IPL-2023 ଆଜି ଲଢିବେ ଗୁଜୁରାଟ-ଚେନ୍ନାଇ: କ’ଣ ରହିବ ପ୍ଲେଇଙ୍ଗ ୧୧?

ଅହମ୍ମଦାବାଦ: ବିଶ୍ୱର ସର୍ବବୃହତ କ୍ରିକେଟ ଷ୍ଟାଡିୟମରେ ଆଜି ଆରମ୍ଭ ହେବ ସର୍ବବୃହତ ଟି-୨୦ ଲିଗ୍ । ପ୍ରଥମ ମ୍ୟାଚରେ ହାର୍ଦ୍ଦିକ ପାଣ୍ଡ୍ୟାଙ୍କ ଗୁଜୁରାଟ ଟାଇଟନ୍ସ ଏବଂ ଏମ.ଏସ ଧୋନୀଙ୍କ ଚେନ୍ନାଇ ସୁପର କିଙ୍ଗସ ମଧ୍ୟରେ ହେବ ମହାଯୁଦ୍ଧ । ତେବେ ଏହି ମ୍ୟାଚ ପୂର୍ବରୁ ଉଭୟ ଦଳର ପ୍ଲେଇଙ୍ଗ ୧୧କୁ ନେଇ ଜୋର ଧରିଛି । ମ୍ୟାଚ ପୂର୍ବରୁ ଧୋନୀଙ୍କ ଆହତ ସମସ୍ୟା ଟିମ ଏବଂ ଫ୍ୟାନ୍ସମାନଙ୍କ ପାଇଁ ନିରାଶ ଖବର ପାଲଟିଛି । ତେବେ ଆସନ୍ତୁ ଥରେ ନଜର ପକାଇବା ଆଜିର ମ୍ୟାଚରେ କ’ଣ ରହିପାରେ ପ୍ଲେଇଙ୍ଗ ୧୧ ।

ପ୍ରଥମ ମ୍ୟାଚରେ ଗତବର୍ଷର ଚମ୍ପିଆନ ଗୁଜୁରାଟ ଟାଇଟନ୍ସ ନିଜର ଦ୍ୱିତୀୟ ଟାଇଟଲ ଆଶା ନେଇ ସମସ୍ତ ପ୍ରସ୍ତୁତି କରି ସାରିଛି । ତେବେ ଆଜିର ମ୍ୟାଚ ପାଇଁ ଦଳରେ ଗତବର୍ଷର ପ୍ଲେୟର ଅଫ ଦ ସିରିଜ ତଥା ଷ୍ଟାର ବ୍ୟାଟର ଡାଭିଡ ମିଲର ଉପଲବ୍ଧ ନାହାନ୍ତି । ଦକ୍ଷିଣ ଆଫ୍ରିକା ବର୍ତ୍ତମାନ ନେଦରଲାଣ୍ଡ ଗସ୍ତରେ ଥିବାରୁ ଦଳର ଅନେକ ଖେଳାଳି ଆଇପିଏଲରେ ସାମିଲ ହୋଇପାରି ନାହାନ୍ତି । ତେବେ ମିଲର ମଧ୍ୟ ସେତିପାଇଁ ଗୁଜୁରାଟ ସହ ଯୋଡି ହୋଇନାହାନ୍ତି । ତେଣୁ ତାଙ୍କ ବିନା ହାର୍ଦ୍ଦିକଙ୍କୁ ପଡିଆରେ ଚେନ୍ନାଇ ବୋଲରଙ୍କୁ ସାମନା କରିବାକୁ ପଡିବ । ତେବେ ତାଙ୍କ ସ୍ଥାନରେ ନ୍ୟୁଜିଲାଣ୍ଡ ଅଧିନାୟକ କେନ୍ ୱିଲିୟମନସନଙ୍କୁ ଦଳରେ ସ୍ଥାନ ଦିଆଯାଇପାରେ ।

ଆଜିର ମ୍ୟାଚରେ ସବୁଠୁ ବଡ ଚର୍ଚ୍ଚାର ବିଷୟ ପାଲଟିଛି ଧୋନୀଙ୍କ ଆହତ ସମସ୍ୟା । ପ୍ରଥମ ମ୍ୟାଚରେ ହିଁ ତାଙ୍କ ଖେଳିବା ନେଇ ଆଶଙ୍କା ଦେଖା ଦେଇଛି । ସେପଟେ ଗତବର୍ଷର ଷ୍ଟାର ବୋଲର ମୁକେଶ ଚୌଧୂରୀ ଆହତ ହୋଇ ଦଳରୁ ବାଦ୍ ପଡିଛନ୍ତି । ତେବେ ଦଳର ସିଇଓ ଧୋନୀଙ୍କ ଖେଳିବା ନେଇ ସ୍ପଷ୍ଟ କରିଛନ୍ତି । ଗୁଜୁରାଟ ବିପକ୍ଷ ମ୍ୟାଚରେ ଧୋନୀ ଅଦିନାୟକ ଭାବରେ ଦଳ ସହ ଓହ୍ଲାଇବେ ବୋଲି କହିଛନ୍ତି ସିଇଓ କାଶୀ ବିଶ୍ୱନାଥନ । ତେବେ ଧୋନୀଙ୍କ ସହିତ ଶ୍ରୀଲଙ୍କାର ୨ ଷ୍ୟାର ବୋଲର ମହୀଷ ଥୀକ୍ଷଣା ଏବଂ ମଥୀସା ପଥୀରାନା ଦଳ ସହ ଯୋଡି ହୋଇନାହାନ୍ତି । ନ୍ୟୁଜିଲାଣ୍ଡ ବିପକ୍ଷ ସିରିଜ ଯୋଗୁଁ ସେ ଏପ୍ରିଲ ୮ ତାରିଖରେ ଦଳ ସହ ସାମିଲ ହେବେ ବୋଲି ଜାଣିବାକୁ ମିଳିଛି ।

ଗୁଜୁରାଟ ଟାଇଟନ୍ସ ସମ୍ଭାବ୍ୟ ଏକାଦଶ: ଶୁଭମନ ଗିଲ, ରିଦ୍ଧିମାନ ସାହା, କେନ୍ ୱିଲିୟମସନ୍, ମାଥ୍ୟୁ ୱେଡ, ହାର୍ଦ୍ଦିକ ପାଣ୍ଡ୍ୟା(ଅଧିନାୟକ), ରାହୁଲ ତେୱାତିଆ, ରାଶିଦ ଖାନ, ଶିଭମ ମାବି, ଜୟନ୍ତ ଯାଦବ/ ଆର. ସାଇ କିଶୋର, ଅଲଜାରୀ ଜୋସେଫ ଏବଂ ମହମ୍ମଦ ଶାମୀ ।

ଚେନ୍ନାଇ ସୁପର କିଙ୍ଗସ ସମ୍ଭାବ୍ୟ ଏକାଦଶ: ଋତୁରାଜ ଗାଏକ୍ୱାଡ, ଡେଭନ କନୱେ, ବେନ୍ ଷ୍ଟୋକ୍ସ, ମୋଇନ ଅଲୀ, ଅମ୍ବାତି ରାୟୁଡୁ, ରବିନ୍ଦ୍ର ଜାଡେଜା, ଶିବମ୍ ଦୁବେ, ଏମ.ଏସ ଦୋନୀ(ଅଧିନାୟକ), ମିଚେଲ ସାଣ୍ଟନର, ଦୀପକ ଚହର, ସିମରଜୀତ ସିଂହ/ତୁଷାର ଦେଶପାଣ୍ଡେ ।