ହ୍ୱାଟସ୍ ଆପର ନୂଆ ଫିଚର, ଏଣିକି ବିନା ଡାଟାରେ ଚାଲିବ ଆପଣଙ୍କ ହ୍ୱାଟସ୍ ଆପ୍
ନୂଆଦିଲ୍ଲୀ :ହ୍ୱାଟସ୍ ଆପ୍ ବ୍ୟବହାରକାରୀଙ୍କ ପାଇଁ ଏକ ଖୁସି ଖବର। ୟୁଜର୍ସ ମାନଙ୍କ ପାଇଁ ଏକ ଉତ୍ତମ ଅଭିଜ୍ଞତା ଭେଟ ଦେବାକୁ ହ୍ୱାଟସ୍ ଆପ୍ ନୂତନ ବୈଶିଷ୍ଟ୍ୟ ଆଣିବାରେ ଲାଗିଛି । ବର୍ତ୍ତମାନ ହ୍ୱାଟସ୍ ଆପ୍ ବିଶ୍ୱରେ ପ୍ରକ୍ସି ସପୋର୍ଟ ଲଞ୍ଚ କରିଛି। ବର୍ତ୍ତମାନ ପ୍ରକ୍ସି ସପୋର୍ଟ ମାଧ୍ୟମରେ ଉପଭୋକ୍ତାମାନେ ଇଣ୍ଟରନେଟ୍ ବିନା ହ୍ୱାଟସ୍ ଆପ୍ ଚଳାଇବାକୁ ସମର୍ଥ ହେବେ। ସେମାନେ ଇଣ୍ଟରନେଟ୍ ବିନା ନିଜ ସାଙ୍ଗମାନଙ୍କ ସହିତ ଚାଟ୍ କରି ପାରିବେ। ହ୍ୱାଟସ୍ ଆପ୍ ର ନୂଆ ବୈଶିଷ୍ଟ୍ୟ ବ୍ୟବହାରକାରୀଙ୍କ ଦ୍ୱାରା ଖୁବ ପସନ୍ଦ କରାଯାଉଛି।
ସୂଚନାମୁତାବକ ହ୍ୱାଟସ୍ ଆପ୍ ବ୍ୟବହାରକାରୀମାନେ ବର୍ତ୍ତମାନ ଏହି ପ୍ଲାଟଫର୍ମରେ ଇଣ୍ଟରନେଟ୍ ବିନା ସଂଯୁକ୍ତ ହେବେ। ସେ ରହୁଥିବା ଅଞ୍ଚଳରେ ଇଣ୍ଟରନେଟ୍ ଉପଲବ୍ଧ ନଥିଲେ ମଧ୍ୟ ସେ ହ୍ହ୍ୱାଟସ୍ ଆପ୍ ବ୍ୟବହାର କରିବାରେ ସକ୍ଷମ ହେବେ। ଜାଣି ରଖନ୍ତୁ ଯେ ହ୍ୱାଟସ୍ ଆପ୍ ର ଏହି ବୈଶିଷ୍ଟ୍ୟର ସାହାଯ୍ୟରେ, ଉପଭୋକ୍ତାମାନେ ସମଗ୍ର ବିଶ୍ୱରେ ସଂଗଠନ ଏବଂ ସ୍ୱେଚ୍ଛାସେବୀମାନଙ୍କର ପ୍ରକ୍ସି ସର୍ଭର ସେଟଅପ୍ ସହିତ ସଂଯୁକ୍ତ ରହିପାରିବେ।
If WhatsApp is blocked in your country, you can use a proxy to stay connected and chat with friends and family 📲
When connecting to WhatsApp via proxy, personal messages will remain protected by end-to-end encryption 🔒
Learn to access a proxy here: https://t.co/WleKzNOdKX
— WhatsApp (@WhatsApp) January 5, 2023
ହ୍ୱାଟସ୍ ଆପ୍ ଟ୍ୱିଟ୍ କରିଛି ଯେ ଆମେ ମୁକ୍ତ ଏବଂ ବ୍ୟକ୍ତିଗତ ଭାବରେ ଯୋଗାଯୋଗ କରିବା ପାଇଁ ଆପଣଙ୍କ ଅଧିକାର ପାଇଁ ସଂଗ୍ରାମ ଜାରି ରଖିବୁ। ବର୍ତ୍ତମାନ, ଯେତେବେଳେ ହ୍ୱାଟସ୍ ଆପ୍ ସହିତ ସିଧାସଳଖ ସଂଯୋଗ ହେବା ସମ୍ଭବ ନୁହେଁ, ଆପଣ ସ୍ବେଚ୍ଛାସେବୀ ଦ୍ୱାରା ସ୍ଥାପିତ ସର୍ଭର ମାଧ୍ୟମରେ ସଂଯୋଗ ହୋଇ ରହିପାରିବେ ଯାହା ଲୋକଙ୍କୁ ମୁକ୍ତ ଭାବରେ ଯୋଗାଯୋଗ କରିବାରେ ସାହାଯ୍ୟ କରିବ।
ସୂଚନାମୁତାବକ,ଏହି ନୂତନ ବିକଳ୍ପ ହ୍ୱାଟସ୍ ଆପ୍ ସେଟିଂ ମେନୁରେ ଅଛି। ଏଥିପାଇଁ ଆପଣଙ୍କ ଫୋନରେ ହ୍ୱାଟସ୍ ଆପ୍ ର ସର୍ବଶେଷ ସଂସ୍କରଣ ରହିବା ଉଚିତ୍ । ହ୍ୱାଟସ୍ ଆପ୍ ଅନୁଯାୟୀ, ଯଦି ଆପଣଙ୍କର ଇଣ୍ଟରନେଟ୍ ଅଛି, ତେବେ ଆପଣ ସର୍ଚ୍ଚ ଇଞ୍ଜିନ୍ କିମ୍ବା ସୋସିଆଲ୍ ମିଡିଆରେ ନିର୍ଭରଯୋଗ୍ୟ ପ୍ରକ୍ସି ଉତ୍ସ ଖୋଜି ପାରିବେ ।
