ଓଡ଼ିଶା ସରକାର ବାହାର କଲେ ବମ୍ପର ନିଯୁକ୍ତି: ଆଜିଠୁ ଆରମ୍ଭ ଆବେଦନ, ଦରମା ୨୫,୩୦୦
ଭୁବନଶ୍ୱେର: ସରକାରୀ ଚାକିରି ଆଶାୟୀଙ୍କ ପାଇଁ ବଡ଼ ଖବର। ଓଡ଼ିଶା ସରକାର ବ୍ଲକ ସାମାଜିକ ସୁରକ୍ଷା ଅଧିକାରୀ ପଦବୀରେ ୯୪ ଟି ପଦବୀ ପୂରଣ ପାଇଁ ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ କରିଥିଲେ। ଓଡିଶା କର୍ମଚାରୀ ଚୟନ ଆୟୋଗ(ଓଏସ୍ଏସ୍ସି) ୱେବସାଇଟ୍ https://www.ossc.gov.in/ରେ ଏବେ ଏହି ପଦବୀ ଗୁଡ଼ିକ ପାଇଁ ଅନଲାଇନରେ ଆବେଦନ ପ୍ରକ୍ରିୟା ଆରମ୍ଭ ହୋଇଛି।
ନିଯୁକ୍ତି ବୀବରଣୀ: ବ୍ଲକ ସାମାଜିକ ସୁରକ୍ଷା ଅଧିକାରୀ ପଦବୀରେ ୯୪ ଟି ପଦବୀ ପୂରଣ ପାଇଁ ନିଯୁକ୍ତି ପ୍ରକ୍ରିୟା ଆରମ୍ଭ ହୋଇଛି।
- ଅଣସଂରକ୍ଷିତ ବର୍ଗ ପାଇଁ ୪୯(୧୬ମହିଳା) ଟି ପୋଷ୍ଟ।
- ଏସ୍ଟି ବର୍ଗ ପାଇଁ ୧୮(୬ମହିଳା) ପୋଷ୍ଟ।
- ଏସ୍ସି ବର୍ଗ ପାଇଁ ୧୧(୫ମହିଳା) ଟି ପୋଷ୍ଟ।
- ଏସ୍ଇବିସି ବର୍ଗ ପାଇଁ ୧୧(୪ମହିଳା)ଟି ପୋଷ୍ଟ।
ଆବଶ୍ୟକତା ଶିକ୍ଷାଗତ ଯୋଗ୍ୟତା: ସ୍ନାତକ।
ବୟସ ସୀମା: ୧ ଜାନୁଆରୀ ୨୦୨୨ ସୁଦ୍ଧା ସର୍ବନିମ୍ନ ୨୧ ବର୍ଷ ଏବଂ ସର୍ବାଧିକ ୩୮ ବର୍ଷ । (ଏସ୍ଟି, ଏସ୍ସି, ଏସ୍ସିବିସିଙ୍କ ପାଇଁ ୫ ବର୍ଷ ରିହାତି)।
ଆବେଦନ ଶୁଳ୍କ ଏବଂ ଦରମା: ଆବେଦନ ପାଇଁ ସମସ୍ତ ବର୍ଗଙ୍କୁ କୌଣସି ଟଙ୍କା ଚାଲାଣ ରୁପେ ଦେବାକୁ ପଡିବ ନାହିଁ । ଏହି ଚାକିରି ପାଇଁ ସରକାର ୨୫ ହଜାର ୩୦୦ ଟଙ୍କା ଦରମା ପ୍ରଦାନ କରିବେ।
ପ୍ରାର୍ଥୀମାନଙ୍କୁ କିପରି ଚୟନ କରାଯିବ?
ପ୍ରଥମେ ପ୍ରଲିମିନାରୀ ପରୀକ୍ଷା। ମେନ୍ ପରୀକ୍ଷା ଦୁଇଟି ପର୍ଯ୍ୟାୟରେ ପରୀକ୍ଷା କରାଯାଇ ଯୋଗ୍ୟ ପ୍ରାର୍ଥୀଙ୍କ ଚୟନ କରାଯିବ।
