ଥୋମାସ କପ ବିଜେତା ଭାରତୀୟ ଦଳକୁ ସମ୍ବର୍ଦ୍ଧିତ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର: ନିକଟରେ ଥୋମାସ କପ ଉପରେ ବିଜୟ ହାସଲ କରିଛି ଭାରତୀୟ ଦଳ । ତେଣୁ ଏହି ବିଜେତା ଦଳକୁ ସମ୍ବର୍ଦ୍ଧନା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଚମ୍ପିଆନ ଟିମର ସମସ୍ତ ସଦସ୍ୟଙ୍କୁ ଲୋକସେବା ଭବନରେ ସେ ସମ୍ବର୍ଦ୍ଧିତ କରିଛନ୍ତି ।

ଏକ ସ୍ୱତନ୍ତ୍ର ଉତ୍ସବ ଜରିଆରେ ଥୋମାସ କପ ବିଜୟୀ ଭାରତୀୟ ଦଳର ସମସ୍ତ ସଦସ୍ୟଙ୍କୁ ମୁଖ୍ୟମନ୍ତ୍ରୀ ସମ୍ମାନିତ କରିଛନ୍ତି । ପ୍ରତ୍ୟେକ ଖେଳାଳିଙ୍କୁ ସାଲ ଏବଂ ମୋମେଣ୍ଟୋ ସହିତ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି । କୋଚ ପୁଲେଲା ଗୋପୀଚାନ୍ଦଙ୍କ ସମେତ ସମସ୍ତ ଖେଲାଳି ଏହି ଉତ୍ସବରେ ସମ୍ମାନିତ ହୋଇଛନ୍ତି । ଏହି ଅବସରରେ ସମସ୍ତ ଖେଳାଳିଙ୍କ ଅଟୋଗ୍ରାଫ ଥିବା ଏକ ଜର୍ସି ମୁଖ୍ୟମନ୍ତ୍ରୀଙ୍କୁ ଉପହାର ଦେଇଛି ଟିମ ଇଣ୍ଡିଆ ।