ଥମୁନି ଗଧିଆ ଆତଙ୍କ; ୟୁପି ପରେ ଏବେ ମଧ୍ୟପ୍ରଦେଶରେ ଗୋଟିଏ ପରିବାରର ୫ ଜଣଙ୍କୁ ଆକ୍ରମଣ
ଭୋପାଳ: ଥମୁନି ଗଧିଆ ଆତଙ୍କ, ୟୁପି ପରେ ଏବେ ମଧ୍ୟପ୍ରଦେଶରେ ବି ଭୟଙ୍କର ପରିସ୍ଥିତି । ମଧ୍ୟପ୍ରଦେଶରେ ସାମ୍ନାକୁ ଆସିଛି ଗଧିଆ ଆକ୍ରମଣ ମାମଲା । ଶୁକ୍ରବାର ମଧ୍ୟପ୍ରଦେଶର ଖଣ୍ଡୱା ଜିଲ୍ଲାରେ ଗଧିଆ ଆତଙ୍କ ଦେଖିବାକୁ ମିଳିଛି । ଜଣେ ବରିଷ୍ଠ ପୋଲିସ ଅଧିକାରୀକହିଛନ୍ତି ଯେ ଶୁକ୍ରବାର ଏକ ଗଧିଆ ଆକ୍ରମଣରେ ଗୋଟିଏ ପରିବାରର ୫ ଜଣ ଆହତ ହୋଇଛନ୍ତି ।
ଜିଲ୍ଲା ସଦର ମହକୁମାଠାରୁ ପ୍ରାୟ ୨୦ କିଲୋମିଟର ଦୂର ଆଦିବାସୀ ଅଧ୍ୟୁଷିତ ଖାଲୱା ତହସିଲର ମାଲଗାଓଁ ଗ୍ରାମରେ ରାତି ପ୍ରାୟ ସାଢ଼େ ୨ଟା ବେଳେ ଏହି ଘଟଣା ଘଟିଥିବା ହରସୁଦ ଉପଖଣ୍ଡ ଅଧିକାରୀ (ଏସଡିପିଓ) ସନ୍ଦୀପ ଭାସକାଲେ ଗଣମାଧ୍ୟମକୁ କହିଛନ୍ତି । ପରିବାର ଲୋକେ ଚିତ୍କାର କରିବା ପରେ ପଡ଼ୋଶୀ ଓ ଅନ୍ୟମାନେ ପହଞ୍ଚି ଗଧିଆକୁ ଘଉଡ଼ାଇ ନେଇଥିଲେ । ଏହି ଆକ୍ରମଣରେ ଜଣେ ମହିଳା ଓ ୪ ଜଣ ପୁରୁଷ ଆହତ ହୋଇଛନ୍ତି ।
ସେ ଖଣ୍ଡୱା ମେଡିକାଲ କଲେଜ ଓ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଆହତଙ୍କୁ ରେବିଜ୍ ଟିକା ଓ ଔଷଧ ଦିଆଯାଇଛି ବୋଲି ବିଭାଗୀୟ ବନ ଅଧିକାରୀ ରାକେଶ ଡାମୋର ଗଣମାଧ୍ୟମକୁ ସୂଚନା ଦେଇଛନ୍ତି । “ବନ୍ୟଜନ୍ତୁଏପର୍ଯ୍ୟନ୍ତ ଧରା ପଡ଼ିନାହିଁ । ତାଙ୍କୁ ଖୋଜିବା ପାଇଁ ଉଦ୍ୟମ ଜାରି ରହିଛି । ପୀଡ଼ିତାଙ୍କ କହିବା ଅନୁଯାୟୀ ଏହା ଏକ ପଶୁ । ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓ କ୍ଲିପ୍ ଆଧାରରେ ଏହା କେଉଁ ପଶୁ ତାହା କହିବା ଖୁବ୍ ଶୀଘ୍ର ହେବ ।”