ହଳଦିଆ ପରିସ୍ରା ହେଉଛି କି? ହୋଇପାରେ ଏହି ଭୟଙ୍କର ରୋଗ

ଓଡିଶା ଭାସ୍କର: କଣ ଆପଣଙ୍କର ହଳଦିଆ ପରିସ୍ରା ହେଉଛି କି? ହୋଇଯାଆନ୍ତୁ ସତର୍କ। ଆଜ୍ଞା ହଁ, ପରିସ୍ରାର ରଙ୍ଗ ଆପଣଙ୍କ ସ୍ୱାସ୍ଥ୍ୟ ବିଷୟରେ ହିଁ ସୂଚିତ କରିଥାଏ। କେତେବେଳେ ପରିସ୍ରାର ରଙ୍ଗ ହାଲୁକା ହଳଦିଆ ଦେଖାଯାଏ ଏବଂ କେତେବେଳେ ଅଧିକ ହଳଦିଆ ଦେଖାଯାଏ। ତେବେ ଏଥିପ୍ରତି ଧ୍ୟାନଦେବା ନିହାତି ଜରୁରୀ।

ପ୍ରକୃତରେ, ପରିସ୍ରା ଶରୀରରୁ ମଇଳା ବାହାର କରିବାର ଏକ ପ୍ରାକୃତିକ ପ୍ରକ୍ରିୟା। ଯଦି ପରିସ୍ରାର ରଙ୍ଗ ପରିବର୍ତ୍ତନ ହେଉଛି ତେବେ ଆପଣ ଏହାକୁ ଅଣଦେଖା କରିବା ଉଚିତ ନୁହେଁ। କାରଣ ଏହା କୌଣସି ରୋଗର ଲକ୍ଷଣ ହୋଇପାରେ। ତେବେ ଆସନ୍ତୁ ଜାଣିବା ହଳଦିଆ ପରିସ୍ରା ହେବାର କାରଣ ଏବଂ ପ୍ରତିକାର।

ହଳଦିଆ ପରିସ୍ରାର କାରଣ –
ପାଣିର ଅଭାବ
ବହୁତ ପ୍ରକାର ଔଷଧ ଖାଇବା ଯୋଗୁଁ
କିଛି ଖାଦ୍ୟ ସାମଗ୍ରୀ
ଜଣ୍ଡିସ୍
ହେପାଟାଇଟିସ୍
ପରିସ୍ରା ସଂକ୍ରମଣ

ପ୍ରତିକାର:

୧. ପ୍ରଚୁର ପାଣି ପିଇବା: ଯଦି ଆପଣଙ୍କର ହଳଦିଆ ପରିସ୍ରା ହେଉଛି, ତେବେ ଆପଣଙ୍କୁ ପ୍ରଚୁର ପି[ପରିମାଣରେ ପାଣି ପିଇବା ଉଚିତ।

୨. ଫଳ ଖାଇବା: ହଳଦିଆ ପରିସ୍ରା ସମସ୍ୟାରୁ ମୁକ୍ତି ପାଇବା ପାଇଁ, ତରଭୁଜ, ଜାମୁକୋଳି ଇତ୍ୟାଦି ପାଣିଯୁକ୍ତ ଫଳ ସେବନ କରନ୍ତୁ।

୩. କାକୁଡି: କାକୁଡିରେ ପ୍ରାୟ ୯୦ ପ୍ରତିଶତ ପାଣି ଥାଏ। ହଳଦିଆ ପରିସ୍ରା ଏବଂ ଜଳାପୋଡ଼ାରୁ ମୁକ୍ତି ପାଇବା ପାଇଁ ଆପଣ ଆପଣଙ୍କ ଖାଦ୍ୟରେ କାକୁଡି ଅନ୍ତର୍ଭୁକ୍ତ କରିପାରିବେ।

ଡାକ୍ତରଙ୍କ ସହ ଯୋଗାଯୋଗ: ଯଦି ଆପଣ ପରିସ୍ରା ସମୟରେ ଅଧିକ ଯନ୍ତ୍ରଣା କିମ୍ବା ଜଳାପୋଡ଼ା ଅନୁଭବ କରୁଛନ୍ତି ତେବେ ଆପଣଙ୍କୁ ଡାକ୍ତରଙ୍କ ସହ ଯୋଗାଯୋଗ କରିବା ଉଚିତ। କାରଣ ଏହା କୌଣସି ରୋଗର ଲକ୍ଷଣ ହୋଇପାରେ।