କୁକୁଡ଼ା ଫାର୍ମରେ ଲାଗିଲା ନିଆଁ, ୨୫୦୦ ଜୀବନ୍ତ ଦଗ୍ଧ

ନୂଆଦିଲ୍ଲୀ: କୁକୁଡା ଫାର୍ମ ନିଆଁ ଲାଗିବା ଫଳରେ ସେଠାରେ ଥିବା ୨୫୦୦ରୁ ଅଧିକ କୁକୁଡା ଜଳିଯାଇଛନ୍ତି । ଶନିବାର ଦିନ ଏହି ଘଟଣା କେରଳର ଭାଜିକାଦଭୁ ଠାରେ ଘଟିଛି । ନିଆଁ ଲାଗିବା ଫଳରେ ଏକାବେଳକେ ୨୫୦୦ଟି କୁକୁଡା ପୋଡ଼ି ମରିଯାଇଛନ୍ତି । ଏହି ଘଟଣା ଶନିବାର ଦିନ ରାତି ୮ଟା ସମୟରେ ଭାଜିକାଦଭୁର ଏକ କୁକୁଡ଼ା ଫାର୍ମରେ ଘଟିଥିଲା । କୌଣସି କାରଣରୁ ନିଆଁ ଲାଗିବା ଫଳରେ କୁକୁଡାଙ୍କ ବ୍ୟତୀତ ଫାର୍ମରେ ରଖାଯାଇଥିବା ଜିନିଷ ଓ ଦାନା ସବୁ ମଧ୍ୟ ପୋଡ଼ି ପାଉଁଶ ହୋଇଯାଇଛି । ପ୍ରାଥମିକ ସୂଚନା ଅନୁସାରେ, ଫାର୍ମରେ ସର୍ଟ ସର୍କିଟ୍ ଯୋଗୁଁ ନିଆଁ ଲାଗିଯାଇଛି ।