(Video) କର୍ମଚାରୀଙ୍କୁ ବଡ଼ ଉପହାର! ମହଙ୍ଗା ଭତ୍ତାକୁ ୩% ବଢ଼ାଇଲେ ସରକାର, ଜାଣନ୍ତୁ କେତେ ବଢ଼ିବ ଦରମା?

ନୂଆଦିଲ୍ଲୀ: ଦରଦାମ୍ ବୃଦ୍ଧିକୁ ନେଇ ଚିନ୍ତା ବଢ଼ିଯାଇଥିବା ବେଳେ କର୍ମଚାରୀଙ୍କ ପାଇଁ ଆସିଛି ଖୁସିଖବର । ଶ୍ରାବଣ ମାସର ତୃତୀୟ ସୋମବାରରେ ସମସ୍ତ କର୍ମଚାରୀଙ୍କୁ ବଡ଼ ଉପହାର ଦେଇଛନ୍ତି ମଧ୍ୟପ୍ରଦେଶ ସରକାର । ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନ ରାଜ୍ୟ କର୍ମଚାରୀଙ୍କ ମହଙ୍ଗା ଭତ୍ତା (ଡିଏ) କୁ ତିନି ପ୍ରତିଶତ ବୃଦ୍ଧି କରିଛନ୍ତି । ଏହି ବର୍ଦ୍ଧିତ ମହଙ୍ଗା ଭତ୍ତା ଅଗଷ୍ଟ ମାସର ଦରମା ସହ ସେପ୍ଟେମ୍ବରରେ ମିଳିବ ।

ମୁଖ୍ୟମନ୍ତ୍ରୀ ଚୌହ୍ୱାନ ଆଜି ମହଙ୍ଗା ଭତ୍ତାକୁ ଘୋଷଣା କରି କହିଛନ୍ତି ଯେ, ‘ଆଜି ଶ୍ରାବଣ ମାସର ତୃତୀୟ ସୋମବାର, ମୁଁ ଭଗବାନ ଭୋଲେନାଥଙ୍କୁ ଦେଖା କରିବାକୁ ଯାଉଛି । ମହାକାଳ ମହାରାଜଙ୍କ ନିକଟରେ ଏହା ଏକ ପ୍ରାର୍ଥନା ଯେ ସୁଖ-ସମୃଦ୍ଧତା, ରିଦ୍ଧି-ସିଦ୍ଧି ସମସ୍ତ ମଧ୍ୟପ୍ରଦେଶ ଲୋକଙ୍କର ହେଉ । ଆମ ଦେଶ ଏବଂ ରାଜ୍ୟ ପ୍ରଗତି ପଥରେ ଆଗକୁ ବଢ଼ୁ ।’

ଏହା ସହ ସେ କହିଛନ୍ତି, ‘ଏବେ ମଧ୍ୟପ୍ରଦେଶରେ ଆମ ସରକାରୀ କର୍ମଚାରୀମାନଙ୍କୁ ୩୧ ପ୍ରତିଶତ ପ୍ରିୟତା ଭତ୍ତା ମିଳୁଛି । ଗତ ଥର ଆମେ ୧୧ ପ୍ରତିଶତ ବୃଦ୍ଧି କରିଥିଲୁ । କିନ୍ତୁ ଆଜି ଆମେ ନିଷ୍ପତ୍ତି ନେଉଛୁ ଯେ ମଧ୍ୟପ୍ରଦେଶର ସରକାରୀ କର୍ମଚାରୀମାନଙ୍କୁ ଆମେ ୩୪ ପ୍ରତିଶତ ମହଙ୍ଗା ଭତ୍ତା ଦେବୁ । କେନ୍ଦ୍ର ସରକାରୀ କର୍ମଚାରୀମାନେ ୩୪ ପ୍ରତିଶତ ମହଙ୍ଗା ଭତ୍ତା ପାଆନ୍ତି । ସେପ୍ଟେମ୍ବରରେ ଦିଆଯାଉଥିବା ଅଗଷ୍ଟ ମାସର ବେତନରୁ ଏହି ନିଷ୍ପତ୍ତି ନିଆଯିବ । ଆମେ ବର୍ତ୍ତମାନ ମଧ୍ୟ ଏହାକୁ ଲାଗୁ କରୁଛୁ ।’