ମାଟ୍ରିକ ପରୀକ୍ଷାରେ ପୁଣି ପରିବର୍ତ୍ତନ: ଜାଣନ୍ତୁ ବଦଳିଲା କେଉଁ ସବୁ ନିୟମ

ଭୁବନେଶ୍ୱର: ଚଳିତ ବର୍ଷର ମାଟ୍ରିକ ପରୀକ୍ଷାକୁ ନେଇ ଆସିଛି ଏକ ବଡ ଖବର । ଦଶମ ଛାତ୍ରଛାତ୍ରୀଙ୍କ ପରୀକ୍ଷାରେ ହୋଇଛି ସାମାନ୍ୟ ପରିବର୍ତ୍ତନ । ରାଜ୍ୟରେ ଚାଲୁଥିବା ଅସହ୍ୟ ଗରମ ଏବଂ ଉଚ୍ଚ ତାପମାତ୍ରାକୁ ଦେଖି ପରୀକ୍ଷା ପ୍ରେଗ୍ରାମରେ ପରିବର୍ତ୍ତନ ଆଣିଛନ୍ତି ସରକାର । ମଧ୍ୟମାର କିଛି ପରୀକ୍ଷାକୁ ପ୍ରଥମ ସିଟିଂରେ କରାଇବାକୁ ନିଷ୍ପତ୍ତି ନିଆଯାଇଛି । । ଏ ନେଇ ପ୍ରେସମିଟରେ ବୋର୍ଡ କର୍ତ୍ତୃପକ୍ଷ ସୂଚନା ଦେଇଛନ୍ତି ।

ଦ୍ୱିତୀୟ ସିଟିଂରେ ଥିବା ସମସ୍ତ ପରୀକ୍ଷା ପ୍ରଥମ ସିଟିଂରେ କରାଯିବ ବୋଲି କୁହାଯାଇଛି । ତେବେ ହାଇସ୍କୁଲର ପରୀକ୍ଷା ସିଡ୍ୟୁଲରେ କୌଣସି ପରିବର୍ତ୍ତନ ହୋଇନାହିଁ । ଏହାବ୍ୟତୀତ ପରୀକ୍ଷା ସେଣ୍ଟର ଗୁଡିକରେ ପାଣି, ଓଆରଏସ ଇତ୍ୟାଦି ରଖିବା ପାଇଁ ନିର୍ଦ୍ଦେଶ ଦିଆଯାଇଛି । ପରୀକ୍ଷା କେନ୍ଦ୍ରକୁ ମୋବାଇଲ ଫୋନ ନେଇ ଯିବାକୁ ସମ୍ପୂର୍ଣ୍ଣ ରୂପେ ମନା କରାଯାଇଛି ।