ହ୍ୱାଟ୍ସଆପରେ ଭୁଲରେ ବି କରନ୍ତୁ ନାହିଁ ଏହି କାମ, ସବୁଦିନ ପାଇଁ ବ୍ୟାନ୍ ହୋଇଯିବ ଆକାଉଣ୍ଟ୍

ନୂଆଦିଲ୍ଲୀ: ବିଶ୍ୱରେ ସବୁଠାରୁ ଅଧିକ ବ୍ୟବହୃତ ହେଉଥିବା ଚାଟିଂ ଆପ୍ ମଧ୍ୟରେ ହ୍ୱାଟ୍ସଆପ୍ ବେଶ ଲୋକପ୍ରିୟ । ଲୋକମାନେ ଏହାକୁ ଅଧିକ ପସନ୍ଦ କରୁଥିବା ବେଳେ ହ୍ୱାଟ୍ସଆପ୍ ସର୍ବଦା ନିଜ ଗ୍ରାହକଙ୍କୁ ନୂଆ ନୂଆ ଫିଚର୍ସ ଦେବାକୁ ଚେଷ୍ଟା କରିଥାଏ । ଗୋଟିଏ ପଟେ ହ୍ୱାଟ୍ସଆପ ପକ୍ଷରୁ ଗ୍ରାହକଙ୍କ ଖାସ୍ ଧ୍ୟାନ ରଖାଯାଉଥିବା ବେଳେ ଆପଣଙ୍କ କିଛି କାମ ଯୋଗୁଁ ହ୍ୱାଟ୍ସଆପ ଆପଣଙ୍କ ଆକାଉଣ୍ଟକୁ ସବୁଦିନ ବ୍ୟାନ୍ ବି କରିପାରେ । ଆସନ୍ତୁ ଜାଣିବା କିପରି…

ତେବେ ମାର୍କେଟରେ ଉପଲବ୍ଧ ସମସ୍ତ ଫିଚର୍ସ ଗ୍ରାହକଙ୍କୁ ଦେବାକୁ ହ୍ୱାଟ୍ସଆପରେ ଯଥାସମ୍ଭବ ପ୍ରୟାସ କରିଥାଏ । କିନ୍ତୁ ଏପରି କିଛି ଫିଚର୍ସ ଅଛି, ଯାହା ଗ୍ରାହକଙ୍କୁ ମିଳିପାରି ନାହିଁ । ଯେପରିକି ଅଟୋ ରିପ୍ଲାଏ, ଚ୍ୟାଟର ସିଡ୍ୟୁଲ କରିବା ଇତ୍ୟାଦି । ଗ୍ରାହକମାନଙ୍କୁ ଏଭଳି ଫିଚର୍ସର ଲାଭ ଦେବା ପାଇଁ ବଜାରକୁ ଅନେକ ଥାର୍ଡ ପାର୍ଟିର ପ୍ରବେଶ ହୋଇଛି । ଏହା ହ୍ୱାଟ୍ସଆପର ନକଲି ସଂସ୍କରଣ, ଯଦି ଆପଣ ଏହି ଆପର ବ୍ୟବହାର କରନ୍ତି, ତେବେ ହ୍ୱାଟ୍ସଆପ ଏହା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରେ ଓ ଆପଣଙ୍କ ଆକାଉଣ୍ଟକୁ ସବୁଦିନ ପାଇଁ ବ୍ଲକ୍ କରିପାରେ । ସେଥିପାଇଁ ସର୍ବଦା ଏଭଳି ଥାର୍ଡ ପାର୍ଟି ଆପ୍ ଠାରୁ ଦୂରେଇ ରହିବା ଉଚିତ୍ । କାରଣ ଏଭଳି ଆପ୍ ବ୍ୟବହାର କରିବା ଦ୍ୱାରା ତାହା ଆପଣଙ୍କ ପର୍ସନାଲ ଡାଟା ଚୋରି କରିଥାଏ ।