Video: ପୋଲିସ୍ ଅଧିକାରୀଙ୍କୁ ‘ଗେଟ୍ ଆଉଟ୍’ କହିଲେ ମହିଳା ଆୟୋଗ ଚେୟାରମ୍ୟାନ୍, ଜାଣନ୍ତୁ କ’ଣ ରହିଛି ପୂରା ଘଟଣା
ନୂଆଦିଲ୍ଲୀ: ବୈଠକ ମଝିରେ ମୁହାଁ ମୁହିଁ ହେଲେ ମହିଳା ଅଫିସର। ପରିସ୍ଥିତି ଏପରି ହେଲା ଯେ, ଉପରିସ୍ଥ ଅଫିସର ଜଣକ ଅନ୍ୟଜଣେ ଅଫିସରଙ୍କୁ (ଗେଟ୍ ଆଉଟ୍)ବାହାରକୁ ଯିବାକୁ କହିଥିଲେ। ଶୁକ୍ରବାର ଦିନ ହରିୟାଣା ମହିଳା ଆୟୋଗର ଚେୟାରମ୍ୟାନ୍ ଏବଂ ଜଣେ ପୋଲିସ୍ ଅଧିକାରୀଙ୍କ ମଧ୍ୟରେ ତୀବ୍ର ଯୁକ୍ତିତର୍କ ହେବାର ଘଟଣା କ୍ୟାମେରା କଏଦ ହୋଇଥିଲା। ହରିୟାଣାର କୈଥଲରେ ଏକ ବୈଠକରେ ବୈବାହିକ ବିବାଦ ସହ ଜଡିତ ଏକ ମାମଲା ଉପରେ ଆଲୋଚନା ହେଉଥିବା ବେଳେ ମହିଳା ପ୍ୟାନେଲର ମୁଖ୍ୟ ରେମୁ ଭାଟିଆ ଜଣେ ପୋଲିସ କର୍ମଚାରୀଙ୍କ ଉପରେ ବିରକ୍ତ ହେଉଥିବା ଦେଖିବାକୁ ମିଳିଥିଲା।
ସ୍ଥାନୀୟ ସାମ୍ବାଦିକଙ୍କ ଦ୍ୱାରା ରେକର୍ଡ ହୋଇଥିବା ଏହି ମୁହୁର୍ତରେ ଏକ ଭିଡିଓରେ ଶ୍ରୀମତୀ ଭାଟିଆ କହୁଛନ୍ତି ଯେ “ଆପଣ ତାଙ୍କୁ ଚାପୁଡ଼ା ମାରିଥାନ୍ତେ କି? ଆପଣ ଝିଅକୁ ତିନିଥର ଯାଞ୍ଚ କରିଛନ୍ତି। ବାହାରକୁ ଯାଆନ୍ତୁ! ମୁଁ କିଛି ଶୁଣିବାକୁ ଚାହେଁ ନାହିଁ।” ପୋଲିସ ଅଧିକାରୀଙ୍କ ବିରୋଧ ପରେ ମହିଳା ଜଣଙ୍କୁ ବାହାରକୁ ନେଇଯିବାକୁ ସେ “SHO ଙ୍କୁ କହିଥିଲେ। ଏହା ସହିତ ସେ ମହିଳା ଅଫିସରଙ୍କୁ କହିଥିଲେ ଯେ, ତୁମେ ବିଭାଗୀୟ ତଦନ୍ତର ସମ୍ମୁଖୀନ ହେବ।”
Video | "Get Out" – Haryana Women's Panel Chief vs Woman Cop https://t.co/8gu2HmiZAl pic.twitter.com/oCPwICVtMh
— NDTV (@ndtv) September 9, 2022
ପୋଲିସ୍ ସହକର୍ମୀଙ୍କୁ ବୈଠକ ହେଉଥିବା କୋଠରୀରୁ ବାହାରକୁ ନେବା ପର୍ଯ୍ୟନ୍ତ ଏହି ତିକ୍ତ ବିବାଦ ଜାରି ରହିଥିଲା। ଶେଷ ଆଡକୁ ଶ୍ରୀମତୀ ଭାଟିଆ ମହିଳା ପୋଲିସ ଅଫିସରଙ୍କୁ କହୁଥିବା ବେଳେ ଶୁଣିବାକୁ ମିଳୁଥିବା ଯେ, “ତେବେ ତୁମେ ଝିଅକୁ ଅପମାନିତ କରିବାକୁ ଏଠାକୁ ଆସିଛ କି?” ସ୍ୱାମୀ ଏବଂ ସ୍ତ୍ରୀ ମଧ୍ୟରେ ବିବାଦର ସମାଧାନ ପାଇଁ ପୋଲିସ ଅଧିକାରୀ ଏବଂ ମହିଳା ଆୟୋଗର ଚେୟାରମ୍ୟାନ୍ ଙ୍କ ମଧ୍ୟରେ ଯୁକ୍ତି ଆରମ୍ଭ ହୋଇଥିଲା।
“ଆମେ ଏକ ସ୍ୱାମୀ-ସ୍ତ୍ରୀଙ୍କୁ ନେଇ ଏକ ମାମଲା ବିଷୟରେ ଜାଣିବାକୁ ପାଇଲୁ। ସ୍ୱାମୀ ଆୟୋଗର ସଦସ୍ୟ ତଥା ପୋଲିସର ସଦସ୍ୟଙ୍କ ସହ ଅନେକ ଥର ଅସଦାଚରଣ କରିଥିଲେ। ପୁରୁଷ ଜଣକ ପତ୍ନୀଙ୍କୁ ଛାଡିବାକୁ ଚାହୁଁଥିଲେ କାରଣ ତାଙ୍କ ଅନୁଯାୟୀ ସେ ‘ଶାରୀରିକ ଭାବେ ଫିଟ୍’ ନଥିଲେ ବୋଲି ଶ୍ରୀମତୀ ଭାଟିଆ ଗଣମାଧ୍ୟମକୁ ଏହା କହିଛନ୍ତି। “ତେଣୁ ଆମେ ଉଭୟଙ୍କ ପାଇଁ ଡାକ୍ତରୀ ପରୀକ୍ଷା କରିବାକୁ ନିର୍ଦ୍ଦେଶ ଦେଇଥିଲୁ। ଏବଂ ମହିଳାଙ୍କୁ ତିନିଥର ପରୀକ୍ଷା କରାଯାଇଥିବା ବେଳେ ପୁରୁଷ ପରୀକ୍ଷା କରିବାକୁ ମନା କରିଦେଇଥିଲେ। ଅନୁସନ୍ଧାନକାରୀ ଅଧିକାରୀ ମଧ୍ୟ ତାହା କରିବାରେ ବିଫଳ ହୋଇଥିଲେ। ତେଣୁ ଆମେ ତାଙ୍କ ବିରୋଧରେ ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛୁ।” ତେବେ ତାଙ୍କ ବିରୋଧରେ ଆସିଥିବା ଅଭିଯୋଗ ଉପରେ ପୋଲିସ ଅଧିକାରୀ ଏପର୍ଯ୍ୟନ୍ତ କୌଣସି ମନ୍ତବ୍ୟ ଦେଇନାହାଁନ୍ତି।
