CWG-2022 ଭାରତୀୟ ଖେଳାଳିଙ୍କ ଦବଦବା: ଟେବୁଲ ଟେନିସ ଏବଂ ବ୍ୟାଡମିଣ୍ଟନରେ ଗୋଲ୍ଡ ମେଡାଲ
ବର୍ମିଂହାମ: କମନୱେଲଥ ଗେମ୍ସରେ ଆଉ ଏକ ସ୍ୱର୍ଣ୍ଣ ପଦକ ଉପରେ କବଜା କଲା ଭାରତ । ଟେବୁଲ ଟେନିସ ସିଙ୍ଗଲ୍ସରେ ଭାରତ ପାଇଁ ସ୍ୱର୍ଣ୍ଣ ପଦକ ହାସଲ କରିଛନ୍ତି ଭାରତର ସୁନାପୁଅ ଶରତ କମଲ । ସେପଟେ ଭାରତୀୟ ପୁରୁଷ ଡବଲ୍ସ ବ୍ୟାଡମିଣ୍ଟନରେ ମଧ୍ୟ ଦମଦାର ପ୍ରଦର୍ଶନ କରି ସ୍ୱର୍ଣ୍ଣ ହାସଲ କରିଛନ୍ତି ସାତ୍ୱିକ ସାଇରାଜ ରଙ୍କିରେଡ୍ଡୀ ଏବଂ ଚିରାଗ ଶେଟ୍ଟୀ । ଇଂଲଣ୍ଡର ଖେଳାଳିଙ୍କ ମାତ ଦେଇ ଏହି ସ୍ୱର୍ଣ୍ଣ ଭାରତକୁ ଉପହାର ଦେଇଛନ୍ତି ଭାରତୀୟ ଆଥଲେଟ୍ ।
ବର୍ମିଂହାମରେ ଚାଲିଥିବା କମନୱେଲଥ ଗେମ୍ସରେ ଭାରତୀୟ ଖେଳାଳିମାନଙ୍କ ଦବଦବା ଜାରି ରହିଛି । ଏହାରି ମଧ୍ୟରେ ୨୨ ତମ ଗୋଲ୍ଡ ଜିତି ସାରିଛି ଭାରତ । ଟେବୁଲ ଟେନିସରେ ଭାରତର ସୁନାପୁଅ ଅଚନ୍ତା ଶରତ କମଲ ସ୍ୱର୍ଣ୍ଣ ପଦକ କବଜା କରିଥିବା ବେଳେ ବ୍ୟାଡମିଣ୍ଟନରେ ସ୍ୱର୍ଣ୍ଣ ପଦକ ହାତେଇଛନ୍ତି ସାତ୍ୱିକ ସାଇରାଜ ଏବଂ ଚିରାଗ ଶେଟ୍ଟୀ । ତାଙ୍କ ପୂର୍ବରୁ ଭାରତର ଷ୍ଟାର ଆଥଲେଟ ପିଭି ସିନ୍ଧୁ ମଧ୍ୟ ବ୍ୟାଡମିଣ୍ଟନ ସିଙ୍ଗଲ୍ସରେ ଭାରତକୁ ସ୍ୱର୍ଣ୍ଣ ପଦକ ଭେଟି ଦେଇଛନ୍ତି ।
🥇KAMAL KA KAMAAL🔥@sharathkamal1 🏓wins against Liam (ENG) (4-1) (11-13, 11-7, 11-2, 11-6, 11-8) in the #TableTennis Men's Singles event at the #CommonwealthGames2022
With this win, Sharath Kamal has bagged an overall 7🥇 medals at the CWG in different categories🤩 pic.twitter.com/OC3vBo47iS
— SAI Media (@Media_SAI) August 8, 2022
ପୁରୁଷ ଟେବୁଲ ଟେନିସ ପ୍ରତିଯୋଗିତାର ଫାଇନାଲରେ କମାଲ କରିଛନ୍ତି ଭାରତର ଭେଟେରାନ ଖେଳାଳି ଅଚନ୍ତା ଶରତ କମଲ । ଇଂଲଣ୍ଡର ଲିୟାମ ପିଚଫୋର୍ଡଙ୍କୁ ୪-୧ରେ ପରାସ୍ତ କରି ଏହି ପଦକକୁ ନିଜ ନାମରେ କରିଛନ୍ତି ଶରତ । ପ୍ରଥମ ଗେମ୍ ହାରିବା ପରେ ଜବରଦସ୍ତ କମବ୍ୟାକ କରିଛନ୍ତି ଏହି ଭେଟେରାନ ଆଥଲେଟ୍ । ପିଚଫୋର୍ଡଭଙ୍କୁ ୧୧-୧୩, ୧୧-୭, ୧୧-୨, ୧୧-୬ ଏବଂ ୧୧-୮ରେ ମାତ ଦେଇଛନ୍ତି ଶରତ କମଲ । ଏହାସହିତ ନିଜ ନାମରେ ଏବଂ ଭାରତ ଖାତାରେ ସେ ୨୨ତମ ସ୍ୱର୍ଣ୍ଣ ପଦକ ଯୋଡିଛନ୍ତି ।
𝑯𝑰𝑺𝑻𝑶𝑹𝑰𝑪 𝑾𝑰𝑵@satwiksairaj/@Shettychirag04 becomes the 1️⃣st 🇮🇳 MD pair to win a 🥇 MEDAL at #commonwealthgames after defeating 🏴 in the Finals. 💪👏@himantabiswa | @sanjay091968
Incredible! 💪🔥#IndiaPhirKaregaSmash#CWG2022 #Badminton#CommonwealthGames2022 pic.twitter.com/59PydQzCH9
— BAI Media (@BAI_Media) August 8, 2022
ସେପଟେ ସାତ୍ୱିକ ସାଇରାଜ ରଙ୍ଗରେଡ୍ଡୀ ଏବଂ ଚିରାଗ ଶେଟ୍ଟୀ ମଧ୍ୟ ଭାରତର ଆଉ ଦୁଇ ସୁନାପୁଅ ପାଲଟିଯାଇଛନ୍ତି । ପୁରୁଷ ଡବଲ୍ସ ବ୍ୟାଡମିଣ୍ଟନ ପ୍ରତିଯୋଗିତାରେ ଇଂଲଣ୍ଡ ବିପକ୍ଷ ଫାଇନାଲକୁ ୨୧-୧୫ ଏବଂ ୨୧-୧୩ରେ ବିଜୟ ହାସଲକ ରିଛି ଭାରତ । ଇଂଲଣ୍ଡର ବେନ ଲେନ ଏବଂ ସିନ ୱେଣ୍ଡିଙ୍କୁ ହରାଇ ସ୍ୱର୍ଣ୍ଣ ପଦକ ଉପରେ ଉଭୟ ଖେଳାଳି ନିଜ ଅକ୍ତିଆର ଜାହିର କରିଛନ୍ତି ।
