(Video) ମରଣ ଏମିତି ବି ଆସେ, ସୁଖ ଯାତ୍ରାକୁ କରିଦିଏ ଶେଷ ଯାତ୍ରା
ଓଡିଶା ଭାସ୍କର- ଏମିତି ବି ଆସେ ମୃତ୍ୟୁ । ସାଧବ ବୋହୂ ବେଶରେ ନାଲି ଲୁଗା ପିନ୍ଧି, ସଜବାଜ ହୋଇ ବାଇକ ପଛରେ ମନ ଖୁସିରେ ମହିଳା ଓ ଜଣେ ପୁରୁଷ ଯାଉଥିଲେ ବାଇକରେ । ହୁଏତ ପୁରୁଷ ଜଣକ ସେହି ମହିଳାଙ୍କ ସ୍ୱାମୀ ହୋଇଥିବେ । ହେଲେ କାଳ ଆସି ପହଞ୍ଚିଗଲା ଟ୍ରାକ୍ଟର ରୂପରେ ଓ ଚାପିଦେଇ ନେଇଗଲା ଜୀବନ । ଏହି ଦୁର୍ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଲୋକେ କହୁଛନ୍ତି, ଯମରାଜ ଖାଲି ମଇଁଷି ପିଠିରେ ଆସିବା ଜରୁରୀ ନୁହେଁ ।
ଭାଇରାଲ ଭିଡିଓରେ ଏକ ଗଳି ରାସ୍ତାରେ କାର, ବାଇକ, ଅଟୋ ଆଗ ପଛ ହୋଇ ଯାଉଥିବା ଦେଖିବାକୁ ମିଳୁଥିବା ବେଳେ ଅପର ପଟରୁ ଏକ ଟ୍ରାକ୍ଟର ଆସୁଥିବା ଦେଖିବାକୁ ମିଳୁଛି । ଟ୍ରାକ୍ଟର ଡାଲାରେ ବସ୍ତାରେ ଗହମ କି ଧାନ ଭର୍ତ୍ତି ହେବା ସହ ଓଭର ଲୋଡେଡ ରହିଛି । କାର ପାର ହୋଇ ଟ୍ରାକ୍ଟର ଡାଲା ଦେଇ ସେହି ନାଲି ସାଢୀର ମହିଳାଙ୍କ ବାଇକ ଓ ଅନ୍ୟ ଦୁଇ, ତିନିଟି ବାଇକ ପହଞ୍ଚିବା ବେଳକୁ ଟ୍ରାକ୍ଟର ଡାଲାରେ ଥିବା ଧାନ ବସ୍ତାର ଭାରକୁ ଗାଡି ସମ୍ଭାଳି ନ ପାରି ଦୋହଲିବା ସହ ସେମାନଙ୍କ ଉପରେ ଓଲଟି ପଡିଲା । ସେହି ଓଜନଦାର ବସ୍ତା ସହ ଟ୍ରାକ୍ଟର ଡାଲା ତଳେ ସମସ୍ତେ ଚାପିହୋଇଗଲେ ।
ଏହା ଦେଖି ଲୋକେ ଧାଇଁ ଆସିଲେ ସେମାନଙ୍କୁ ଉଦ୍ଧାର କରିବାକୁ । ତେବେ ଏଥିରେ କେତେଜଣଙ୍କ ମୃତ୍ୟୁ ହୋଇଛି ଓ କିଏ ଆହତ ତାହା ତ ଜଣାନାହିଁ, ହେଲେ ଯେଉଁ ଅବସ୍ଥାରେ ସେମାନଙ୍କ ଉପରେ ଓଭର ଲୋଡେଡ ଟ୍ରାକ୍ଟର ଡାଲା ଓଲଟିଛି, ଏକାଧିକଙ୍କ ମୃତ୍ୟୁ ହୋଇଥିବା ପରି ମନେ ହେଉଛି । ତେଣୁ ପୋଲିସ ପ୍ରଶାସନ ଏପରି ଓଭର ଲୋଡେଡ ଗାଡି ଉପରେ ନଜର ଦେବା ଆବଶ୍ୟକ ହୋଇ ପଡିଛି । ଏପରି ଅବସ୍ଥାରେ ଟ୍ରାକ୍ଟର ମାଲ ପରିବହନ କରୁ ନ ଥିଲେ ଏହି ଦୁର୍ଘଟଣାକୁ ଏଡାଇ ଦିଆଯାଇପାରିଥାନ୍ତା ନିଶ୍ଚିତ ।
यमराज सिर्फ भैंसे से आयेगा जरूरी नहीं ,,, pic.twitter.com/72VKOiSVli
— TANVIR RANGREZ (@virjust18) December 15, 2024
