ଭୟଙ୍କର ଗଣଦୁଷ୍କର୍ମ, 4 ଅଭିଯୁକ୍ତ ଗିରଫ

ବ୍ରହ୍ମପୁର: ଗଞ୍ଜାମ ଜିଲ୍ଲାର ଗୋଲନ୍ଥରା ଅଞ୍ଚଳରେ ଦୁଇ ନାବାଳିକା ଝିଅଙ୍କ ସହିତ ଘଟିଥିବା ଭୟଙ୍କର ଗଣଦୁଷ୍କର୍ମ ଘଟଣାରେ ଚାରି ଅଭିଯୁକ୍ତଙ୍କୁ ଗିରଫ କରାଯାଇଛି।

ପୁଲିସଙ୍କ କହିବା ଅନୁସାରେ, ଅଭିଯୁକ୍ତମାନେ ନାବାଳିକା ପୀଡିତାଙ୍କ ସହିତ ପ୍ରଥମେ ସାଙ୍ଗ ପରି ମିଶିଥିଲେ। ତା ପରେ ସେମାନଙ୍କର ବିଶ୍ୱାସ ଜିତି ଦୁଇ ଦିନ ଧରି ସେମାନଙ୍କ ସହ ଏହି ଭୟଙ୍କର କାଣ୍ଡ ଭିଆଇଥିଲେ।

ପରେ ଦୁଇଝିଅ ଯେତେବେଳେ ସାହସର ସହିତ ପରିବାର ଆଗରେ ସବୁ ସତ କଥା କହିଥିଲେ, ତା ପରେ ପୀଡିତାଙ୍କ ପରିବାର ଲୋକେ ତୁରନ୍ତ ଥାନାକୁ ଯାଇ ଏକ ଅଭିଯୋଗ ଦାଖଲ କରିଥିଲେ।

ଏହା ପରେ ପୁଲିସ ଦୁଇଟି ଅଲଗା ଅଲଗା ଦଳ ଗଠନ କରି ନିଜର ତଦନ୍ତ ଆଗକୁ ବଢ଼ାଇ ଥିଲା। ଗୁପ୍ତଚର ଓ ଟ୍ରାକିଂ ସାହାଯ୍ୟରେ ଗୋଲନ୍ଥରା ଅଞ୍ଚଳର 4 ଅଭିଯୁକ୍ତ ଯେତେବେଳେ ବିଶାଖାପାଟଣା ଆଡକୁ ପଳାଇବାକୁ ଚେଷ୍ଟା କରୁଥିଲେ ସେହି ସମୟରେ ଗିରଫ କରିଥିଲା।