ୟୁକ୍ରେନ ଉପରେ ହମଲା ଜାରି, ଘର ଉପରେ ପଡ଼ିଲା ୫୦୦ କିଲୋର ବିଶାଳକାୟ ବମ୍; ଦେଖନ୍ତୁ ଫଟୋ
କିଭ୍: ୟୁକ୍ରେନର ରାଜଧାନୀ କିଭ୍ ଉପରେ ଲଗାତର ଭାବରେ ଆକ୍ରମଣ ଜାରି ରହିଛି । ରୁଷ ସେନା କିଭ୍ କୁ ଚାରି ପଟରୁ ଘେରି ହୋଇ ରହିଛନ୍ତି ଓ ବୋମାମାଡ଼-ମିସାଇଲ୍-ରକେଡ୍ ମାଡ଼ ଜାରି ରଖିଛନ୍ତି । ଏହା ଭିତରେ ୟୁକ୍ରେନର ବିଭିନ୍ନ ସହର ଧ୍ୱଂସ ହେବାରେ ଲାଗିଛି । ଏପରି ସ୍ଥଳେ ୟୁକ୍ରେନର ବୈଦେଶିକ ମନ୍ତ୍ରୀ ଦିମିତ୍ରୀ କଲେୱା ଦୁଃଖ ପ୍ରକାଶ କରିଛନ୍ତି । ସେ ଏକ ବିଶାଳକାୟ ବମ୍ ର ଫଟୋ ସେୟାର୍ କରିଛନ୍ତି ଓ କହିଛନ୍ତି ଯେ, ଏହିଭଳି ବମ୍ ତାଙ୍କ ଦେଶର ଲୋକମାନଙ୍କର ଜୀବନ ନେଉଛି । ଏହା ସହିତ ୟୁକ୍ରେନକୁ ଲଢ଼ୁଆ ବିମାନ ଦେବାକୁ ବି ଅପିଲ୍ କରିଛନ୍ତି ।
This horrific 500-kg Russian bomb fell on a residential building in Chernihiv and didn’t explode. Many other did, killing innocent men, women and children. Help us protect our people from Russian barbarians! Help us close the sky. Provide us with combat aircraft. Do something! pic.twitter.com/3Re0jlaKEL
— Dmytro Kuleba (@DmytroKuleba) March 6, 2022
କଲେୱା ନିଜର ଟୁଇଟର୍ ହ୍ୟାଣ୍ଡେଲରେ କହିଛନ୍ତି ଯେ, “ଏହି ଭୀଷଣ ୫୦୦ କିଲୋର ରୁଷୀ ବମ୍ ଚେରନୀହିବ୍ ରେ ଏକ ଘର ଉପରେ ପଡ଼ିଛି । ହେଲେ ଏହା ଫାଟି ନାହିଁ । ଅନେକ ବମ୍ ଫାଟି ସାରିଛି ଯାହା ନିର୍ଦ୍ଦୋଷ ପୁରୁଷ, ମହିଳା ଓ ଛୋଟ ପିଲାମାନଙ୍କ ଜୀବନ ନେଉଛି । ଆମକୁ ଓ ଆମ ଲୋକମାନଙ୍କୁ ରୁଷୀ ବର୍ବ ରତାରୁ ବଞ୍ଚାଇବାରେ ସାହାଯ୍ୟ କରନ୍ତୁ । ଆମର ବିମାନ ବନ୍ଦରରକୁ ବନ୍ଦ କରିବାରେ ଆମକୁ ସାହାଯ୍ୟ କରନ୍ତୁ । ଲଢ଼ୁଆ ବିମାନ ଦିଅନ୍ତୁ । କିଛି ବି କରନ୍ତୁ!” ।
