ବାଙ୍ଗାଲୋର ନା ରାଜସ୍ଥାନ?: ମ୍ୟାଚ ରଦ୍ଦ ହେଲେ କିଏ ପାଇବ ଫାଇନାଲର ଟିକେଟ
ନୂଆଦିଲ୍ଲୀ: ୨୦୨୨ ଫାଇନାଲ ପୂର୍ବରୁ ଆଉ ମାତ୍ର ଗୋଟିଏ ମ୍ୟାଚ ବାକି ରହିଛି । ଯେଉଁ ମ୍ୟାଚରେ ଚଳିତ ସିଜନର ଦ୍ୱିତୀୟ ଫାଇନାଲିଷ୍ଟ ପାଇବ ଟୁର୍ଣ୍ଣାମେଣ୍ଟ । ପ୍ରଥମରୁ ଗୁଜୁରାଟ ଫାଇନାଲରେ ଜାଗା ପକ୍କା କରି ସାରଛି । ଦ୍ୱିତୀୟ ଦଳ ଭାବରେ ଫାଇନାଲକୁ ଏଣ୍ଟ୍ରି କରିବା ପାଇଁ ଆଜି ରାଜସ୍ଥାନ ଏବଂ ବାଙ୍ଗାଲୋର ବିପକ୍ଷରେ ଖେଳାଯିବ କ୍ୱାଲିଫାୟାର-୨ । ଏହି ମ୍ୟାଚର ବିଜୟୀ ଦଳ ଗୁଜୁରାଟ ସହ ୨୦୨୨ ଟାଇଟଲ ପାଇଁ ଲଢିବ । ତେବେ ମ୍ୟାଚ ଯଦି ରଦ୍ଦ କିମ୍ବା କୌଣସି କାରଣରୁ ଖେଳା ଯାଇ ନପାରେ, ତେବେ ଫାଇନାଲ ପାଇଁ କେଉଁ ଦଳକୁ ସୁଯୋଗ ମିଳିବ?
ମ୍ୟାଚ ନ ଖେଳି କୌଣସି ଦଳକୁ ବିଜୟୀ ଘୋଷଣା କରାଯାଇ ପାରିବ କି? ଏ ପ୍ରଶ୍ନ ଅନେକ କ୍ରିକେଟପ୍ରେମୀଙ୍କ ମନରେ ଦ୍ୱନ୍ଦ୍ୱ ସୃଷ୍ଟି କରିଛି । ନିୟମ ଅନୁସାରେ, ଏଲିମିନେଟର ପରି କ୍ୱାଲିଫାୟାର ପାଇଁ ମଧ୍ୟ ରିଜର୍ଭ ଡେ ରଖାଯାଇ ନାହିଁ ।
• ତେବେ ଯଦି କୌଣସି କାରଣରୁ ଟସରେ ବିଳମ୍ବ ହୁଏ, ମ୍ୟାଚରେ ଅଧିକରୁ ଅଧିକ ୨ ଘଣ୍ଟା ୧୦ ମିନିଟ ଅପେକ୍ଷା କରାଯାଇପାରିବ । ଏହି ସ୍ଥିତିରେ ୨୦-୨୦ ଓଭର ମ୍ୟାଚ ଅନୁଷ୍ଠିତ ହୋଇ ପାରିବ ।
• ତେବେ ଯଦି ଏକ୍ସଟ୍ରା ସମୟ ପରେ ବି ମ୍ୟାଚ ଆରମ୍ଭ ହୋଇ ନ ପାରେ, ତେବେ ୫-୫ ଓଭରର ଏକ ମ୍ୟାଚ ଖେଳାଯିବ । ଏହା ମଧ୍ୟ ଯଦି ଅସମ୍ଭବ ହୋଇଯାଏ, ତେବେ ସୁପର ଓଭର ଜରିଆରେ ମ୍ୟାଚର ରେଜଲ୍ଟ ବାହାର କରାଯିବ ।
• ତେବେ ଯଦି ବର୍ଷ କିମ୍ବା ଅନ୍ୟ କାରଣରୁ ମ୍ୟାଚରେ ରଦ୍ଦ ହୋଇଯାଏ , ତେବେ ପଏଣ୍ଟର ଟେବୁଲ ତାଲିକା ଅନୁସାରେ, ରାଜସ୍ତାନ ରୋୟଲ୍ସକୁ ବିଜୟୀ ଘୋଷଣା କରାଯିବ । ଏବଂ ଫାଇନାଲକୁ ଉନ୍ନୀତ ହେବ ଦଳ ।
ପଏଣ୍ଟ ଟେବୁଲରେ ୧୮ ପଏଣ୍ଟ ସହ ରାଜସ୍ଥାନ ଦ୍ୱିତୀୟ ଦଳ ଭାବେ ପ୍ଲେଅଫରେ ପହଞ୍ଚିଛି । କିନ୍ତୁ ବାଙ୍ଗାଲୋର ୧୬ ପଏଣ୍ଟ ହାସଲ କରି ଚତୁର୍ଥ ସ୍ଥାନରେ କ୍ୱାଲିଫାଏ କରିବାରେ ସଫଳ ହୋି ପାରଥିଲା । ଯାହାର ଫାଇଦା ରାଜସ୍ଥାନକୁ ମିଳିପାରେ । ତେବେ ଯଦି ଆଜି ନରେନ୍ଦ୍ର ମୋଦି ଷ୍ଟାଡିୟମରେ ବର୍ଷା ହୁଏ, ତେବେ ବାଙ୍ଗାଲୋରର ଟ୍ରଫି ଜିତିବା ଆଶା ପୁଣିଥରେ ଅଧାରେ ରହିଯିବ ।
