ଆପଣଙ୍କର ପିଲାମାନେ ମଧ୍ୟ ଉଚ୍ଚ ରକ୍ତଚାପର ଶିକାର ହୋଇପାରନ୍ତି, ଜାଣନ୍ତୁ ଏହାର କାରଣ, ଲକ୍ଷଣ ଓ ନିରାକରଣ
ଆପଣମାନଙ୍କ ମଧ୍ୟରୁ କିଛି ଲୋକ ରକ୍ତଚାପର ଶିକାର ହୋଇଥିବେ । ମାତ୍ର ଆପଣମାନେ କଣ ଏକଥା ଜାଣନ୍ତି କି ଛୋଟ ପିଲାମାନେ ମଧ୍ୟ ଉଚ୍ଚ ରକ୍ତଚାପର ଶିକାର ହୋଇଥାନ୍ତି । ଏପରି ଅନେକ କାରଣ ରହିଛି, ଯାହାର ପ୍ରଭାବରେ ଛୋଟ ପିଲାମାନେ ଉଚ୍ଚ ରକ୍ତଚାପର ଶିକାର ହୋଇଥାନ୍ତି ।
୧- ନିକଟରେ କରାଯାଇଥିବା ଏକ ରିସର୍ଚ୍ଚରୁ ଏହା ଜଣାପଡ଼ିଛି ଯେ, ସାଧାରଣତଃ ଭାଇଭଉଣୀ ନଥିବା ଛୋଟ ପିଲାମାନେ ଏକୁଟିଆ ରହିଥାନ୍ତି । ଫଳରେ ସେମାନେ ଅଧିକ ସ୍ୱାର୍ଥପର ହୋଇଥାନ୍ତି । ଏମାନଙ୍କର ମସ୍ତିଷ୍କ ଅନ୍ୟ ପିଲାମାନଙ୍କ ଠାରୁ ଅଲଗା ପ୍ରକାର ହୋଇଥାଏ । ଏପରି ପରିସ୍ଥିତିରେ ରହିବା ଦ୍ୱାରା ପିଲାମାନେ ଉଚ୍ଚ ରକ୍ତଚାପ ପରି ରୋଗର ଶିକାର ହୋଇଥାନ୍ତି ।
୨- କିଛି କ୍ଷେତ୍ରରେ ଦେଖାଯାଏ ଯେ, ଏକୁଟିଆ ଜୀବନଶୈଳୀ ହିଁ ଏଥିପାଇଁ ମୁଖ୍ୟ କାରଣ । ପିତାମାତା କର୍ମଜୀବୀ ହୋଇଥିବା କ୍ଷେତ୍ରରେ ଏହା ବେଶୀ ଦେଖାଯାଏ । ପିଲାଙ୍କ ମାନସିକ ସ୍ଥିତି ବିଷୟରେ କେହି ଧ୍ୟାନ ନଦେବା ଫଳରେ ସେମାନେ ଏକଜିଦିଆ ହେବା ସହ କୌଣସି କଥା କାହା ସହ ସେୟାର କରନ୍ତି ନାହିଁ ।
୩-ଏକ ସାମାଜିକ ପ୍ରାଣୀ ହିସାବରେ ମଣିଷକୁ ସାମାଜିକ କାର୍ଯ୍ୟକଳାପରେ ସକ୍ରିୟ ରହିବା ଦରକାର । କିଛି ପିଲା ପରିସ୍ଥିତିରେ ପଡ଼ି ସ୍ନେହ, ଉପଦେଶ, ଭଲପାଇବା ଆଦି ପାଇବାରୁ ବଞ୍ଚିତ ହେବା ଫଳରେ ସେମାନଙ୍କ ଠାରେ କ୍ରୁର ମାନସିକତା ସୃଷ୍ଟି ହୋଇଥାଏ ।
୪- ଆଧୁନିକ ଯୁଗର ପିଲାମାନେ ଅଧିକ କୋଲେଷ୍ଟରଲଯୁକ୍ତ ଓ ଚର୍ବିଯୁକ୍ତ ଖାଦ୍ୟ ସେବନ କରିଥାନ୍ତି । ଏହା ସେମାନଙ୍କର ସ୍ୱାସ୍ଥ୍ୟ ସମସ୍ୟା ସୃଷ୍ଟିରେ ସହାୟକ ହୁଏ । ପିଲାମାନେ ପର୍ଯ୍ୟାପ୍ତ ଭୋଜନ କରୁଥିବା ସ୍ଥଳେ କମ ଶାରୀରିକ ପରିଶ୍ରମ କରିବା ରୋଗକୁ ଆମନ୍ତ୍ରଣ କରିଥାଏ ।
୫- ଘରର ବିଭିନ୍ନ ପ୍ରକାର ସମସ୍ୟା ବିଷୟରେ ପିଲାମାନଙ୍କୁ କହିବା ଅନୁଚିତ । କୋମଳ ହୃଦୟରେ ବଡ଼ ସମସ୍ୟାକୁ ଗ୍ରହଣ କରିବା ସେମାନଙ୍କ ଅନ୍ତରାତ୍ମାକୁ କଷ୍ଟ ଦେଇଥାଏ । ଫଳରେ ସେମାନେ କମ ବୟସରେ ଡିପ୍ରେସନର ଶିକାର ହୋଇଥାନ୍ତି ।
୬- ଅନେକ ପିଲା ଶିଷ୍ଟାଚାର, ନମ୍ରତା, ସଂସ୍କାର, ସମ୍ମାନ ଆଦି ବିଷୟରେ ଶିଖି ନଥାନ୍ତି । ସେମାନଙ୍କୁ କେହି ମଧ୍ୟ ଶିଖାଇନଥାନ୍ତି । ଫଳରେ ସେମାନେ କିଶୋର ବୟସରୁ ଛୋଟ ଛୋଟ ଅପରାଧିକ କାର୍ଯ୍ୟରେ ଲିପ୍ତ ରହିଥାନ୍ତି ।
