ଫ୍ରିଜ୍ ଏବଂ କାନ୍ଥ ମଧ୍ୟରେ ଦୂରତା କେତେ ରହିବା ଉଚିତ୍? ଏହି ଛୋଟ ଭୁଲ ଯୋଗୁଁ ହୋଇପାରେ ବ୍ଲାଷ୍ଟ
ସହରରୁ ନେଇ ଗାଁ ପର୍ଯ୍ୟନ୍ତ, ସବୁଠାରେ ରେଫ୍ରିଜରେଟର ବା ଫ୍ରିଜ୍ ବ୍ୟବହାର କରାଯାଏ । ରେଫ୍ରିଜରେଟର ହେଉଛି ଏପରି ଏକ ଉପକରଣ, ଯାହା ଅଧିକ ବିଦ୍ୟୁତ୍ ଖର୍ଚ୍ଚ କରେ ନାହିଁ । କିନ୍ତୁ ଏହାକୁ ଏକ ଉତ୍ତମ ଉପାୟରେ ବ୍ୟବହାର କରିବା ଆବଶ୍ୟକ ।
ଅଧିକାଂଶ ଲୋକଙ୍କ ପ୍ରଶ୍ନ ଉଠୁଛି କି, କେଉଁ ସ୍ଥାନରେ ଫ୍ରିଜ୍ ରଖିବା ଉଚିତ୍ । କେହି କେହି ଏହାକୁ ରୋଷେଇ ଘରେ ରଖିବାକୁ ନେଇ ଶହେ ଥର ଭାବନ୍ତି ଓ କେହି କେହି ଭାବନ୍ତି ଯେ ହଲରେ ରଖାଗଲେ ଏହା ଅଧିକ ସୁରକ୍ଷିତ ରହିବ । ଲୋକଙ୍କ ମନରେ ଏକ ପ୍ରଶ୍ନ ଅଛି ଯେ କାନ୍ଥରୁ କେତେ ଦୂରତାରେ ଫ୍ରିଜ୍ ରଖିବା ଉଚିତ୍? ଆସନ୍ତୁ ଜାଣିବା ….
ଦୂରତା କେତେ ହେବା ଉଚିତ୍?
ଫ୍ରିଜର ରକ୍ଷଣାବେକ୍ଷଣ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏଥିପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଫ୍ରିଜକୁ ସ୍ପେସ୍ ମିଳୁ ଏବଂ କୌଣସି ପ୍ରକାରର ଅସୁବିଧା ନହେଉ । ବିଶେଷଜ୍ଞମାନଙ୍କ ମତରେ, ଫ୍ରିଜର ପଛ ସାଇଜ୍ କାନ୍ଥଠାରୁ ଅତି କମରେ ୨ ଇଞ୍ଚ ଦୂରରେ ରହିବା ଉଚିତ୍ । ଏଥି ସହିତ ଟପ୍ ଏବଂ ସାଇଡରେ ୧-ଇଞ୍ଚର ଦୂରତା ରହିବା ଆବଶ୍ୟକ । ଏହାର ଅନେକ ସୁବିଧା ଅଛି । ଧୂଳି ମଧ୍ୟ ଜମା ହୁଏ ନାହିଁ ।
ଅତ୍ୟଧିକ ଗରମକୁ ରୋକିବ :-
ଆଖପାଖରେ ଜାଗା ଥିଲେ ଫ୍ରିଜକୁ ଅଧିକ ଗରମରୁ ରକ୍ଷା କରାଯିବ । ସମାନ ଜାଗା ଥିଲେ ଏୟାର ସର୍କୁଲେସନ ଠିକରେ ହୋଇନଥାଏ । ଯଦି ଫ୍ରିଜ୍ କାନ୍ଥରେ ଲାଗିଛି, ତେବେ କଣ୍ଡେନ୍ସର କୋଇଲ୍ସରୁ ବାହାରୁଥିବା ଗରମ ପବନ ବାହାରକୁ ଆସିପାରିନଥାଏ ।
କଣ୍ଡେନ୍ସର କୋଇଲ୍ସଗୁଡ଼ିକ ଫ୍ରିଜର ପଛ ପାର୍ଶ୍ୱରେ ରହିଥାଏ । ଏହାର କାମ ହେଉଛି ଫ୍ରିଜକୁ ଥଣ୍ଡା କରିବା । ଫ୍ରିଜ୍ ଚାରିପାଖରେ ମଧ୍ୟ ଜାଗା ରଖିବା ଆବଶ୍ୟକ, ଯାହାଫଳରେ ବାୟୁ ସବୁ ଦିଗରୁ ବାହାରିପାରିବ । ଏଥିରେ ଅଧିକ ଧୂଳି ଜମା ହେବ ନାହିଁ ଏବଂ ଆପଣ ଏହାକୁ ସହଜରେ ସଫା କରିପାରିବେ ।
