କି ଭାଗ୍ୟ! ମହାପ୍ରଭୁଙ୍କ ସାମ୍ନାରେ ଚାଲିଗଲା ଭକ୍ତଙ୍କ ଜୀବନ
ପୁରୀ: ଆଜି ପବିତ୍ର ସ୍ନାନ ପୁର୍ଣ୍ଣିମାରେ ପୁରୀ ଶ୍ରୀମନ୍ଦିର ସ୍ନାନମଣ୍ଡପ ନିକଟରେ ଅଘଟଣ ଘଟିଛି । ସ୍ନାନମଣ୍ଡପ ନିକଟରେ ଜଣେ ଭକ୍ତଙ୍କର ମୃତ୍ୟୁ ଘଟିଛି । ମୃତକ ଜଣକ ରାଜସ୍ଥାନ ରାଜ୍ୟର ଅମ୍ବାଲାଇ ଭୋଇ । ପରିବାର ସହ ଆସିଥିଲେ ମହାପ୍ରଭୁଙ୍କୁ ଦର୍ଶନ କରିବା ପାଇଁ ।
ସୂଚନା ଅନୁଯାୟୀ, ଆଜି ହେଉଛି ପବିତ୍ର ସ୍ନାନ ପୂଣ୍ଣିମା । ଏହି ପର୍ବରେ ୩ ଠାକୁରଙ୍କୁ ସ୍ନାନମଣ୍ଡପ ଅଣାଯାଇ ସ୍ନାନ ନୀତି କରାଯାଏ । ଏଥିପାଇଁ ଦେଶ ଏବଂ ବିଦେଶରୁ ଶହ ଶହ ଭକ୍ତ ମହାପ୍ରଭୁଙ୍କୁ ଦର୍ଶନ କରିବାକୁ ଆସନ୍ତି । ତେବେ ଚଳିତ ବର୍ଷ ମହାପ୍ରଭୁଙ୍କ ଏହି ସ୍ନାନ କାର୍ଯ୍ୟ ଚାଲିଥିବା ସମୟରେ ଜଣେ ବ୍ୟକ୍ତିଙ୍କର ପ୍ରାଣହାନୀ ଘଟିଛି ।
ଘଟଣାସ୍ଥଳରେ ସ୍ନାନମଣ୍ଡପ ପାଖେ ଅମ୍ବାଲାଇ ଭୋଇ ହଠାତ ଚେତାଶୂନ୍ୟ ହୋଇପଡିଥିଲେ । ଏହାପରେ ତାଙ୍କୁ ମେଡିକାଲ ନିଆଯାଇଥିଲା । ସେଠାରେ ତାକ୍ତର ତାଙ୍କୁ ମୃତ ଘୋଷଣା କରିଥିଲେ ।
