BUSINESSTOP STORIES

ଷ୍ଟିଲ୍ ଉତ୍ପାଦନ, ଜାପାନକୁ ପଛରେ ପକାଇ ଦ୍ୱିତୀୟ ସ୍ଥାନରେ ଭାରତ

ବ୍ରୁସେଲ୍ : ଜାପାନକୁ ପଛରେ ପକାଇ ଭାରତ ଏବେ ବିଶ୍ୱର ଦ୍ୱିତୀୟ ସର୍ବବୃହତ ଷ୍ଟିଲ୍ ଉତ୍ପାଦନକାରୀ ରାଷ୍ଟ୍ର ହୋଇଯାଇଛି । ବିଶ୍ୱ ଇସ୍ପାତ ସଂଘ (ଡବ୍ଲ୍ୟୁଏସ୍ଏ) ତରଫରୁ ଦିଆଯାଇଥିବା ସୂଚନା ଅନୁସାରେ ଚୀନ୍ ଏହି ତାଲିକାର ପ୍ରଥମ ସ୍ଥାନରେ ରହିଛି । ୨୦୧୮ ବର୍ଷରେ ଚୀନ୍ର ଷ୍ଟିଲ୍ ଉତ୍ପାଦନ ୬.୬ ପ୍ରତିଶତ ବୃଦ୍ଧି ପାଇଁ ୯୨୮.୩ ମିଲିଅନ୍ ଟନ୍ରେ ପହଞ୍ଚି ଯାଇଛି । ୨୦୧୭ରେ ଏହା ୮୭୦.୯ ମିଲିଅନ୍ ଟନ୍ ଥିଲା । ରିପୋର୍ଟ ଅନୁସାରେ ଭାରତରେ ମଧ୍ୟ ୨୦୧୮ ବର୍ଷରେ ଷ୍ଟିଲ୍ ଉତ୍ପାଦନରେ ଭାରତର ୪.୯ ପ୍ରତିଶତ ବୃଦ୍ଧି ଘଟିଛି । ଏହି ବର୍ଷରେ ଭାରତ ୧୦୬.୫ ମିଲିଅନ୍ ଟନ୍ ଷ୍ଟିଲ୍ ଉତ୍ପାଦନ କରିଛି । ୨୦୧୭ରେ ଏହା ୧୦୧.୫ ମିଲିଅନ୍ ଟନ୍ ଥିଲା । ଜାପାନର ଷ୍ଟିଲ୍ ଉତ୍ପାଦନ ୨୦୧୭ ତୁଳନାରେ ୨୦୧୮ରେ ୦.୩ ପ୍ରତିଶତ ହ୍ରାସ ପାଇଛି । ୨୦୧୮ରେ ଜାପାନ୍ ୧୦୪.୩ ମିଲିଅନ୍ ଟନ୍ ଷ୍ଟିଲ୍ ଉତ୍ପାଦନ କରିଛି । ସମଗ୍ର ବିଶ୍ୱରେ ଗତବର୍ଷ ୧,୮୦୮.୬ ମିଲିଅନ୍ ଟନ୍ ଷ୍ଟିଲ୍ ପ୍ରଡକ୍ସନ ହୋଇପାରିଛି ବୋଲି ସୂଚନା ଦିଆଯାଇଛି । ଏହା ୨୦୧୭ରେ ହୋଇଥିବା ୧,୭୨୯.୮ ମିଲିଅନ୍ ଟନ୍ଠାରୁ ୪.୬ ପ୍ରତିଶତ ଅଧିକ ବୋଲି ଜଣାପଡିଛି । ଷ୍ଟିଲ୍ ଉତ୍ପାଦନ ତାଲିକାରେ ଚୀନ୍ ସବୁଠାରୁ ଆଗରେ ଥିବା ବେଳେ ଭାରତ ଦ୍ୱିତୀୟ, ଜାପାନ ତୃତୀୟ, ଜାପାନ୍ ଚତୁର୍ଥ ଏବଂ ଆମେରିକା ପଞ୍ଚମ ସ୍ଥାନରେ ରହିଛି ।

Show More

Related Articles

Leave a Reply

Your email address will not be published. Required fields are marked *

Close