ପାଣି ଭର୍ତ୍ତି ବେଲୁନ୍ ମାଡ଼ରେ ଓଲଟିପଡ଼ିଲା ଅଟୋ: ସୋସିଆଲ ମିଡିଆରେ ଭିଡିଓ ଭାଇରାଲ
ବାଗପତ: ଉତ୍ତରପ୍ରଦେଶର ବାଗପତରୁ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି । ସେଠାରେ ପାଣି ଭର୍ତ୍ତି ବେଲୁନ୍ ମାଡ଼ରେ ଏକ ଚଳନ୍ତା ଅଟୋ ଓଲଟି ପଡ଼ିଛି, ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଅଟୋରେ ବି ଅନେକ ଯାତ୍ରୀ ବସିଥିବା ଦେଖିବାକୁ ମିଳିଛି ।
ସୂଚନା ଅନୁସାରେ, ଏହି ଘଟଣା ବାଗପତର ଦିଲ୍ଲୀ-ସାହାରନପୁର ହାଇୱେରେ ଘଟିଛି । ହୋଲି ଖେଳିବାବେଳେ ଯୁବକମାନେ ହାଇ ସ୍ପିଡ୍ ଅଟୋ ଉପରେ ପାଣି ଭର୍ତ୍ତି ବେଲୁନ୍ ଫିଙ୍ଗିଥିଲେ, ଯେଉଁ କାରଣରୁ ଅଟୋ ରାଜପଥରେ ଓଲଟି ପଡିଥିଲା ।
କୁହାଯାଉଛି ଯେ ଅଟୋରେ ଥିବା ଲୋକମାନେ ଆହତ ହୋଇଛନ୍ତି । ସୌଭାଗ୍ୟବଶତଃ ସେହି ସମୟରେ ପଛରୁ କୌଣସି ଗାଡ଼ି ଆସୁନଥିଲା, ନଚେତ୍ ଏହା ଏକ ବଡ଼ ଦର୍ଘଟଣା ହୋଇଥାନ୍ତା । ଭିଡିଓରେ ଦେଖିବାକୁ ମିଳୁଛି କି, ପାଣି ଭର୍ତ୍ତି ବେଲୁନ୍ ମାରିବା ପରେ ଅଟୋ ଡ୍ରାଇଭର ନିୟନ୍ତ୍ରଣ ହରାଇଥିଲେ ଓ ଅଟୋଟି ଓଲଟି ପଡିଲା । ଅଜିତ ନାମକ ଜଣେ ଯୁବକ ଏହାର ଭିଡିଓ ସୋସିଆଲ ମିଡିଆରେ ପୋଷ୍ଟ କରିଥିଲେ, ଯାହାକି ଚାହୁଁ ଚାହୁଁ ଭାଇରାଲ ହୋଇଥିଲା ।
कृपया ये काम न करें, होली खेले लेकिन इस तरह नही
बागपत -होली के दिन गुब्बारा मारने से पलटा तेज रफ्तार ऑटो, पानी का गुब्बारा मारने और ऑटो पलटने का वीडियो वायरल,नेशनल हाइवे 709बी पर आते जाते वाहनो को गुब्बारा मारकर होली खेल रहे थे युवक -कोतवाली बागपत के काठा गांव का वीडियो हुआ वायरल pic.twitter.com/0C59n8FM3r— Dinesh Tripathi (@DineshT00951639) March 19, 2022
