WhatsApp Down: ହଠାତ୍ କମ୍ପ୍ୟୁଟର-ଲ୍ୟାପଟପରୁ ହ୍ୱାଟ୍ସଆପ୍ ଲଗ୍ ଆଉଟ୍, SMS ପଠାଇବାରେ ଅସୁବିଧାର ସମ୍ମୁଖୀନ ୟୁଜର୍ସ
ଇଂଲଣ୍ଡ,୨୮ା୨: ସୋସିଆଲ ମିଡିଆ ମେସେଜିଂ ଆପ୍ ହ୍ୱାଟ୍ସଆପ୍ ଡାଉନ୍ ଅଛି । SMS ପଠାଇବାରେ ଅନେକ ୟୁଜର ଅସୁବିଧାର ସମ୍ମୁଖୀନ ହେଉଛନ୍ତି । ଡାଉନ୍ ଡିଟେକ୍ଟର ଉପରେ ମଧ୍ୟ ଏକ ରିପୋର୍ଟ ଦାଖଲ କରିଛନ୍ତି। ହ୍ୱାଟ୍ସଆପ୍ ସମସ୍ୟା ୨୮ ଫେବୃଆରୀ ଶୁକ୍ରବାର ରାତିରେ ସମଗ୍ର ବିଶ୍ୱରେ ଲୋକମାନେ ହ୍ୱାଟ୍ସଆପ୍ ବ୍ୟବହାର କରିବାରେ ଅସୁବିଧାର ସମ୍ମୁଖୀନ ହେଉଛନ୍ତି । ଏହି ସମସ୍ୟା କେବଳ ସ୍ମାର୍ଟଫୋନରେ ସୀମିତ ନାହିଁ। ବାସ୍ତବରେ ଲୋକମାନେ ସେମାନଙ୍କର କମ୍ପ୍ୟୁଟର ଏବଂ ଲାପଟପ୍ ରେ ମଧ୍ୟ ଆପ୍ ବ୍ୟବହାର କରିବାକୁ ସକ୍ଷମ ନୁହନ୍ତି ।
@rustybrick . Whatsapp is down in UK… but in downdetector there are a LOT of services of other companies down like facebook, TikTok, Messenger…. I haven’t noticed anything yet, but it could be a global attack. Seen on downdetector Spain pic.twitter.com/84EmUnHGUd
— Rafa Martin 👽🖖 (@rafainatica) February 28, 2025
ଏହି ସମସ୍ୟା ହ୍ୱାଟ୍ସଆପ୍ ୱେବ୍ରେ ମଧ୍ୟ ଦେଖାଗଲା। କିଛି ଲୋକଙ୍କ ହ୍ୱାଟ୍ସଆପ୍ ଆକାଉଣ୍ଟଗୁଡ଼ିକ ସ୍ୱୟଂଚାଳିତ ଭାବରେ କମ୍ପ୍ୟୁଟର ଏବଂ ଲାପଟପ୍ ରୁ ଲଗ୍ ଆଉଟ୍ ହୋଇଗଲା। ଏହି ସମସ୍ୟା କାହିଁକି ଘଟିଲା ସେ ସମ୍ବନ୍ଧରେ ସୂଚନା ଏପର୍ଯ୍ୟନ୍ତ ଉପଲବ୍ଧ ନାହିଁ । ହ୍ୱାଟ୍ସଆପ୍ ଡାଉନ୍ ହେବାରେ ଉପଭୋକ୍ତାମାନେ ନିଜର ପ୍ରତିକ୍ରିୟା ଦେଉଛନ୍ତି। ଲୋକମାନେ ହ୍ୱାଟ୍ସଆପ୍ ଡାଉନ୍ ହେବା ବିଷୟରେ ପୋଷ୍ଟ ସେୟାର କରିଥିଲେ।
ହ୍ୱାଟ୍ସଆପ୍ ବର୍ତ୍ତମାନ ବ୍ରିଟେନରେ ଡାଉନ୍ ଅଛି। ଅନେକ ୟୁଜର ସୋସିଆଲ ମିଡିଆ ‘X’ରେ ପୋଷ୍ଟ କରି ଏହି ବିଷୟରେ ସୂଚନା ଦେଇଛନ୍ତି। ଜଣେ ୟୁଜର ଲେଖିଛନ୍ତି, ହ୍ୱାଟ୍ସଆପ୍ ବ୍ରିଟେନରେ ବନ୍ଦ ଅଛି କିନ୍ତୁ ଡାଉନଡେକ୍ଟରରେ ଫେସବୁକ୍, ଟିକଟକ୍, ମେସେଞ୍ଜର ଭଳି ଅନ୍ୟ କମ୍ପାନୀର ଅନେକ ସେବା ବନ୍ଦ ରହିଛି। ମୁଁ ଏପର୍ଯ୍ୟନ୍ତ କିଛି ଦେଖି ନାହିଁ, କିନ୍ତୁ ଏହା ଏକ ବିଶ୍ୱସ୍ତରୀୟ ଆକ୍ରମଣ ହୋଇପାରେ। ଡାଉନ୍ ଡିଟେକ୍ଟର ସ୍ପେନରେ ବି ଦେଖିବାକୁ ମିଳିଛି ।