ମାରାଥନ କାର୍ଯ୍ୟକ୍ରମରେ ଗୁଳିମାଡ଼, ଯୁବକ ଆହତ

ରାଉରକେଲା: ସକାଳୁ ସକାଳୁ ରାଉରକେଲାରୁ ଏକ ଅଘଟଣ ଖବର ସାମ୍ନାକୁ ଆସିଛି। ଏଠାରେ ଏକ ମାରାଥନ କାର୍ଯ୍ୟକ୍ରମ ଚାଲିଥିବା ବେଳେ ଗୁଳିମାଡ଼ ହୋଇଥିବା ଜଣାପଡିଛି। ସୂଚନାନୁଯାୟୀ, ସେକ୍ଟର ୩ ଥାନା ସେକ୍ଟର ୨ ଛକରେ ଯୁବକଙ୍କୁ ଗୁଳିମାଡ଼ ହୋଇଛି। ଫାୟରିଙ୍ଗ ବେଳେ ଗୁଳିଟି ଯୁବକଙ୍କ ପିଠିରେ ବାଜିଛି। ତେବେ କିଏ ଏବଂ କାହିଁକି ଏହି ଗୁଳିମାଡ଼ କରିଛି ତାହା ଆସ୍ପଷ୍ଟ ରହିଥିବା ବେଳେ ପୋଲିସ ଏହି ଘଟଣାର ତଦନ୍ତ ଚଳାଇଛି। ଗୁଳିମାଡ଼ ପରେ ଯୁବକ ଜଣକ ଟଳିପଡିଥିଲେ ଏବଂ ଗୁଳିମାଡ଼ ଶବ୍ଦରେ ସମସ୍ତେ ଭୟଭୀତ ହୋଇପଡିଥିଲେ। ଏହାପରେ ସଙ୍ଗେ ସଙ୍ଗେ ଯୁବକଙ୍କୁ ଆଇଜିଏଚରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ତଦନ୍ତ ପରେ ସମସ୍ତ ତଥ୍ୟ ଜଣାପଡିବ ବୋଲି ପୋଲିସ କହିଛି।