ହ୍ଵାଟସ୍ ଆପ୍ ଆଣିଲା ନୂଆ ଫିଚର୍ସ: ପଠାଇଥିବା ମେସେଜକୁ କରିପାରିବେ ଏଡିଟ୍, ପଢନ୍ତୁ ପୁରା ଖବର
ନୂଆଦିଲ୍ଲୀ: ଅନେକ ଅପେକ୍ଷା ପରେ ହ୍ଵାଟସ୍ ଆପ୍ ଶେଷରେ ସମସ୍ତଙ୍କ ପାଇଁ ଏକ ନୂତନ ଏଡିଟ୍ ବଟନ୍ ସୁବିଧା ଆରମ୍ଭ କରିଛି। ନିକଟରେ ହ୍ଵାଟ୍ସଆପ ବ୍ୟକ୍ତିଗତ ଚାଟ୍ ଲକ୍ କରିବାକୁ ଏକ ବିକଳ୍ପ ଯୋଡିଥିଲା। ବର୍ତ୍ତମାନ ଏହା ମେସେଜିଂ ଆପରେ ଆଉ ଏକ ବଡ଼ ଅପଡେଟ୍ ଆଣିଛି। ଏବେ ହ୍ୱାଟ୍ସଆପରେ ଉପଭୋକ୍ତାମାନେ କାହାକୁ ପଠାଇଥିବା ଭୁଲ ମେସେଜରେ କୌଣସି ପରିବର୍ତ୍ତନ କରିବାକୁ ୧୫ ମିନିଟ୍ ପାଇବେ। ଏହା ଏକ ଅତ୍ୟନ୍ତ ଉପଯୋଗୀ ବୈଶିଷ୍ଟ୍ୟ କାରଣ ବର୍ତ୍ତମାନ ଆପଣଙ୍କୁ ସମ୍ପୂର୍ଣ୍ଣ ମେସେଜ ଡିଲିଟ କରିବାକୁ ପଡିବ ନାହିଁ କାରଣ ଏଡିଟ୍ ବଟନ୍ ଆପଣଙ୍କୁ ସେହି ବାକ୍ୟ କିମ୍ବା ଶବ୍ଦଗୁଡ଼ିକୁ ଏଡିଟ୍ କରିବାକୁ ଅନୁମତି ଦେବ।
IT’S HERE 📣 Message Editing is rolling out now.
You now get up to 15 minutes after sending a message to edit it. So you don’t have to worry if you duck it up 🦆 pic.twitter.com/JCWNzmXwVr
— WhatsApp (@WhatsApp) May 22, 2023
ଏହା କିପରି କରିବେ ?
ମାର୍କ ଜୁକରବର୍ଗଙ୍କ ଦ୍ୱାରା ଘୋଷଣା ଅନୁଯାୟୀ ମେସେଜକୁ ଡିଲିଟ କରିବାକୁ ୪୮ ଘଣ୍ଟା ପରିବର୍ତେ ୬୦ ଘଣ୍ଟା ପର୍ଯ୍ୟନ୍ତ ମେସେଜ ଡିଲିଟ କରିବାକୁ ଦିଆଯାଇଥିବା ସମୟକୁ ବୃଦ୍ଧି କରିବାର ଏକ ବର୍ଷ ପରେ ଆସିଛି।
ବର୍ତ୍ତମାନ ଯେପରି ଲୋକମାନେ ଜାଣନ୍ତି ଯେ ଆପଣ କିଛି ମେସେଜ ଡିଲିଟ କରିଛନ୍ତି, ସେହିପରି ଏକ ଏଡିଟ୍ ଟ୍ୟାଗ୍ ସେମାନଙ୍କୁ ଜଣାଇବ ଯେ ତୁମେ ତୁମର ମେସେଜକୁ ଏଡିଟ୍ କରିଛ କିମ୍ବା ସଂଶୋଧନ କରିଛ।
ଏଥିସହ ଆପ୍ ମେସେଜ ପୂର୍ବ ଲେଖାକୁ ରେକର୍ଡ କରେ ନାହିଁ, ତେଣୁ ଲୋକମାନେ ମେସେଜର ମୂଳ ବିଷୟବସ୍ତୁ ଦେଖିବାକୁ ସମର୍ଥ ହେବେ ନାହିଁ।
ସ୍ଟେପ ୧: ହ୍ଵାଟସ୍ ଆପ୍ ଖୋଲନ୍ତୁ ଏବଂ ଯେକୌଣସି ଚାଟ୍ କୁ ଯାଆନ୍ତୁ।
ସ୍ଟେପ ୨: ଅଜାଣତରେ ପଠାଯାଇଥିବା ମେସେଜ ଉପରେ ଦୀର୍ଘ ସମୟ ପ୍ରେସ୍ କରନ୍ତୁ।
ସ୍ଟେପ ୩: ବର୍ତ୍ତମାନ ଆପଣଙ୍କୁ ଏକ ଏଡିଟ୍ ମେସେଜ୍ ଅପ୍ସନ୍ ମିଳିବ, ଯାହା ଉପରେ ଆପଣଙ୍କୁ ଟେକ୍ସଟ୍ ବଦଳାଇବାକୁ ଟ୍ୟାପ୍ କରିବାକୁ ପଡିବ।
ତେବେ ସବୁଠାରୁ ଲୋକପ୍ରିୟ ମେସେଜିଂ ଆପ୍ ସତ୍ତ୍ୱେ ହ୍ଵାଟସ୍ ଆପ୍ ଏହି ସୁବିଧା ଆଣିବାରେ ବିଳମ୍ବ କରିଛି, କାରଣ ଟେଲିଗ୍ରାମ ଏବଂ ସିଗନାଲ୍ ଏବଂ ଟ୍ୱିଟରରେ ଏଡିଟ୍ ବିକଳ୍ପ ପୂର୍ବରୁ ଆସି ସାରିଛି। ଟେଲିଗ୍ରାମ୍ ମଧ୍ୟ ଲୋକଙ୍କୁ ମେସେଜ ସିଲିଟି କରିବାକୁ ଅଧିକ ସମୟ ଦେଇଥାଏ, କାରଣ ସେମାନେ ସଂଶୋଧନ କରିବାକୁ ୧୫ ମିନିଟ୍ ପରିବର୍ତ୍ତେ ୪୮ ଘଣ୍ଟା ପାଇଥାନ୍ତି।