ରାଜ୍ୟରେ ୮୦୦୦ରୁ ଅଧିକ ଯୁବପିଢ଼ି ପାଇବେ ନିଯୁକ୍ତି, କଟକରେ ହେବାକୁ ଯାଉଛି ପାୱାର ଥର୍ମାଲ ପ୍ଲାଣ୍ଟ

ଭୁବନେଶ୍ୱର: ଓଡ଼ିଶା ଥର୍ମାଲ ଏନର୍ଜି ଲିମିଟେଡ୍ (ଓଟିଇଏଲ୍) ୨୪୦୦ କୋଇଲା ପାୱାର ଥର୍ମାଲ ପ୍ଲାଣ୍ଟ କରିବାକୁ ଯାଉଛି । ଏହି ମେଗା ଥର୍ମାଲ ପାୱାର ପ୍ଲାଣ୍ଟ କଟକରେ ନିର୍ମାଣ ହେବ । ଯେଉଁଥିରେ ୧୮,୪୫୦ କୋଟି ଟଙ୍କା ନିବେଶ କରାଯିବ ।

ଏହି ପାୱାର ପ୍ରୋଜେକ୍ଟ ଜରିଆରେ ରାଜ୍ୟରେ ଶକ୍ତି ଉତ୍ପନ କ୍ଷମତା ବଢ଼ିବ ବୋଲି ଆଶା ରଖିଛନ୍ତି କର୍ତ୍ତୃପକ୍ଷ । ଉନ୍ନତ ଜ୍ଞାନକୌଶଳରେ ନିର୍ମାଣ ହେବାକୁ ଥିବା ଏହି ଥର୍ମାଲ ପ୍ଲାଣ୍ଟରୁ କମ୍ ପରିମାଣର ଅଙ୍ଗାର ଉତ୍ପନ୍ନ ହେବ । ଯାହାଦ୍ୱାରା ଜଳବାୟୁ ପ୍ରଦୂଷିତ ହେବାର ଭୟ କମିବ ବୋଲି କୁହାଯାଉଛି ।

୩ଟି ସୋପାନରେ ପ୍ଲାଣ୍ଟ କାର୍ଯ୍ୟ ଶେଷ କରାଯିବ । ପ୍ରତିଥର ୮୦୦ ମେଗା ୱାଟର ପ୍ଲାଣ୍ଟ ସ୍ଥାପନ କରାଯିବ । ପରିବେଶ ଓ ବାୟୁ ପ୍ରଦୂଷର ରୋକିବା ପାଇଁ ପ୍ଲାଣ୍ଟରେ ଆଡଭାନ୍ସ ଟେକନୋଲୋଜି ଏମିଶନ୍ ବ୍ୟବସ୍ଥା କରାଯିବ ।

ଏହି ପ୍ଲାଣ୍ଟ ଓଡ଼ିଶାର ଶକ୍ତି ସମ୍ବଲକୁ ଅଧିକ ଶକ୍ତିଶାଳୀ କରିବ । ରାଜ୍ୟ ବାହାର ବଡ଼ ବଡ଼ ବ୍ୟବସାୟୀ ଏଥିରେ ନିବେଶ କରିବା ସହ ରାଜ୍ୟର ଯୁବପିଢ଼ିଙ୍କୁ ଚାକିରି ସୁଯୋଗ ମଧ୍ୟ ମିଳିବ ।