ସାଧାରଣତନ୍ତ୍ର ଦିବସରେ ଲଜ୍ଜା: ମହିଳାଙ୍କୁ ଅପହରଣ ପରେ ଗଣଦୁଷ୍କର୍ମ, ଚୁଟି କାଟି-ଜୋତା ମାଳ ପିନ୍ଧାଇ ଗଳିରେ ବୁଲାଇଲେ, ଦେଖନ୍ତୁ ଭିଡିଓ
ନୂଆଦିଲ୍ଲୀ: ସାଧାରଣତନ୍ତ୍ର ଦିବସ ପରି ଏକ ପବିତ୍ର ଦିନରେ ରାଜଧାନୀ ଦିଲ୍ଲୀରେ ଜଣେ ମହିଳା ଅପହରଣ ପରେ ଗଣଦୁଷ୍କର୍ମର ଶିକାର ହୋଇଛନ୍ତି । ଗଣଦୁଷ୍କର୍ମ ପରେ ପୀଡ଼ିତାଙ୍କୁ ଅନେକ ଅତ୍ୟାଚାର କରାଯାଇଛି । ଏହି ଘଟଣା ଦିଲ୍ଲୀର ବିବେକ ବିହାର ଅଞ୍ଚଳରେ ଘଟିଛି । ପୋଲିସ୍ କହିବା କଥା ଯେ, ଏହି ଘଟଣା ମହିଳାଙ୍କ ବ୍ୟକ୍ତିଗତ ଶତ୍ରୁତାର ପରିଣାମ । ଖାଲି ସେତିକି ନୁହେଁ ଅଭିଯୁକ୍ତ ମାନେ ମହିଳାଙ୍କ ବାଳ କାଟିବା ସହିତ ବେକରେ ଜୋତା ମାଳ ପକାଇ ରାସ୍ତାରେ ଚଲାଇବାକୁ ବାଧ୍ୟ କରାଯାଇଛି ।
ସୂଚନା ଯେ, ପୀଡ଼ିତା ଜଣକ ବିବାହିତା ହୋଇଥିବା ସହିତ ତାଙ୍କର ଏକ ସନ୍ତାନ ମଧ୍ୟ ରହିଛି । ନଭେମ୍ବର ମାସରେ ପଡ଼ୋଶୀରେ ରହୁଥିବା ଜଣେ ଯୁବକ ତାଙ୍କ ପିଛା କରୁଥିଲା । ଯିଏକି ପରେ ଆତ୍ମହତ୍ୟା କରିଦେଇଥିଲା । ହେଲେ ଉକ୍ତ ଯୁବକଙ୍କ ଆତ୍ମହତ୍ୟା ପଛରେ ପୀଡ଼ିତା ମହିଳାଙ୍କୁ ଦାୟୀ କରିଥିଲେ । ଏହି ଘଟଣାର ସୂଚନା ମହିଳାଙ୍କ ସାନ ଭଉଣୀ ପୋଲିସ୍ କୁ ଦେଇଥିଲେ । ବର୍ତ୍ତମାନ ମହିଳାଙ୍କ କାଉନ୍ସିଲିଂ କରାଯାଉଛି ।
कस्तूरबा नगर में 20 साल की लड़की का अवैध शराब बेचने वालों द्वारा गैंगरेप किया गया, उसे गंजा कर, चप्पल की माला पहना पूरे इलाक़े में मुँह काला करके घुमाया। मैं दिल्ली पुलिस को नोटिस जारी कर रही हूँ। सब अपराधी आदमी औरतों को अरेस्ट किया जाए और लड़की और उसके परिवार को सुरक्षा दी जाए। pic.twitter.com/4ExXufDaO3
— Swati Maliwal (@SwatiJaiHind) January 27, 2022
ପୋଲିସ୍ କହିଛି ଯେ, ବ୍ୟକ୍ତିଗତ ଶତ୍ରୁତା କାରଣରୁ ମହିଳା ଜଣକ ଗଣଦୁଷ୍କର୍ମ ପରି ଦୁର୍ଭାଗ୍ୟପୂର୍ଣ୍ଣ ଘଟଣାର ଶିକାର ହୋଇଛନ୍ତି । ଏହି ଘଟଣାରେ ୪ଜଣଙ୍କୁ ଗିରଫ କରାଯାଇଛି ଓ ତଦନ୍ତ ଜାରୀ ରହିଛି ।
