ବିଶ୍ୱ ଅର୍ଥନୀତି ପାଇଁ ଚାଲେଞ୍ଜର ବର୍ଷ ୨୦୨୩, ରୁଷ-ୟୁକ୍ରେନ୍ ଯୁଦ୍ଧ ଯୋଗୁଁ ସାରା ବିଶ୍ୱ ପ୍ରଭାବିତ: ଓଇସିଡି
ନୂଆଦିଲ୍ଲୀ: ୨୦୨୩ ବର୍ଷ ସମଗ୍ର ବିଶ୍ୱର ଅର୍ଥନୀତି ପାଇଁ ବହୁତ ଚ୍ୟାଲେଞ୍ଜ ହେବାକୁ ଯାଉଛି । ବିଶ୍ୱ ଅର୍ଥବ୍ୟବସ୍ଥାକୁ ରୁଷ-ୟୁକ୍ରେନ ଯୁଦ୍ଧର ବଡ଼ ଧରଣର ଭାର ବହନ କରିବାକୁ ପଡିପାରେ । ଓଇସିଡି ଏହାର ରିପୋର୍ଟରେ କହିଛି ଯେ ୨୦୨୩ ମସିହାରେ ୟୁକ୍ରେନରେ ରୁଷର ଯୁଦ୍ଧର ପ୍ରଭାବ ବିଷୟରେ ପୂର୍ବାନୁମାନ କରାଯିବା ଅପେକ୍ଷା ସମଗ୍ର ବିଶ୍ୱର ଅର୍ଥନୀତି ଯେ କେତେମାତ୍ରାରେ ପ୍ରଭାବିତ ହେବ ତାହା ଚିନ୍ତା କରିବାର ସମୟ ଆସିଛି ।
ପ୍ୟାରିସ୍ ଭିତ୍ତିକ ସଂଗଠନ ଓଇସିଡି (ଅର୍ଗାନାଇଜେସନ୍ ଫର୍ ଇକୋନୋମିକ୍ କୋ- ଅପରେସନ୍ ଆଣ୍ଡ ଡେଭଲପମେଣ୍ଟ) ନାମକ ଏକ ରିପୋର୍ଟ ପ୍ରକାଶ କରିଛି, ଯେଉଁଥିରେ କୁହାଯାଇଛି ଯେ ଦରଦାମ୍ ବୃଦ୍ଧି ହେତୁ ଲୋକମାନେ ନିଜ ଜୀବନ ବିତାଇବାରେ ବଡ଼ ବୋଝର ସାମ୍ନା କରୁଛନ୍ତି । ତା’ ସାଙ୍ଗକୁ ରୁଷ-ୟୁକ୍ରେନ୍ ଯୁଦ୍ଧ ମୁଦ୍ରାସ୍ଫୀତିର ଚାପକୁ ଯୋଡିଛି । ଓଇସିଡି କହିଛି ଯେ କୋଭିଡ ମହାମାରୀ ଯୋଗୁଁ ସାରା ବିଶ୍ୱର ଅର୍ଥନୀତି ରସାତଳଗାମୀ ହୋଇଛି ।
ସେହିପରି ସୁଧ ହାର ବୃଦ୍ଧି ମଧ୍ୟ ଅଭିବୃଦ୍ଧିକୁ ପ୍ରଭାବିତ କରିଛ । କାରଣ କେନ୍ଦ୍ରୀୟ ବ୍ୟାଙ୍କଗୁଡ଼ିକ ମୁଦ୍ରାସ୍ଫୀତି ଉପରେ କଟକଣା ଲଗାଉଛନ୍ତି । ରିପୋର୍ଟରେ କୁହାଯାଇଛି ଯେ ଅନେକ ସଙ୍କେତ ଜଟିଳ ରୂପ ଧାରଣ କରୁଛି ଏବଂ ବିଶ୍ୱର ଅଭିବୃଦ୍ଧି ଦୃଷ୍ଟିକୋଣରୁ ସଙ୍କଟ ଆହୁରି ବଢ଼ିଚାଲିଛି । ରିପୋର୍ଟ ଅନୁଯାୟୀ, ଚଳିତ ବର୍ଷର ଦ୍ୱିତୀୟ ତ୍ରୈମାସରେ ସମଗ୍ର ବିଶ୍ୱର ଅର୍ଥନୀତିର ଅଭିବୃଦ୍ଧି ହାର ସ୍ଥିର ହୋଇ ରହିଛି ଏବଂ ଅନେକ ଦେଶର ଆକଳନ ସୂଚାଇ ଦେଉଛି ଯେ ଅଭିବୃଦ୍ଧିର ହ୍ରାସ ଦୀର୍ଘ ସମୟ ପର୍ଯ୍ୟନ୍ତ ଜାରି ରହିପାରେ ।
