ଖରଗୋନରେ ଭୋଟ୍ ଦେବାକୁ ଲାଇନରେ ଛିଡା ହୋଇଥିଲେ ମହିଳା: ହାର୍ଟ ଆଟାକରୁ ମୃତ୍ୟୁ
ଖରଗୋନ: ମଧ୍ୟପ୍ରଦେଶ ବିଧାନସଭା ନିର୍ବାଚନ ପାଇଁ ଶୁକ୍ରବାର ୧୭ ନଭେମ୍ବର ସକାଳରୁ ମତଦାନ ଜାରି ରହିଛି । ବହୁ ସଂଖ୍ୟାରେ ମତଦାନ କେନ୍ଦ୍ରରେ ନିର୍ବାଚନ ପ୍ରକ୍ରିୟା ଚାଲିଛି । ରାଜ୍ୟର ବିଭିନ୍ନ ଲୋକମାନେ ମତଦାନ କରୁଛନ୍ତି ।
ଭୋଟରମାନେ ଧାଡିରେ ଠିଆ ହୋଇ ଭୋଟ୍ ଦେଉଛନ୍ତି । ଏହି ସମୟରେ ଖରଗୋନ ଜିଲ୍ଲାରେ ଭୋଟ୍ ଦେବା ସମୟରେ ହଠାତ୍ ଜଣେ ଭୋଟରଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା । ପୁରା ମାମଲାରେ ରୁପଖେଡାରେ ଭୋଟ୍ ଦେବା ପାଇଁ ଧାଡିରେ ଠିଆ ହୋଇଥିବା ମହିଳାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା । ୫୩ ବର୍ଷୀୟା ଭୁର୍ଲି ବାଇଙ୍କୁ ହାର୍ଟ ଆଟାକ୍ ଆସିଥିଲା । ମହିଳାଙ୍କୁ ଡାକ୍ତରଖାନା ନିଆଯିବା ପୂର୍ବରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା ।
ଅନ୍ୟପଟେ ହରଡା ମତଦାନ କେନ୍ଦ୍ରରେ ପହଞ୍ଚିଥିବା ଭୋଟରମାନେ ଦୁର୍ଘଟଣାର ଶିକାର ହୋଇଥିଲେ । ଏହି ସମୟରେ ବିଦ୍ୟୁତ ଆଘାତ ଯୋଗୁଁ ଜଣେ ଭୋଟରଙ୍କର ମୃତ୍ୟୁ ହୋଇଥିଲା । ଅନ୍ୟ ତିନି ଭୋଟର ମଧ୍ୟ ଆହତ ହୋଇଥିଲେ ।
