(Video) ବଦଳୁଛି ସମୟ; ମଦୁଆ ସ୍ୱାମୀ ମାରପିଟ୍ କଲେ ବୋଲି ପରସ୍ପରକୁ ବାହା ହୋଇଗଲେ ଦୁଇ ସ୍ତ୍ରୀ, ଇନଷ୍ଟାଗ୍ରାମରେ ହୋଇଥିଲା ଭେଟ
୬ ବର୍ଷର ପ୍ରେମ ହେଲା ସଫଳ । ମଦୁଆ ସ୍ୱାମୀଠାରୁ ମିଳିଲା ମୁକ୍ତି ।
ଦେବରିଆ: ମଦୁଆ ସ୍ୱାମୀଙ୍କଠାରୁ ପିଛା ଛଡ଼େଇବା ପାଇଁ ଦୁଇ ମହିଳା ନେଇଛନ୍ତି ଚରମ ନିଷ୍ପତ୍ତି । ଉତ୍ତର ପ୍ରଦେଶର ଦେବରିଆରେ କବିତା ଓ ଗୁଞ୍ଜା ନାମକ ଦୁଇ ମହିଳା କରିଛନ୍ତି ବିବାହ ।
ଗତ ଗୁରୁବାର ଦେବରିଆରେ ଥିବା ଛୋଟି କାଶୀ ମନ୍ଦିରରେ ପରସ୍ପର ସିନ୍ଦୁର ଓ ଫୁଲମାଳ ବଦଳେଇ ବାହା ହୋଇଯାଇଛନ୍ତି । ଗୁଞ୍ଜା ଓ କବିତା ପୂର୍ବରୁ ବିବାହିତା । ହେଲେ ମଦୁଆ ସ୍ୱାମୀଙ୍କ ନିର୍ଯାତନା ସହିବା କଷ୍ଟକର ହୋଇପଡ଼ିଥିବାବେଳେ ଦୁହେଁ ଏ ପ୍ରକାର ନିଷ୍ପତ୍ତି ନେଇଛନ୍ତି ।
ଗୁଞ୍ଜା ଓ କବିତାଙ୍କ ଦେଖାହେଲା ଇନଷ୍ଟାଗ୍ରାମରେ । ପରସ୍ପର ସମ୍ପର୍କରେ ୬ ବର୍ଷ ହେଲା ରହିଛନ୍ତି । ଆଉ ଏବେ ବାହା ହୋଇ ନୂଆ ଜୀବନ ଆରମ୍ଭ କରିବାକୁ ଯାଉଛନ୍ତି । ଗୁଞ୍ଜା କବିତା ମଥାରେ ସିନ୍ଦୁର ଲଗେଇଛନ୍ତି । କବିତାଙ୍କ ୪ ପିଲା । ସ୍ୱାମୀ ମଦ ପିଇ ଘରେ ମାରପିଟ୍ କରିବା ଯୋଗୁ ପିଲାଙ୍କୁ ସେ ତାଙ୍କ ବାପ ଘରେ ଛାଡ଼ି ଦେଇଛନ୍ତି ।
୬ ବର୍ଷର ସମ୍ପର୍କ ପରେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ସ୍ଥାପନ ହୋଇଥିବା ଗୁଞ୍ଜା କହିଛନ୍ତି । ଏଥିସହ ଦୁହେଁ ଏବେ ମିଶି ସଂସାର ଗଢ଼ିବେ । ସେମାନଙ୍କର ନିଜସ୍ୱ ଘର ନ ଥିବାବେଳେ ବର୍ତ୍ତମାନ ସେମନେ ଗୋରଖପୁରରେ ଭଡ଼ା ଘରେ ରହିବେ ବୋଲି ନିଷ୍ପତ୍ତି ନେଇଛନ୍ତି ।
यूपी के देवरिया में पतियों से परेशान दो महिलाओं ने आपस में की शादी।
➡ दोनों की इंस्टाग्राम पर हुई थी दोस्ती।#UttarPradesh #Deoria #ViralVideo #upnews #TheSootr pic.twitter.com/dNazYC8rnm
— TheSootr (@TheSootr) January 24, 2025
