ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଲା ୱେଷ୍ଟଇଣ୍ଡିଜ: Team Indiaରେ ଡେବ୍ୟୁ କରୁଛନ୍ତି ଇଶାନ-ଯଶସ୍ୱୀ, ଭରତ ବାଦ୍
ନୂଆଦିଲ୍ଲୀ: ଆଜି ଡୋମିନିକା ଷ୍ଟାଡିୟମରେ ଆରମ୍ଭ ହୋଇଛି ଭାରତ-ୱେଷ୍ଟଇଣ୍ଡିଜ ବିପକ୍ଷ ପ୍ରଥମ ଟେଷ୍ଟ । ଏହି ମ୍ୟାଚରେ ଟିମ ଇଣ୍ଡିଆର ଦୁଇ ଷ୍ଟାର ଖେଳାଳିଙ୍କୁ ସୁଯୋଗ ଦେଇଛି ଟିମ ମ୍ୟାନେଜମେଣ୍ଟ । ଯୁବ ୱିକେଟକିପର ଇଶାନ କିଶାନ ଏବଂ ଷ୍ଟାର ବୋଲର ଯଶସ୍ୱୀ ଜଏସ୍ୱାଲ ଏହି ମ୍ୟାଚରୁ ନିଜ ଟେଷ୍ଟ କ୍ୟାରିୟର ଆରମ୍ଭ କରିଛନ୍ତି । ଇଶାନ କିଶାନ ପୂର୍ବରୁ ଭାରତ ପାଇଁ ଦିନିକିଆ ଏବଂ ଟି-୨୦ ଫର୍ମାଟରେ ଖେଳି ସାରିଥିଲେ ମଧ୍ୟ ଆଜି ପ୍ରଥମ ଥର ପାଇଁ ଭାରତୀୟ ଦଳରେ ଟେଷ୍ଟ ଜର୍ସିରେ ଦେଖିବାକୁ ମିଳିବ ।
ଭାରତ ବିପକ୍ଷ ଏହି ପ୍ରଥମ ଟେଷ୍ଟରେ ଟସ୍ ଜିତି ପ୍ରଥମେ ବ୍ୟାଟିଂ କରିବା ପାଇଁ ନିଷ୍ପତ୍ତି ନେଇଛନ୍ତି ୱେଷ୍ଟଇଣ୍ଡିଜ ଅଧିନାୟକ କ୍ରେଗ ବ୍ରେଥୱେଟ । ତେବେ ଟିମ ଇଣ୍ଡିଆ ପ୍ରଥମେ ବୋଲିଂ କରିବାକୁ ଯାଉଥିବା ବେଳେ ଦଳରେ ଦୁଇ ଜଣ ନୂଆ ଅତିଥି ଯୋଗ ଦେଇଛନ୍ତି । ଯୁବ ଷ୍ଟାର ଓପନର ଯଶସ୍ୱୀ ଜଏସ୍ୱାଲ ଏବଂ ୱିକେଟକିପର ବ୍ୟାଟ୍ସମ୍ୟାନ ଇଶାନ କିଶାନ ପ୍ରଥମ ଥର ଭାରତର ପ୍ଲେଇଙ୍ଗ ଇଲେଭେନରେ ସୁଯୋଗ ପାଇଛନ୍ତି । ଉଭୟଙ୍କୁ ସେମାନଙ୍କର ଟେଷ୍ଟ ଡେବ୍ୟୁ କ୍ୟାପ ହସ୍ତାନ୍ତର କରିଛନ୍ତି ଦଳର ଅଧିନାୟକ ରୋହିତ ଶର୍ମା । ତେବେ ଇଶାନଙ୍କ ଡେବ୍ୟୁ ଯୋଗୁଁ ୱିକେଟ କିପର କେ.ଏସ ଭରତ ଦଳରୁ ବାଦ୍ ପଡିଛନ୍ତି । ବାରମ୍ବାର ମିଳିଥିବାର ସୁଯୋଗକୁ ସେ ହାତଛଡା କରିବା ପରେ ଏବେ ଇଶାନ କିଶାନଙ୍କ ଉପରେ ଭରସା କରିଛି ରୋହିତ ସେନା । ସେହିପରି ଯଶସ୍ୱୀ ଜଏସ୍ୱାଲଙ୍କ ଏଣ୍ଟ୍ରି ଶୁଭମନ ଗିଲଙ୍କ ସ୍ଥାନ ମଧ୍ୟ ଛଡାଇ ନେଇଛି । ଏହି ମ୍ୟାଚରେ ଯଶସ୍ୱୀ ଅଧିନାୟକ ରୋହିତଙ୍କ ସହ ଓପନିଙ୍ଗ କରିବାର ସୁଯୋଗ ପାଇ ପାରନ୍ତି । ତେଣୁ ଶୁଭମନ ଗିଲ ତୃତୀୟ ସ୍ଥାନରେ ମଇଦାନକୁ ଓହ୍ଲାଇବାର ଦେକିବାକୁ ମିଳିବ ।
Congratulations to Yashasvi Jaiswal and Ishan Kishan who are all set to make their Test debut for #TeamIndia.
Go well, lads!#WIvIND pic.twitter.com/h2lIvgU6Zp
— BCCI (@BCCI) July 12, 2023
ସେପଟେ ମହମ୍ମଦ ଶାମୀଙ୍କ ସ୍ଥାନରେ ବାମହାତୀ ଷ୍ଟାର ବୋଲର ଜୟଦେବ ଉନାଦକଟ ଦଳରେ କମବ୍ୟାକ କରିଛନ୍ତି । ସେହିପରି ଅଲରାଉଣ୍ଡର ଭାବରେ ରବିନ୍ଦ୍ର ଜାଡେଜା ଏବଂ ରବିଚନ୍ଦ୍ରନ ଅଶ୍ୱୀନଙ୍କୁ ଦଳରେ ସୁଯୋଗ ଦେଇଛନ୍ତି ରୋହିତ । ଏହାବ୍ୟତୀତ ଶାର୍ଦ୍ଦୁଳ ଠାକୁର ମଧ୍ୟ ଦୀର୍ଘ ଦିନ ପରେ ଟିମରେ କମବ୍ୟାକ କରୁଛନ୍ତି । ତେଣୁ ସିରାଜଙ୍କ ସହ ଶାର୍ଦ୍ଦୁଳ ଠାକୁର ଏବଂ ଉନାଦକଟ ଭାରତୀୟ ଦଳର ପେସ ଆଟାକ ଭାର ସମ୍ଭାଳିବେ ।
Two debutants for #TeamIndia.
A look at our Playing XI for the 1st Test.
Live – https://t.co/FWI05P59cL… #WIvIND pic.twitter.com/dArjNP2o87
— BCCI (@BCCI) July 12, 2023
ଭାରତର ପ୍ଲେଇଙ୍ଗ ଇଲେଭେନ: ରୋହିତ ଶର୍ମା(ଅଧିନାୟକ), ଯଶସ୍ୱୀ ଜଏସ୍ୱାଲ, ଶୁଭମନ ଗିଲ, ବିରାଟ କୋହଲି, ଆଜିଙ୍କ୍ୟ ରାହାଣେ, ଇଶାନ କିଶାନ, ରବିନ୍ଦ୍ର ଜାଡେଜା, ରବିଚନ୍ଦ୍ରନ ଅଶ୍ୱୀନ, ଶାର୍ଦ୍ଦୁଳ ଠାକୁର, ଜୟଦେବ ଉନାଦକଟ, ମହମ୍ମଦ ସିରାଜ
