିକା, ସିଙ୍ଗରଙ୍କୁ ଶିଖାଇଲେ କନ୍ନଡ଼
ମୁମ୍ବାଇ: ନିକଟରେ ବଲିଉଡ଼ ଦିଭା ଦୀପିକା ପାଦୁକୋନ୍ ମା’ ହୋଇଥିଲେ । ଦୀପିକା ଏବଂ ରଣବୀର ସିଂହ ଏକ କନ୍ୟା ସନ୍ତାନର ମାତା ପିତା ହେବାର ସୌଭାଗ୍ୟ ଅର୍ଜନ କରିଥଲେ । ଏହା ପରେ ସେ ମିଡିଆରୁ କିଛି ସମୟ ପାଇଁ ବ୍ରେକ୍ ନେଇଥିଲେ । ମା’ ହେବା ପରେ ଦୀପିକା ପ୍ରଥମ ଥର ପାଇଁ ପବ୍ଲିକ୍ ସାମ୍ନାକୁ ଆସିଥିଲେ । ବାଙ୍ଗାଲୋରରେ ଦିଲଜିତ୍ ଦୋସାଂଝଙ୍କ କନସର୍ଟରେ ସେ ନଜର ଆସିଥିଲେ । କନସର୍ଟରେ ସେ ଦିଲଜିତଙ୍କ ସହ ମସ୍ତି କରୁଥିବା ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ବେଙ୍ଗାଲୁରୁରେ ଦିଲଜିତ୍ ଦୋସାଂଝଙ୍କ କନସର୍ଟରେ ଦୀପିକା ଧଳା ସାର୍ଟ ସହ ନୀଳ ରଂଗର ଜିନ୍ସ ଟ୍ୟୁନିଂ କରିଥିଲେ । ତାଙ୍କ ସିମ୍ପଲ୍ ଏବଂ କାଜୁଆଲ ଲୁକ୍ ଫ୍ୟାନ୍ସ ବେଶ ପସନ୍ଦ କରିଥିଲେ । ଏହି କନସର୍ଟରେ ଦୀପିକା- ଦିଲଜିତଙ୍କ ସହ ଡ୍ୟାନ୍ସ ଏବଂ ମସ୍ତିକୁ ଦର୍ଶକଙ୍କ ଧ୍ୟାନ ଆକର୍ଷିତ କରିଥିଲା । ଦୀପିକା ଦିଲଜିତଙ୍କୁ କନ୍ନଡ଼ ଭାଷାରେ ଏକ ବାକ୍ୟ ଶିଖାଇଥିବାର ନଜର ଆସିଥିଲେ । ଦିଲଜିତଙ୍କୁ ‘ନାନୁ ନିନିଗେ ପ୍ରିତିସ୍ତିନି’ ଅର୍ଥାତ ମୁଁ ତୁମକୁ ଭଲ ପାଏ ବୋଲି କହିଥିଲେ ।
Deepika Padukone teaching Kannada to Diljit Singh 🔥
Her first film was Ashwariya with @nimmaupendra if you remember 😄#DeepikaPadukone #DiljitDosanjh pic.twitter.com/cHBklEf2cB
— Roshan ᵀᵒˣᶦᶜ 🃏 (@Roshan_RSY) December 6, 2024
କନସର୍ଟରେ ଦୀପିକାଙ୍କୁ ଦେଖି ଦିଲଜିତ ବହୁତ ଖୁସି ହୋଇଥିଲେ । ସେ କହିଥିଲେ, ‘ଦୀପିକାଙ୍କୁ ସବୁବେଳେ ବଡ଼ ପରଦାରେ ଦେଖିଥାଉ । ତାଙ୍କୁ ଏତେ ପାଖରୁ ଦେଖିବି ବୋଲି କେବେ ଭାବିନଥିଲି । ସେ ବହୁତ କ୍ୟୁଟ୍ ଏବଂ ନିଜ ପରିଶ୍ରମ ଆଧାରରେ ବଲିଉଡରେ ନିଜର ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି । ଆମ ସମସ୍ତେ ତାଙ୍କ ପାଇଁ ଗର୍ବ ଅନୁଭବ କରୁ ।’
Loving the on-stage energy ✌️😍#DeepikaPadukone slays on stage as she hugs #DiljitDosanjh during his Bengaluru concert.#Celebs pic.twitter.com/duHQBymCpT
— Filmfare (@filmfare) December 6, 2024
