ରାଜଧାନୀରେ ଓମିକ୍ରନର ଗୋଷ୍ଠୀ ସଂକ୍ରମଣ ଆରମ୍ଭ
ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ କରୋନାର ନୁତନ ଭାରିଆଣ୍ଟ୍ ଓମିକ୍ରନର ଗୋଷ୍ଠୀ ସଂକ୍ରମଣ ଆରମ୍ଭ ହୋଇଥିବା ନେଇ ସୂଚନା ମିଳିଛି । ଗୋଷ୍ଠୀ ସଂକ୍ରମଣ ନେଇ କ୍ଲିନିକାଲ୍ ପ୍ରମାଣ ମିଳିଛି । ଦିଲ୍ଲୀ ଆଇଏଲବିଏସ୍ କ୍ଲିନିକାଲ୍ ଭାଇରୋଲୋଜି ବିଭାଗ ପକ୍ଷରୁ ଏ ସମ୍ପର୍କରେ ସୂଚନା ଦିଆଯାଇଛି । ସୂଚନା ଯେ, ଦିଲ୍ଲୀରେ ସଂକ୍ରମଣ ବର୍ତ୍ତମାନ ପିକ୍ କୁ ଅତିକ୍ରମ କରିଛି । ଏନେଇ କେନ୍ଦ୍ର ମନ୍ତ୍ରୀ ସତ୍ୟେନ୍ଦ୍ର ଜୈନ୍ ସୂଚନା ଦେଇଛନ୍ତି ।
ସୂଚନାଯୋଗ୍ୟ, ଦେଶରେ ପୁଣିଥରେ କୋଭିଡ୍ ସଂକ୍ରମଣ ବଢ଼ିବାରେ ଲାଗିଛି । ଗୋଟିଏ ଦିନରେ ୨ ଲକ୍ଷ ୬୮ ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି । ସେହିପରି ୨୪ ଘଣ୍ଟାରେ ୪୦୨ ଜଣଙ୍କ ମୃତ୍ୟୁ ହୋଇଛି । ଅନ୍ୟପଟେ ଓମିକ୍ରମ ମାମଲା ୬ହଜାର ପାର୍ କରିଛି । ମୋଟ ମାମଲା ବର୍ତ୍ତମାନ ୬ହଜାର ୪୧ ରହିଛି ।
