କାହିଁକି ପ୍ରଥମେ ଦୁଇ ଝିଅଙ୍କୁ ବଳି ଦିଆଯାଇଥିଲା? ଜାଣନ୍ତୁ ୮୦,୦୦୦ ନରବଳିର କଥା…
ନୂଆଦିଲ୍ଲୀ: ବଳି ହେଉଛି ଏକ କୁପ୍ରଥା। ପାଖାପାଖି ୫,୦୦୦ ବର୍ଷ ପୂର୍ବେ ଯେତେବେଳେ ଭାରତରେ ହରପ୍ପା ସଭ୍ୟତାକୁ ନେଇ ରିସର୍ଚ୍ଚ ହେଉଥିଲା, ସେତେବେଳେ ଡେନମାର୍କରେ ଦୁଇ କୁମାରୀ କନ୍ୟାଙ୍କୁ ବଳି ଦିଆଯାଇଥିଲା। ଯଦିଓ ତାଙ୍କ ଚିତ୍କାର କେହି ଶୁଣିନାହାନ୍ତି ହେଲେ ଇତିହାସ ସେମାନଙ୍କ ଅସ୍ତିତ୍ୱକୁ ବଞ୍ଚାଇ ରଖିଛି। ସେହି ଝିଅମାନଙ୍କୁ ଦୁନିଆରେ ନରବଳିର ପ୍ରଥମ ଐତିହାସିକ ପ୍ରମାଣ ଭାବରେ ରେକର୍ଡ କରାଯାଇଛି । ଏପଟେ ହରପ୍ପା ସଭ୍ୟତାରେ ମଧ୍ୟ ଏଭଳି ମୂର୍ତ୍ତି ଦେଖିବାକୁ ମିଳିଛି, ଯାହା ନରବଳିକୁ ନେଇ ସନ୍ଧେହ ସୃଷ୍ଟି କରିଛି।
ପୃଥିବୀରେ ପ୍ରଥମ ଥର ପାଇଁ ମନୁଷ୍ୟ ବଳି ଦେବାର ଘଟଣା ହେଉଛି କୋପେନହେଗନ ନିକଟସ୍ଥ ସିଗର୍ସଡାଲରେ ମିଳିଥିବା ଦୁଇ କୁମାରୀ, ଯେଉଁମାନଙ୍କୁ ପ୍ରାୟ ୫୫୦୦ ବର୍ଷ ପୂର୍ବେ ହତ୍ୟା କରାଯାଇଥିଲା । ସେମାନଙ୍କ ମଧ୍ୟରୁ ଜଣେ ନାବାଳିକାଙ୍କ ବୟସ ୧୬ ବର୍ଷ ହୋଇଥିବା ବେଳେ ଅନ୍ୟ ଜଣଙ୍କ ବୟସ ୧୮ ବର୍ଷ। ଖନନ ସମୟରେ ଝିଅମାନଙ୍କ କଙ୍କାଳ ମିଳିବା ପରେ ବି ସେମାନଙ୍କ ବେକରେ ଦଉଡ଼ି ବାନ୍ଧି ଦିଆଯାଇଥିଲା।
୫୧୦୦ ବର୍ଷ ପୂର୍ବେ ମିଶରର ଫାରୋ ବଂଶର ପ୍ରାକ୍ ଫାରୋ ରାଜାଙ୍କ ଯୁଗରେ ରାଜାମାନେ ମୃତ୍ୟୁବରଣ କରିବା ପରେ ସେମାନଙ୍କୁ ସେମାନଙ୍କ ସହିତ ମରିବାକୁ ପଡ଼ିଥିଲା । ରାଜାମାନଙ୍କ ସହିତ ଦରବାରୀ ଓ ଅନୁଗାମୀମାନଙ୍କୁ ମଧ୍ୟ ପରଲୋକକୁ ସାଙ୍ଗରେ ନେବାର ଆବଶ୍ୟକତା ଥିଲା । ଐତିହାସିକ ପ୍ରମାଣ ଅନୁଯାୟୀ, ଏଭଳି ରାଜାମାନଙ୍କ କବରକୁ ସେମାନଙ୍କ ଦରବାରୀଙ୍କ ସମାଧି ଦ୍ୱାରା ଘେରି ରହୁଥିଲା ।
ଐତିହାସିକଙ୍କ ମତରେ, ପ୍ରାଚୀନ ମେସୋପୋଟେମିଆରେ ନରବଳିର ଆଶ୍ଚର୍ଯ୍ୟଜନକ ପ୍ରମାଣ ରହିଛି। ସେଠାରେ ରାଜାଙ୍କ ମୃତ୍ୟୁ ସହିତ ଦରବାରୀ, ସୁରକ୍ଷାକର୍ମୀ, ସଙ୍ଗୀତଜ୍ଞ ଓ ଚାକରାଣୀଙ୍କୁ ମଧ୍ୟ ମରିବାକୁ ପଡ଼ୁଥିଲା। ଆଫ୍ରିକୀୟ ରାଜ୍ୟ କେର୍ମାର ରାଜକୀୟ ସମାଧି, ୩୫୦୦ ବର୍ଷ ପୁରୁଣା ଅଟେ । ଏହି ସମାଧିଗୁଡ଼ିକରେ ଗୋଟିଏ ସମୟରେ ୫୦୦ ଲୋକଙ୍କୁ ରାଜାଙ୍କ ପାଖରେ ଥିବା ବିରାଟ କବର ଗାତରେ ପୋତି ଦିଆଯାଇଥିଲା ।
ପୃଥିବୀର ଅନେକ ସ୍ଥାନରେ ନରବଳିର କୁଶ୍ଚିତ ରୀତିନୀତି ମେସୋଆମେରିକୀୟ ସଂସ୍କୃତିରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା । ଚାଷଠାରୁ ଆରମ୍ଭ କରି ଯୁଦ୍ଧ ପର୍ଯ୍ୟନ୍ତ ଅନେକ ସମୟରେ ନରବଳି ଦିଆଯାଇଥିଲା। ଏପରିକି ଗିଜାରେ ଇଜିପ୍ଟର ଫାରୋ ସଭ୍ୟତାର ପିରାମିଡ୍ ରେ ମଧ୍ୟ ୮୦,୪୦୦ ଲୋକଙ୍କ ଜୀବନ ଯାଇଥିଲା।
