ରିଲିଜ ହେଲା ଶାହିଦଙ୍କ ଫିଲ୍ମ ‘ଦେବା’ର ପ୍ରଥମ ପୋଷ୍ଟର: ପାଟିରେ ସିଗାରେଟ୍ ଧରି ଦେଖାଇଲେ କିଲର ଲୁକ୍
ନୂଆ ବର୍ଷର ପ୍ରଥମ ଦିନରେ ପ୍ରଶଂସକଙ୍କୁ ଝଟକା ଦେଲେ ଶାହିଦ। ଆକ୍ସନ-ଡ୍ରାମା ଫିଲ୍ମ 'ଦେବା'ର ପ୍ରଥମ ପୋଷ୍ଟରର ହେଲା ରିଲିଜ।
ମୁମ୍ୱାଇ: ଶାହିଦ କପୁର ନୂଆ ବର୍ଷର ପ୍ରଥମ ଦିନରେ ପ୍ରଶଂସକଙ୍କୁ ଚକିତ କରିଦେଇଛନ୍ତି । ଅଭିନେତା ତାଙ୍କ ଆକ୍ସନ ଡ୍ରାମା ଫିଲ୍ମ ‘ଦେବା’ର ପ୍ରଥମ ପୋଷ୍ଟର ରିଲିଜ କରିଛନ୍ତି ।
ଏହି ପୋଷ୍ଟରରେ ଶାହିଦ କପୁର ମୁହଁରେ ସିଗାରେଟ୍ ଚାପି, ଚଷମା ଏବଂ ପୁରାପୁରି ଭାବେ କିଲର୍ ଲୁକରେ ନଜର ଆସିଛନ୍ତି । ଅଭିନେତାଙ୍କ ଏହି ଲୁକ୍ ପ୍ରଶଂସକଙ୍କ ଉତ୍ସାହକୁ ଆହୁରି ବଢ଼ାଇ ଦେଇଛି। ଏହି ଫିଲ୍ମକୁ ସେମାନେ ଉତ୍ସାହର ସହ ଅପେକ୍ଷା କରିଛନ୍ତି ।
ଭାଇରାଲ ହେଲା କିଲର ଲୁକ୍: ଶାହିଦ କପୁରଙ୍କ କିଲର ଲୁକ ତାଙ୍କ ଆଗାମୀ ଫିଲ୍ମ ‘ଦେବା’ର । ଏହା ସେହି ଫିଲ୍ମ ଯେଉଁଥିରେ ଶାହିଦ କପୁର ଙ୍କୁ ଧମାକାଦାର ଆକ୍ସନରେ ଦେଖିବାକୁ ମିଳିବ ।
ଏହି ପୋଷ୍ଟର ରିଲିଜ୍ କରି ଅଭିନେତା କ୍ୟାପସନରେ ଲେଖିଛନ୍ତି- ‘ଲକ୍ ଆଣ୍ଡଲୋଡ୍ ଦେବ। ୩୧ ଜାନୁଆରୀ ୨୦୨୫ରେ ସିନେମାରେ ସମସ୍ତଙ୍କୁ ଭେଟିବେ।
View this post on Instagram
ବ୍ୟାକଗ୍ରାଉଣ୍ଡରେ ଅମିତାଭ ବଚ୍ଚନ: ଏହି ପୋଷ୍ଟରରେ ଶାହିଦ କପୁରଙ୍କ କିଲର ଲୁକ୍ ଲୋକଙ୍କ ଦୃଷ୍ଟି ଆକର୍ଷଣ କରୁଥିବା ବେଳେ ଅମିତାଭ ବଚ୍ଚନଙ୍କ ଫଟୋ ଏହି ପୋଷ୍ଟରର ବ୍ୟାକଗ୍ରାଉଣ୍ଡରେ ରହିଛି ।
ଯାହା ସେମାନଙ୍କର ୯୦ ଦଶକର ଯୁଗକୁ ଦର୍ଶାଉଛି । ଶାହିଦ ଓ ଅମିତାଭ ବଚ୍ଚନଙ୍କ ଏହି ପୋଷ୍ଟରକୁ ପ୍ରଶଂସକମାନେ ଖୁବ ପସନ୍ଦ କରୁଛନ୍ତି । ଏହି ପୋଷ୍ଟରରେ ଅଭିନେତାଙ୍କ ପ୍ରଶଂସକମାନେ ଭଲପାଇବା ରଖୁଛନ୍ତି ।
ଜଣେ ୟୁଜର ଲେଖିଛନ୍ତି- ଏହା ନିଶ୍ଚିତ ଭାବେ ଶାହିଦ କପୁରଙ୍କ ଗେମ୍ ଚେଞ୍ଜର ଫିଲ୍ମ ସାବ୍ୟସ୍ତ ହେବ।