ଆପ୍ ରାସ୍ତାରେ ଅଖିଳେଶ: ୩୦୦ ୟୁନିଟ ମାଗଣା ବିଜୁଳି ପ୍ରଦାନ ପାଇଁ ଘୋଷଣା
ନୂଆଦିଲ୍ଳୀ: ଉତ୍ତର ପ୍ରଦେଶ ନିର୍ବାଚନ ପୂର୍ବରୁ ଭୋଟରଙ୍କୁ ଇମ୍ପ୍ରେସ କରିବା ପାଇଁ ସବୁ ନେତା ପ୍ରୟାସ କରୁଛନ୍ତି । ଆମ ଆଦମୀ ପାର୍ଟି ପକ୍ଷରୁ ମାଗଣା ବିଜୁଳି ପ୍ରଦାନ କରାଯାଉଥିବା ବେଳେ ସମାନ ମଡେଲ ଆପଣେଇବାକୁ ଯାଉଛନ୍ତି ଅଖିଳେଶ ଯାଦବ । ଆଗାମୀ ବିଧାନସଭା ନିର୍ବାଚନରେ ସମାଜବାଦୀ ପାର୍ଟି କ୍ଷମତାକୁ ଆସିଲେ ମାଗଣା ବିଜୁଳି ପ୍ରଦାନ କରିବା ନେଇ ଅଖିଳେଶ ଘୋଷଣା କରିଛନ୍ତି ।
ଲକ୍ଷେ୍ନøରେ ଶନିବାର ଏକ ରାଲିକୁ ସମ୍ବୋଧିତ କରିବା ଅବସରରେ ଅଖିଳେଶ ଏମିତି ବୟାନ ଦେଇଛନ୍ତି । ଘରୋଇ ବ୍ୟବହାର ପାଇଁ ୩୦୦ ୟୁନିଟ ପର୍ଯ୍ୟନ୍ତ ମାଗଣା ବିଜୁଳି ପ୍ରଦାନ କରିବା ନେଇ ଅଖିଳେଶ ଘୋଷଣା କରିଛନ୍ତି । ଏହା ସହିତ ଚାଷଜମିକୁ ଜଳଯୋଗାଣ ପାଇଁ ବିଦ୍ୟୁତ ସଞ୍ଜୋଗ ସମ୍ପୂର୍ଣ୍ଣ ମାଗଣା ହେବ ବୋଲି କହିଛନ୍ତି ପୂର୍ବତନ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ । ପୂର୍ବରୁ ଗୋଆ ଏବଂ ପଞ୍ଜାବ ପାଇଁ ସମାନ ମାଗଣା ବିଜୁଳି ପ୍ରଦାନର ଘୋଷଣା କରିଥିଲେ ଆପ୍ ମୁଖିଆ ଅରବିନ୍ଦ କେଜ୍ରିୱାଲ । ଆଗାମୀ ଦିନରେ ଏହି ଦୁଇ ରାଜ୍ୟରେ ନିର୍ବାଚନ ଅନୁଷ୍ଠିତ ହେବ । ଏହା ସହିତ ଏହି ଦୁଇ ରାଜ୍ୟରେ ମହିଳାଙ୍କ ପାଇଁ ମାସିକ ଭତ୍ତା ପ୍ରଦାନ କରିବାକୁ ସରକାର ଘୋଷଣା କରିଛନ୍ତି ।
"घरेलू बिजली उपभोक्ताओं को 300 यूनिट बिजली समाजवादी सरकार में मुफ्त होगी।
किसानों को सिंचाई के लिए बिजली मुफ्त मिलेगी।"
नववर्ष 2022 में समाजवादी सरकार बनने पर माननीय राष्ट्रीय अध्यक्ष श्री अखिलेश यादव जी का संकल्प- pic.twitter.com/5IrRfVgBWo
— Samajwadi Party (@samajwadiparty) January 1, 2022
