(Video) ଟଙ୍କାଏ ଲେଖାଏଁ ସଞ୍ଚି କିଣିଲେ ୨ ଲକ୍ଷର ଡ୍ରିମ୍ ବାଇକ୍: ଗଣିବାକୁ ନୟାନ୍ତ ହେଲେ ଶୋ ରୁମ୍ କର୍ମଚାରୀ

ସାଧାରଣରେ ନିଜ ସ୍ୱପ୍ନକୁ ପୂରା କରିବା ପାଇଁ ମଣିଷ କ’ଣ ନକରିପାରେ । ଆହୁରି ପୁଣି ଏମିତି କିଛି ବ୍ୟକ୍ତି ଅଛନ୍ତି, ଯେଉଁମାନେ ଏମିତି କାର୍ଯ୍ୟସବୁ କରିଯାଆନ୍ତି ଯାହା କି କେହି କେବେ ଚିନ୍ତା ବି କରିନଥିବେ । ଏଭଳି ଜଣେ ବ୍ୟକ୍ତିଙ୍କୁ ନେଇ ଏବେ ଚର୍ଚ୍ଚା ହେଉଛି । ପ୍ରକୃତରେ ଏହି ବ୍ୟକ୍ତି ଜଣକ ନିଜ ସ୍ୱପ୍ନ ପୂରଣ କରିବା ପାଇଁ ଟଙ୍କିକିଆ କଏନ ଜମାକରିଥିଲେ । ଆଉ ଏହାକୁ ନେଇ ପହଞ୍ଚିଥିଲେ ଶୋରୁମରେ । ଆଉ ଏହି ଟଙ୍କାରେ ନିଜ ସ୍ୱପ୍ନର ବାଇକକୁ କିଣିଛନ୍ତି ଯୁବକ ।

ଶୁଣିଲେ ଆଶ୍ଚର୍ଯ୍ୟ  ହେବେ ଏହି ଯୁବକ ଜଣଙ୍କ ଟଙ୍କାଏ ଟଙ୍କାଏ ଜମା କରି  ୨.୬ ଲକ୍ଷ ଟଙ୍କା ଦେଇ ନିଜର ଏହି ସ୍ୱପ୍ନର ବାଇକ କିଣିଛନ୍ତି ।  ଆହୁରି ତାଙ୍କୁ ବାଇକ ମୂଲ୍ୟର ଅର୍ଥରାଶିକୁ ଯୋଗାଡ କରିବା ପାଇଁ ହଜାରେ ୯୫ ଦିନ ସମୟ ଲାଗିଲା । ଟଙ୍କାଏ ଟଙ୍କାଏ ଯୋଡିବାକୁ ତାଙ୍କୁ ପୂରା ହଜାରେ ୯୫ ଲାଗିଥିଲା ।

ତାମିଲନାଡୁରେ ଏଭଳି କିଛି ଘଟଣା ସାମ୍ନାକୁ ଆସିଛି, ୨୯ ବର୍ଷୀୟ ଏହି ଯୁବକ ହେଉଛନ୍ତି ସାଲେମରେ ରହୁଥିବା ଭି. ଭୁପତି । ନିଜର ସଂଗ୍ରହ କରିଥିବା ଟଙ୍କାଏ ଟଙ୍କାଏ ମୁଦ୍ରାର ୨ଲକ୍ଷ ୬୦ ହଜାର ଟଙ୍କା ଧରି ପହଂଚିଯାଇଥିଲେ  ସୋରୁମକୁ । ଆଉ ପ୍ରିୟ ବାଇକ କିଣିବାକୁ ଯାଇ  ସୋ ରୁମର ସମସ୍ତ କର୍ମଚାରୀଙ୍କୁ ପୁଣି ନୟାନ୍ତ କରିଦେଲେ । କାରଣ ଏହି କଏନକୁ ଗଣିବା ପାଇଁ ଲାଗିଥିଲା ୧୦ ଘଣ୍ଟା ସମୟ । ତେବେ ପ୍ରଥମେ ଶୋ’ରୁମ ମ୍ୟାନେଜର ଏହି ମୁଦ୍ରା ନେବାକୁ ମନା କରିବାକୁ ଚାହୁଁଥିଲେ କିନ୍ତୁ ସେ ଭୂପତିଙ୍କୁ ନିରାଶ କରିବାକୁ ଚାହୁଁ ନ ଥିଲେ । ତେଣୁ ସେ ମୁଦ୍ରା ନେବାକୁ ରାଜି ହୋଇଥିଲେ । ଦେଖନ୍ତୁ ଭିଡିଓ…